راه فعلا كاين رجال داءما تابعينهم العيالات ما تعرفش علاش عليه الزحام يضربوهم يخونوهم ياخدو لهم فلوسهم وتابعينو وتلقاه كيسب ويمكن يضرب ولاصقينو ما عرفت هاذ الشي شفتو بعيني له في خلقه شؤون
اوووف أختي معرفتش علاش بعض السيدات لصقة، مصيبة هذه ، بعدي لهيه، بعد لرزقك، اما إلى بقيتي لاصقة فيه راه حياتك ضاعت ، هذشي جاني بحال مرات دريس 😂😂 ديك لمرا مسكينة حمقها راجلها دريس خدا ليها رزقها عطاه للصاحبة خدمت عليه العمر كله ،في الآخر مسكينة من شوف تيفي لقناة أخرى تدعي فيه ،هي مسكينة طيبة وبغاتو من نيتها ولكن هو ماشي في هذ العالم ، إوى الله يهدي ماخلق ،شحال من وحدة طوات الصفحة وجاب ليها الله مااحسن ،وشحال من مسخوطة لصقة على المشاكل حتى ضاع عمرها ،الله يلطف.
أنا فقصتني اكثر المرآ الاولى عوض تركز على راسها وتخدم و تبعد من هاد المندوس بقات تابعاه حتى خرجت على راسها وعلى هادوك الوليدات دابا عمرها ماتخرج من المغرب وهو عايش الحياة مع راسو مافهمتش واش العيالات مابقات عندهم نفس فين الكرامة و العزة هادشي بان لي غريب عمري ماسمعت بحالو
علاش غتصبر علي الدل و الخيانة سمحيني الختي هدشي مفيش صبر هادا فيه ١ من ٢ كترميه صطل بلا تقرقيب ولا كتحيديه له من لغليغة و لاكن كاين هاد نوع لكيعجبهم تمرميد و مديرينش قيمة لداتهم
😅و باز علي خاطر وجهد لعندهم و باقيين زايدين فيه لكان هاد طاقة فرغوها فالخدمة و المعرفة لكان فين و صلو ولاكن الجهل و الفراغ و قلة لعقل فين كتوصل. و انا متأكدة ان للقصة تتمه...
