شرح رائع يا دكتور ولي ملحوظة .. هي أرجو الاهتمام بالصورة المصغرة التي تظهر في واجهة الفيديو فهي تساعد أكثر في الانتشار والسبب الرئيس للتعرف على المحتوى ومشاهدة الفيديو .
مساء الخير يادكتور حضرتك من اسبوع عملت الجبنه الدمياطى بسترت اللبن على ٧٣ وسبته يبرد لا ٤٠ وبعدين حطيت المنفحه وطلعت تحفه بس اليوم شفت تانى لحضرتك فى مقابله تليفزيونيه لقيت حضرتك قلت فيه ان طالما هنبستر اللبن لازم نحط كلوريد كالسيوم وانا ماحطتش كلوريد كالسيوم هل ده فيه ضرر على الصحه ده اولا ثانيا الفيديو ده من غير بستره المنفحه على ٤٣ او ٤٥ فى الشتاء وبعدين منفحه هل طريقة الفيديو ده من غير كلوريد الكالسيوم وشكرا جزيلا لحضرتك ومستنى شهر ١٠ عسان اتشرف بحضرتك فى الكورس
مساء الخير يا فندم. **أولاً اللي حضرتك عملته ده مش بسترة دي معاملة حرارية تكافئ البسترة.. لأن البسترة نوعين:- * بسترة سريعة علي درجة حرارة ٧٣ درجة مئوية ولكن لمده (١٥ ثانية). * وبسترة بطيئة علي درجة حرارة ٦٣ درجة مئوية ولكن لمدة( ٣٠ دقيقة). ** في حالة إجراء البسترة بهذه الطريقة لابد من إضافة كلوريد الكالسيوم لكي تتم عملية التجبن بالشكل السليم لأن البسترة تؤدي إلي ترسيب الكالسيوم في اللبن وبالتالي لابد من تعويضه بإضافة كلوريد الكالسيوم لانه ضلع أساسي في عملية التجبن. ** أما في حالة تصنيع اللبن بدون بسترة فده ممكن يكون في الجبن الدمياطى الخزين..لأن الجبن الغير مبستر يتم استهلاكه بعد ٦٠ يوم من التصنيع يكون آمن... لأن بسترة اللبن بتقضي علي جميع الميكروبات المرضية.
@@tameradel9358 أيوة أفضل كتير من التسخين لدرجة التنفيح فقط.. وممكن تضيف كلوريد كالسيوم لو متاح عندك علشان ضمان إن التجبن يكون أفضل ما يكون. ** ملحوظة هامة** إضافة كلوريد الكالسيوم ليس له علاقة بالناحية الصحية ولكن علاقته بالناحية التصنيعية وجودتها.
طبعا المعامل بتستعمل ملح خشن علشان التصافي في الناتج.لكن في البيت ممكن حضرتك تستخدم ملح ناعم عادي.وتقدر تضيف كمية الملح اللي تناسبك حسب التذوق الخاص بحضرتك.
السللم عليكم يادوكتور من فضل حضرتك فيه مشكله لو عملت نفس الطريقه بس خليت نسبة الملح ٥% فقط وحطتها فى برطمان من غير ماتتحط فى تلاجه وتستهلك علطول مش تتخزن وشكرا جزيلا لحضرتك
هو طبعا علشان الملح خفيف يفضل أن توضع في الثلاجة علشان تحفظها وخصوصاً إذا كان ذلك في فصل الصيف..أما في فصل الشتاء ومع الجو البارد ممكن تبقي خارج التلاجة بس تستهلك بسرعة.
التصافي تختلف باختلاف نوع اللبن ونسبة الملح المضاف وموسم التصنيع. **في حالة اللبن البقرى وملح عالي لا يقل عن ١٠% تكون التصافي من 20 %الي 25% وفي موسم الشتاء تكون التصافي 25% يعني ال5 كيلو يعطوا حوالي1.25 كيلو جبنه. ** أما في حالة اللبن الجاموسي وفي نفس الظروف المذكورة التصافي تكون 1.5 كيلو في حالة تصنيع 5 كيلو. ** في حالة لبن خليط بقري وجاموسي وتحت نفس الظروف المذكورة سابقا التصافي تكون حوالي 27% اي أن ال5 كيلو يعطوا حوالي1.350 كيلو.