اسوأ ثلاث صفات عند االنرجسي .. كوثر سند 

٧- نقص حاد في المشاعر
النرجسي قدرته على التعاطف ضعيفة جدا او شبه معدومة ، وبيتوقع ان الناس بتشعر بنفس طريقته ولما يشوف حد متعاطف بيتغاظ منه جدا ويهاجمه وفي نفس الوقت يراقبه ويتعلم منه عشان يقلده لما يحب يمثل انه متعاطف مع حد ، وطبعا طالما مفيش مشاعر ولا تعاطف يعني مبيحسش انه اذى حد ولا عمل اي حاجة غلط وبالتالي مفيش عنده اي شعور بالندم .
هو على وعي تام بصور التهديد والغضب والرفض اللي ممكن يناله من الاخرين وطبعا دة بيسبب له هلع ورعب . لكن في نفس الوقت هو اعمى تماما عن مشاعر الاخرين وتأثيره السلبي عليهم لانه مش شايف غير نفسه ومش منتبه ولا مهتم غير بنفسه بمشاعره ، هو كمان مش بيعرف يقرأ تعبيرات الوجوه الا لو عبرتي عن مشاعرك بشكل دراماتيكي مرعب يعني بالغتي جدا في اظهار مشاعرك ( بمعنى انه حيفهم لما تنهاري او تكشري تكشيرة شديدة اللي بعدها حتقومي تاكليه ) غير كدة متتوقعيش انه حيفهم ،، وخدي بالك اثناء نوبات الغضب النرجسي مش حيفهم كلمة اسفة ولا كلمة بحبك بالعكس ممكن يعتبرها هجوم عليه او يتهمك بالكدب وميصدقكيش . ومعظمهم مش بيميز الهزار او يقولك مبحبش وممكن يعتبره تعدي عليه واهانة ، كمان هو متخيل ان مشاعر الغضب والاستياء المستديمة اللي عنده بسبب افكاره الغلط عن الكمال وبسبب عدم رضاه عن نفسه وعن حياته بيتخيل ان انتي السبب فيها عشان كدة بيهاجمك عند اي لحظات احباط بيمر بيها
٨- انعدام التفكير العاطفي
التفكير العاطفي غير وارد عند النرجسي اصلا ، ولو حاولتي تفهميه ان تصرفاته بيؤذيكي مش حيفهم ولو قال لك انه فاهم بيبقى بيكذب لان هو مش بيفهم غير نفسه واحتياجاته ولابيتعاطف غير مع نفسه وبس ودة بنشوفه كتير مع الاحالات اللي بتقول بيشتري بالعشرين كوتش وبالتلتميت قميص ومش مهم يجيبهم على حساب ايه ومن فلوس مين المهم انه يقضي حاجته بشكل مرضي غير آبه باحتياجات غيره ، واللي زي دة بيسيب اولاده بدون لبس ولا بيلبي لهم اي احتياج
٩ - الانفصال الداخلي
النرجسي منقسم داخليا لجزئين جيد وسيء وكل شيء في حياته برضه منقسم للجيد والسيء ولكن دائما وابدا ينسب الجيد لنفسه والسيء لكي اولا وبعدين لاولاده ، حتي ذكرياتهم مقسومة بنفس الطريقة اما جيدة او سيئة . الحياة بالطريقة دي مميتة مفيهاش اي نوع من انواع الرضا وعلطول مكتئب وعلطول منكد وينكد على اللي حواليه وينكد على اشياء تافهة جدا مثلا غرفة الفندق مش الشكل اللي كان متصوره فيقلب الاجازة نكد او لو الجو في المصيف مش حلو برضه نكد فهو علطول في نكد
تابعونا على الفيس
اكونت الفيس بوك
www.facebook.c...
جروب ادرس عدوك النرجسي
/ kawthersanad11
قناة التلجرام
t.me/learnabou...
الكتب :
- healing from narcissist