خمس أسباب بتخلي النرجسي يعمل لك القاء وتخلي "ديسكارد"
عرفنا في الحلقة اللي فاتت الفرق بين الصمت العقابي وبين الالقاء والتخلي ، النهاردة حنقول خمس أسباب بتدفع النرجسي انه يعمل الالقاء والتخلي
١- لما ماتتفاعليش معاه لما يعمل لك جاس لايتينج ، ولما تكون ردودك محايدة مفهاش دفاع عن النفس وفيها ثبات انفعالي يعني بالعربي كدة مبقاش عارف ياخد منك وقود سلبي فحيوفر طاقته ويروح يدور على بديل يحط طاقته فيه
٢- لو توصل لمصدر وقود جديد وبيحاول يجهزه ويظبطه ويربطه بيه وطبعا محتاج كل طاقته الشحيحة عشان يعمله اللافبومبينج في الحالة دي بيقطع الاتصال معاكي ويعمل لك القاء وتخلي ويبعد فترة طويلة واذا المصدر دة ماظبطش معاه وحس انه مش نافع بيرجع لك تاني يعمل لك هوفرينج وشوية ويلاقي مصدر جديد فيعمل لك تاني القاء وتخلي وهكذا يحصل تكرار للالقاء والتخلي طول العلاقة ماهي مستمرة لحد مايقدر يظبط مصدر بديل ويجهزه وتمام بيكون دة الالقاء الأخير والتخلي النهائي ويا اما طلاق يا اما انفصال بدون طلاق وبيعيش عند المصدر الجديد .لكن هل بتنقطع العلاقة نهائيا؟ حنعرف في اخر الحلقة
٣- انتي انكسرتي وانهارتي اكتر من اللازم يعني اكتر ما النرجسي كان عايز هو عايز يكون قادر يستمر في تعذيبك وياخد منك وقود سلبي طول الوقت لكن لو انهارتي ودخلتي المستشفى وفقدتي القدرة على التفاعل واعطاؤه الوقود السلبي والخدمة والعلاقة كدة هو مش مستفيد منك ومش دة اللي كان عايز يوصلك له هو كان عايز يفضل يغطسك في الثلج ويخرجك تاخدي نفسك وبعدين يغطسك تاني ويخرجك بشكل لانهائي لكن انتي تتجرأي وتنهاري وجسمك يعمل شاتداون او ريستارت لا دة مش اللي هو عايزه كدة الأمور خرجت من ايده من غير مايحس ولا يقصد لانه اكيد مش عايز المكنة تعطل دلوقتي لكن عطلت فخلاص كدة تمام مش حتفيده ولا حتفيد غيره فيرميها ويتخلى عنها ويروح يشوف غيرها ،ويبعد عنك فترة وهو بيراقبك طالما مازلتي على قيد الحياة وأول ماتستردي عافيتك وتقفي تاني على رجلك تلاقي راجع زاحف يعمل هوفرينج ، مش عشان انتي احلويتي لا خالص عشان انتي كدة بدأتي تشعي طاقة تاني وهو بدأ يشم ريحة الوقود القيم الغني اللي كان بياخده منك وبالعربي كدة المكنة بتاعته اللي هي ملكه اتصلحت ومش من حق أي حد يستفيد منها غيره لانها بتاعته حتى لو مطلقك .عشان كدة دايما أقول للحالات اذا نجحتي في حاتك وبقيتي نجمة حيموت نفسه وترجعي له
٤- كمان سبب مهم جدا بيخلي النرجسي يعمل لك القاء وتخلي ،اللي هو ايه انك تفضحيه عند اهلك وجيرانك واصدقائك ومجتمعك وتفتتي الصورة اللي مصدرها لهم واصبح صعب عليه انه يرمم الصورة دي حيهرب تماما من مجتمعك كله ويروح مكان تاني ومجتمع تاني يبني فيه صورة جديدة (شوفي حلقة النرجسي المسافر وحلقة ماتحوليش زوجك من نرجسي خفي لنرجسي ظاهر)
٥- اخر سبب بقى ودة اهم سبب واللي بيحصل مع معظمكم حاليا اللي هو انتي فهمتيه واتعلمتي كل حاجة عن النرجسية وذاكرتيه كويس وفهمتيه تمام وعرفتي نقط ضعفه وبدأتي توجهي له انتقادات خالية من المشاعر وبثبات انفعالي وحصل عندك لامبالاة تجاهه واصبحتي بتطبقي عليه جميع طرق التجاهل الذكي واصبح مش عارف ياخد منك وقود ابدا هو بيفهم انك فهمتي وبيكره تعلمك ومعرفتك وبيكره تقدمك وتطور شخصيتك وبيبدأ يتهمك اما انك بتعرفي حد غيره ودة بيكون اتهام باطل يعني هو عارف ان مفيش حد لكن هو بيحاول يخوفك ،او انه يقول لك ان حد بيلعب في دماغك وعايز يخرب بيتك ، هو مش عايزك تفهمي لانك لما بتفهمي بتقدري تهاجمي ركائز شخصيته النرجسية وبتهدمي قناعه وفي الحالة دي هو بيحس انه مش حيكسب المعركة وحيخرج منها خسران ودة مرفوض جدا بالنسبة له وفي الحالة دي بيهرب ويبعد ويعمل لك القاء وتخلي لكن في نفس الوقت برضه بيراقبك وبيستنى فرصة تضعفي فيها او تبعدي عن مصدر تعليمك او المساند اللي بيقويكي عشان يرجع تاني بهوفرينج ويحاول يستحوذ عليكي تاني ويضعفك تاني ولو رجعتي له وانتي ضعيفة بيكون اشرس بكتير من قبل كدة اما لو رجعتي بقوتك بس بدأتي توقفي هجومك واتعاملتي معاه بطرق التجاهل الذكي بتقدري تسيطري عليه وعلى الحياة معاه ودة في حالة انك زوجة ومجبرة تعيشي لكن لو تقدري ماترجعيش فطبعا ابدا ابدا ماترجعيش
طيب امتى التخلي يكون نهائي نهائي وتنقطع العلاقات تماما ؟ مش حيحصل طالما فيه أولاد وطالما هو من العيلة وطالما انتي لسة فاتحة حدودك
هو مستحيل يوقف محاولاته على مر السنين انه يتواصل معاكي لمجرد احساسه انك من ممتلكاته فاذا انتي مكنتيش عندك حدود صحية مش حيقف التواصل ودي مهمتك انك تخلي الالقاء والتخلي نهائي دي مش بتاعته هو ابدا
13 фев 2022
