الموضوع دة اعمق بكتير مما تتخيلى علشان كدة خليكى معايه فى رحله صعبه جدا وشاقه فى روح النرجسي
هنبدا بمعنى الحب وطبيعه الحب كلنا عارفين انك مستحيل تقدرى تحبي اى حد فى الدنيا الا لو بالاساس حبيتى نفسك لكن هل سألأتى نفسك قبل كدة ليه؟ ليه انا محتاجه احب نفسي الاول علشان اقدر احب اللى حواليا ؟ لأن بصراحه كدة الحب كل الحب معناة حب الذات انتى بتحبي نفسك وبتشوفى حبك لنفسك دة فى عيون اللى حواليكى وبتقدرى تديهم حب على اد ما بتشوفى منهم هما شايفينك بتحبي نفسك ازاى بتشوفى نفسك من الخارج فى عيون اللى حواليكىوهو دة اللى بيخليكى تحسي بوجودك انا عارف ان دة كلام جنان بس حقيقى فى ناس ما بتحسش بوجودها ما بتحسش انها عايشه علشان كدة احساسك بالحب وانك محبويه بيخليكى تحسي انك موجودة وعايشه ودة اللى بيسمحلك بتنظيم مشاعرك الداخليه وكمان بيخليكى تحسي بقيمه نفسك دة اللى بيديلك الطاقه وبيديلك القوة نظرة حبيبك اللى بيحبك سواء كان اب اخ زوج ام اخت ابن ابنه هو دة اللى بيخليكى تحسي انك عايشه اللى بيعمله النرجسي معاكى انه بيبلعك جواة وبيخليكى تتلاشي ويتكونى انتى وهو كائن واحد بيلغيكى وتفكرى بطريقته وتشوفى الحياة بعنيه دة مش حب اصلا لأنه بيخليكى تختفى انتى مش موجودة هو ابتلعك بالكامل وتلاشيتى نهائي ومابقاش موجود غير روحه هو ودة مش هو الحب ابدا الحب عكس كدة تماما الحب بيشجعك تحافظى على حدودك وبيمنعك انك تدوبي وتتلاشي فى شخصيه اى حد تانى ببيخلى حدودك واضحه منفصله فبالتالى انتى بتشوفى نفسك وبتحترميها من عيون حبيبك اللى بيحبك فتحسي انك عايشه وليكى شخصيه وهويه وحدود وتحسي بالامان طيب هو دة الجب
النرجسي بقه ما بيعرفش يحب لأن النرجسيه ما بتعنيش ابدا حب الذات كل الناس اللى فاكرة ان النرجسيه هى حب الذات وان النرجسي دة واحد ما بيحبش الا نفسه دة مفهوم خاطئ طيعا لأن النرجسي ما يعرقش اى شيء عن حب الذات اصلا النرجسي ليس له ذات علشان يحبها النرجسيه هى الفشل فى تكوين ذات اصلاالنرجسي بيكون محتاج للناس وجودة واحساسه انه عايش مرتبط بوجود ناس حواليه مصادر خارجيه تديله الذات دى فلما ما يكونش عندك ذات اصلا هتحبيها ازاى وطبعا زى ما بنقول كدة فاقد الشيء لا بعطيه اذا كان هو معندوش ذات يجبها يعنى اصلا عمرة ماعرف يعنى ايه حب معندوش اىتجربه تو خبرة فى حكايه الجب دى يبقى هيحبك انتى ازاى
احانا قولنا شرط اساسي علشان تحبي اللى حواليكى انك لازم تحبي نفسك لازم تكونى مريتى بتجربه الحب دى مع نفسك عندك الخبرة دى انك تحبي نفسك اولافالنرجسي مش بس ما بيقدرش يحبك لانه ما بيحبش نفسه مش بس ما بيقدرشيحبك لانه عمرة ما مر بالتجربه دى لانه اصلا معندوش نفس يحبها لأدة هو اصلا ما بيعرفش يشوفك هو اساسا مش شايفك هو واخدلك صورة فى عقله وبيتعامل معاكى على اساس الصورة دى فاكرين السكرين شوت فاكرين لما قولنا ان النرجسي بياخدلك صورة ويوصلها للمثاليه والكمال وبيتعامل مع الصورة دى ولو انحرفتى ولو لجزء بسيط عن الصورة دى بيبدأ يقلل منك ويحقرك ويعمل معاكى كل الاساليب النرجسيه بتاعتهصورة انتى مجرد صورة مش حتى فيديو بيتحرك وفيه حياة لأ انتى صورة ثابته ساكنه غير متفاعله مافيهاش اى حياة ولازم تفضلى كدة العمر كله علشان كدة النرجسي بيعرف كويس اوى يستثمر طاقه الحب بتاعتك انتى بيقدر يسرقها ويختلسها منك لكن ما بيقدرش يحبك
النرجسيه هى كره للذات النرجسيه شكل من اشكال الكراهيه ورفض الذات الطفل اللى لا حول له ولا قوة المعتدى عليه الطفل المصاب بصدمه الطفل اللى بيتربي على انه مش مسموحله ينفصل عاطفيا عن ابوة او امه مش مسموحله انه يبقى شخص مستقل الطفل دة بيحس بالعجز وبيرفض عجزة دة وبيحس بالعار والخجل من انه مش قادر يعمل حاجه امام انتهاك حدودة وامام سيطرة ابوة او امه النرجسيين واستماتتهم فى انهم يمحو حدودة ويخترقوها ويخلوة يدوب فيهم هما ومش يسيقاله ذات حقيقيه علشان كدة بيبنى لنفسه نفس او ذات زائفه النفس الزائفه دى فيها كل حاجه اتحرم منها النرجسي هو عندة عجز رهيب النفس الزائفه فيها كل القوة النرجسي ما بيعرفش يتنبأ بسلوك اللى حواليه لأنه دايما غلطان ودايما معندوش ثقه فى اللى بيحس بيه الناس حواليه بيحس فيهم كلهم انهم خطيرين عليه والعالم كله معادى ليهواحساس الخوف بيتملكه طول الوقت النفس الزائفه واثقه من نفسها جدا حاسه انها ثابته فاهمه كل حاجه وعارفه كل حاجه مؤلهه زى ما بيقولوا ما بتغلطش ابدا النفس الزائفه هنا بتسحق وبتبلع نفس النرجسي الحقيقيه لانها مش قابله انها تكون ضعيفه او غير مقبوله مفيش شكل للكراهيه اصعب من النرجسيه
النرجسي وهو طفل اترفض واتعرض للاساءه واتقاله انه سيء او انه اله يعنى دة او دة الاتنين بيأدوا لنفس النتيجه النرجسي ما كانش بياخد غير الحب المشروط والشرط هنا كان انه ما يبقاش موجود يعنى انسي نفسك وامحى كيانك ووجودك وشخصيتك اتبع بس اللى انا كأم او اب عايزينه هنا بس هتاخد الحب غير كدة انت غير محبوب ولا مرغوب فيك اصلاالرسائل الخاصه جدا اللى تلاقاها الطفل بالذات من امه انك مش كفايه ابدا زى ما انت كدة وانك لازم تكون زى مانا عايزة انت ما ينفعش تستحق حبي طالما انت كدة لازم تبقى اللى انا رسماهولك الام اللى بتقول لابنها عايزنى احبك ؟ لازم تبقى كذا تبقى حد تانى غير اللى انت عليه وبيفضل الطفل طول حياته يعمل اقصى ما يمكن ويتحول لشخص تانى علشان يحصل على الحب اللى وعدته امه بيه مابيقدرش ينفصل عن امه دى ابدا اللى دايما بتعذبه وبتحسسه انه مش كفايه وانه مش هو دة اللى هى عايزاة هو لازم يديها اكتر
22 мар 2022
