بجنوب القوقاز أكو نفس النوع ونفس الألوان همينه، أفعى فتاكة ومعظم الوفيات بجنوب القوقاز وآسيا الوسطى بسبب الأنف المدور، أكو منها بجنوب القوقاز طولها 2 متر 2 متر نص، أفعى ضخمة تملك قوة عضلية جبيرة، وسبّاحة ماهرة، و1 ملغ من سمها يقتل البشر ويدمر خلايا الدم ومكان للدغة يدمر الأنسجة وبعد ساعات يصير تعفن أو تآكل الأنسجة بعدين العظام ويتم بتر الطرف اذا الملدوغ طلع محظوظ و بقى على قيد الحياة، وأكو خبراء سوريين (في الحقيقة هواة أفاعي لأن همه أصلا معدهم خبراء أفاعي احترافيين) ديكولون أنها خجولة ممتسلقة، يجوز عدهم نوع ثاني هجين مو أصلي، هاي بالعكس هاي تحب تتسلق أشجار المشمش وكروم العنب وشجيرات العليقيات وأشجار التوت ومتخاف البشر حركاتها بطيئة نسبيا بس خبيثة وسريعة جدا باللدغ، وأكو همين اعتقاد خاطي انها أقل سمية من حية فلسطين، بالعكس سمها أقوى من سيد دخيل وأفعى فلسطين والنوامة (النفاثة) بهوايه تعالوا شوفو مؤشرات الوفيات بجنوب القوقاز وآسيا الوسطى من وراء هالحية، لا أفعى فلسطين ولا سيد دخيل ما تسبب هيج وفيات، هاي فتاكة كلش، والحذر منها!