اللي متابع خطب وقرارات فشاخة الرئيس..ميقدرش ابدا يفصلها عن التسريب اللي انتشر له مع الصحفي ياسر رزق..بتاع الاحلام والساعة الاوميجا وشعوره الداخلي أنه صاحب مصر ..أو أنه امتداد للملوك اللي حكموها والناس عبدتهم هما شخصيا ..هو شخص غروره كتير بيفصله عن الواقع .. ومحدودي الدخل اللي هما بيمثلوا الأغلبية مش متشافين بالنسبة له اصلا ..رغم أن ٨٥٪ من موارد الدولة اللي هو بيحكمها من ضرايبهم.. لأن أولوياته في حتة تانية خالص..وتدبير الفلوس اللي تعمل له قصوره وقطوراته الكهربية ..وادمانه الشخصي للمعمار ومشاريع البروباجندا والاضخم والأعلى والأكبر .. وآخرهم جامع الفلاح اللئيم اللي لطع صورته على العملة الجديدة..كل ده صور له إن الكنز البشري اللي تحت أيديه ده .. مجرد ارقام مهمتهم بس في الحياة أنه يعصر فيهم لآخر نقطة ..وينفض جيوبهم لآخر جنيه وعن طيب خاطر كمان.. قصاد أنه كتر خيره سايبهم عايشين ..عشان بس ينفذ كل مشاريعه اللي بأرقام فلكية ويشبع شهوته بالإحساس بالعظمة والتميز..ومش في دماغه هو بيهرس كام مليون في سكته ..خير ربنا كتير والعدد في اللمون عادي ..فكان طبيعي بعد كل بلاويه في حق محدودي الدخل ..أنه بكل بجاحة يعترف ان آه انا عارف أن العيش خط احمر..وان الإقتراب منه ملغم ومش مضمون العواقب..بس انا هقرب بقى واللي عندكم اعملوه..وعموما نسأل الله التساهيل .. الموضوع ده فكرني تاريخيا بالملكة ماري عرصوانيت أثناء الثورة البلحية.. لما قالولها الشعب ثاير عشان مش لاقي العيش..قالت لهم وماله ..مش لاقيين العيش يشربوا مارلبورو احمر ..وعلى صعيد آخر الحكومة المصرية في خطتها لإلغاء نظرية كرمشله عشين جنيه.. واستبدالها بمصطلح أبرم له نفس العشين جنيه ..طرحت التصميمات المبدئية للعملات البلاستيك..واللي الصراحة الديزاين اللي شفناه لحد دلوقتي حاجة يعني ...زي الزفت الصراحة..بس عموما انا اتواصلت مع مسئول في البنك المركزي.. ونقلت له شكوى الناس من علم الرينبو اللي ظهر على جامع محمد علي.. لأنهم مش فاهمين انه علامة مائية…الراجل مشكورا قال لي أنه عرض الموضوع على السيسي .. والسيسي قال له خلاص احنا نشيل الجامع …
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
3 окт 2024