اختلف معاك يا صديقى فى موضوع رفع العلف هى مدارس و كل مدرسة ليها شغلها انتا بتشيل الاكل عشان حرارة جسم الطائر انا بفضل ان المربى يسيب الاكل عشان الطائر عندو اجهاد من الحرارة ململوش انا اجهاد اكتر برفع الاكل ( دة للمربى اللى مش قادر يحقق الحرارة الطبعية للطائر ) و اختلف معاك ايضآ فى جرعة الريفو لو عندك الريفو الاخضر 225 بنحط حباية واحدة لكل 2 لتر مياة ولو عندك ريفو 75 بنحط 3 حبات لكل 2 لتر مياة
لو سمحت انا فراخي عمر 26 يوم وعندهم اسهال ابيض وبني جبت علاج ما جابش نتيجه اعمل ايه مش عايزه كل شويه ادي لهم علاج عشان طعم الفراخ ما تغيرش من كتر العلاج
المعلومات ناقصة كتييييير مثلا العرق سوس مغلى ام منقوع وكم سم على اللتر فيتامين سى كم جرام على لتر ماء وميعاد وضع العرق سوس وفيتامين هل النهار ام فى الليل وشكرا لحضرتك
العرق سوس منقوع و 10سم على اللتر فيتامين سى 1 جرام على اللتر او على حسب وصف الطبيب البيطرى لان فية ادوية مركزة بنحط جرام على 2 لتر افضل ميعاد باليل او فجر اليوم الحر
المروحة هتقلب الهواء السخن الموجود فى المكان عندك يعنى مش هتفيدك فى حاجة دة بالعكس هتضرك لانها غالبآ هتهيج تراب من الفرشة ... الصيف لازم خلية تبريد و شفاط مناسب لحجم الغرفة . الا لو حضرتك بتربى 10 او 20 لبيتك فطبعآ الخلية هتكون مكلفة ليك فى الحالة دى ممكن تستغنى عن الخلية بس لازم تجيب شفاط حتى لو شفاط صغير من بتوع المطبخ
العرق سوس من اى عمر مفيش منة ضرر لاكن حضرتك مش هتحتاجة غير فى العمر الكبير يمكن من بعد 14 يوم او 20 يوم لان الفراخ فى العمر الصغير مثلآ 14 يوم بيحتاجو درجة حرارة 30 او 31 ولو الحرارة ارتفعت معاك لحد 34 مفيش اى ضرر الكتكوت لسة صغير و جسمة مبيخرجش طاقة كبيرة
