افضل شهور وايام الصيد بنهر النيل 

#افضل شهور الصيد بنهر
النيل
#شهر أغسطس، سبتمبر، أكتوبر، نوفمبر، ديسمبر، يناير
هذه
#الشهور بدوود الارض
حداف او غماز او شغل بالصاحى للبياض والدقماق والقشر وطبعا الدلوعه المعشوقه البلطى بالغماز ودوود الارض
#الوقت المناسب
من بعد اذان المغرب إلى اذان الفجر
#افضل الايام لصيد الغماز
يوم 1,2,3,4,5,6,7,22,23,24,
,25,26,27,28,29,30
من كل شهر عربى
#شغل الحداف معاك طول الشهر مش هيفرق
#الغماز بس لان سمكة البلطى بتمسك البر وضوء القمر بيكون كاشف المايه وكمان نشاط سمكة البسريا والشلب الصغير مش هيخلى الطعم يصل للبلطى
#اختار أدوار غويطه فى الايام القمريه
كلها اجتهادات بالتجارب
علشان هتلاقى ناس هتقول انا بنزل فى القمر وباخد سمك ياعم وانا زيك مش كل الاراضى بتاكل فى القمر
الهم خد من كلامى اللى يعجبك واللى ميعجبش ارميه ورا ظهرك،،،،،،،،
#طيب شهر فبراير، ومارس وابريل، ومايو ويونيو ، ويوليو
#من ١٥ يناير السده الشتويه
إلى ١٥ فبراير
من شهر مارس المايه الجديده انزل اشتغل بالريم
مارس وابريل بعد ذلك السمكه هتبور يعنى موسم التزاوج شهر مايو ويونيو وبعد ذلك
السمكه ممكن تاكل كويس بس للاسف المايه هتذيد جامد والسمكه هتاخد عيلها وهتدخل الجزر محميا طبيعيه
#من عند الله ومع نزول المايه فى اخر شهر أغسطس او من نصفه السمكه هتسيب الجزر وتنزل على البر والجروف والارصفه الحجر وهذا يسمى موسم الصيد الفعلى
#اتمنى ان اكون قدرت افيد الاخوه الجداد فى الهوايه
اخوكم محمد المصرى عاشق
صيد الدلوعه المعشوقه سمكة البلطى

Спорт