مذيعة معندهاش ذوق عمالة تقاطع المستر مش فاهمة اي ده بجد! مستر عمرو محترم وحاسس بيناا وقال كل حاجة عايزين نقولها،الوحيد اللي طلع اتكلم بكل ضميررر وصراحة، ربنا يهونها عليناا وميضيعش تعبنا ولا تعب اهلنا ويكرمنا❤
مستر عمرو ربنا يخليك لينا احلى حاجه طلعنا بيها من ثانوية هى حضرتك والله ، ربنا يجعله في ميزان حسناتك ويبارك في عمر حضرتك ، اشهد الله ان حضرتك عملت الى عليك وزياده كمان الحمدلله على قضاء ربنا والى جى خير ❤
مستر عمرو حبيبنا ربنا يباركلك يارب و بشكر حضرتك انك وصلت صوتنا و انك معانا حتي بعد م خلصنا 💗💗💗💗💗🥺 و حسبي الله و نعم الوكيل فيهم علي تعبنا ده و كميه الحل اللي حليناه و يجي كدة في الاخر ربنا يعوضنا خير في اللي جاي إن شاء الله
ربنا يجزيك خير يا مستر عمرو بجد مدرس محترم جدا وبتحس بالطالبه بتوعك والكل وياريت الوزير يبص بعين الرحمه بجد شكرا جدا انك وصلت صوتنا وفكرنا جزاك الله كل خير❤❤
لول كلنا عارفين ان الامتحان مقصود يتعمل كدا فتحوا 14 كلية خاصة السنة دى مين هيدخلها لو كلنا جبنا مجاميع ؟ يعنى معلش اهلى صرفوا دم قلبهم طول السنة و مستنين مجموع تيجوا علشان عاوزين فلوس تعملوا كدا علشان ندخل كليات خاصة... والله مش معانا فلوس تدخلنا خاص فهو حسبى الله من الاخر
شباب خلاصة الكلام عشان نقفله ونركز في الي جاي طلما الامتحان صعب علي الكل يبقي مفيش قلق لان تقريبا هتكون النسبة بينا قريبة امتي تقلق لو الامتحان سهل علي الكل او الاغلبية وصعب عليك ساعتها تقلق لكن طلما صعب علي الكل فا احنا في الامان وولو في اسوء الحالات مثلا حليت نص الامتحان غلط فانت خسرت خمسة في الميه بس لسه قدامك خمسة وتسعين في الميه خلاص ارمي دا كلو ورا ضهرك وركز في الي جاي ربنا معاكو ❤
على فكرة نظام التحسين لازم يرجع وطارق شوقى فى بداية طرحه للنظام الجديد اصلا قال ان التحسين ده ركن من أركان المنظومة الجديدة وللأسف مطبقش ورضا حجازى اتكلم فى الموضوع ده بس برده معملش اى اجراء على الأرض ومقدمش القانون بشكل رسمى للبرلمان مع ان التحسين ده حق طلبة النظام الجديد كلهم لان الوزير لما طرحه قال ان النظام ده هيسمح بالتحسين وهدفه إلغاء كابوس الثانوية العامة لكن اللى شوفناه وبنشوفه هو ان الموضوع تعدى الكابوس بمراحل وبقى أسوأ منه ياريت الوزارة تصدق وتطبق التحسين لكل دفعات النظام الجديد بما فيهم 2021 و 2022
بما ان النظام الجديد اصعب من النظام القديم في المواد العلمية خصوصا و بما ان ده اصعب امتحان كيميا جا في النظام الجديد فده معناه ان ده اصعب امتحان كيميا جا في مصر من اول سنة 2000 عالاقل
تانيه ثانوي.. وحابه اقولكم حاجه بمناسبه إمتحان الكيمياء.. انهاردة أثبت ان نظام امتحانات الثانوية عموما في النظام الجديد هي امتحانات متخصصة لقياس قدرات معينة وارد تكون موجودة عند طالب اه وطالب لا الفكرة مش انك ذاكرت قد ايه الفكرة انت بتذاكر ازاي فاللي لازم تشتغل عليه كواحد مقبل علي ثانوية عامة انك لازم تتوفر عندك القدرات دي لازم تعرف تتعامل مع أسئلة الربط والتطبيق لازم تهتم بالتراكم المعرفي وبالتالي لازم تكون متأسس كويس لازم تتعامل مع أفكار كتير متنوعة لازم تحل كتير عشان تتعود علي الحل ف أقصر وقت ممكن لازم تهتم بمواضيع البحث عشان مفيش حاجه اسمها دي مش في المنهج وأخيراً شوف النظام عايز منك إيه واشتغل عليه 👌 انا عارفه ان الموضوع مش سهل لانك شبه بتغير مسار أو نمط تعليمك ولكن دا أمر واقع لازم نتعامل معاه ملحوظة : كلامي ملوش علاقة بمستوي الامتحان انهاردة صعب أو سهل
الكيمياء من المواد اللي الواحد اهتم بيها من اول السنة و ذاكرتها على حساب مواد تانية على اساس ان انا اقفلها و كان مستوايا كويس فيها طول السنة و اخيرا لما دخلت الامتحان في اسئلة ملحقتش ابص فيها
لا مضاعش كل ما الامتحانات اتصعبت كل ما كليتك قربت احسنى الظن بالله فى اضيق الحدود ربنا ملهوش مصلحه يحرمك من كليه او حلم ادام هونصيبك وخير ليكى متقلقيش ادعى كتير
@@Mo------------ علي فكرة انا ادبي بس هرد علي حضرتك دلوقتي احنا بتكون قاعدين في لجنة تحت ضغط مراقبين واقفين علينا وفيه ضغط نفسي وتعبانين ومرهقين جسديا وذهنيا ونفسيا وبقالنا من شهر ٧او ٨علي حسب كل واحد في الدروس من درس لدرس من سنتر لسنتر وسهر وقلة نوم واهالينا مقصروش معانا في حاجة وكل شوية بندفع فلوس ونشتري مذكرات وتلخيصات ونحل ونمتحن ونسهر والاعياد مش بنعيد عيد الفطر معيتناش وعيد الاضحي اهوووو مش هنعيد واحنا كمان اخر سنة لينا كان تالتة اعدادي ترم اول زي ما قال المستر فاحنا نعتبر بقالنا فترة مش بنشغل مخنا روحنا من تالتة اعدادي لتالتة ثانوي والامتحان كان صعب ايه امتحان حاجة واربعين سؤال كله فهم وتربيط وتحليل في اجزاء المنهج هو ايوة عادي يكون فيه اسئلة كده بس مش كل الامتحان وده اللي المستر قاله وبعدين حضرتك وانت بتحلل الامتحان وخليته حضرتك قاعد مرتاح مش قاعد عليك مراقبين مش قاعد في ضغط مش قاعد دماغك تؤدي وتجيب في مستقبلك مش قاعد في لجنة انت اكيد جربت قاعدة الجنة والضغط وبعدين حضرتك اكبر مننا فمخك يختلف عننا لان الواحد لما يكبر بيبتدي مخه يتوسع ويستوعب حاجات كتير وحاجات معقدة احنا عندنا ١٨سنة انت لو كنت موجود وشفت منظر طلاب علمي علوم تتعب نفسيا انا كنت بعيط مع بنات علمي علوم انا وبنات ادبي كنا بتعيط معاهم وكل الجان كانت بتعيط وبنات كتير اجلت يعني سنة طاعت من عمرهم علشان ماده بيذاكروها من اول السنة البنات طالعين منهارين من العياط واللي اغمي عليها وفيه بنات كانت بتجري في الشارع وهي بتعيط ومنهارة وفيه بنت اكيد سمعته عنها اللي قتلت نفسها الله يرحمها ي رب ويغفر لها ويسكنها فسيخ جناته مستقبلهم ضاع علشان مادة بجد حرام
الحمد لله.. شكراً مستر عمرو على وقفتك وتحليلك والمذيعة حاسس إنها مش مقتنعة وشايفة إن كده عادى، يارب تشوف عملك معانا يلى حطيت الامتحان فى اعز ماتملك علشان ضيعت تعب سنة كاملة ومصاريف جنونية وضغط حسبنا الله ونعم الوكيل.
حتى لو كل المدرسين اتكلمت و قالت صعب، كدا كدا مش هيغيروا حاجة، و كل سنة لازم يجي امتحان صعب، السنة الماضية كانت الفيزيا و السنادي الكيميا، و على الرغم ان فيه ناس كتيييير جدااا قالت ان الامتحان صعب، لكن هتلاقي ناس مقفلة الامتحان، ازاااي؟! الله أعلم و النهاردة كل الناس اللي تعبت طول السنة، طلعت تبكي، و الناس اللي مفتحتش كتاب، طلعت مبسوطة و فرحانة، طيب ليه، علشان الغش يا صحبي، و حقا لكم الله، و حقا كل سنة ناس كتير جدا بتتظلم، وبتخسر احلامها، لو مفيش غش، كان هيبقى الامتحان صعب على كله، و كدا هيكون فيه عدل، لكن هنعمل اي حسبي الله ^^
تمام الإمتحان بيتسرب اصلاا بيتسرب غلط انتوا متخيلين ان فيه مدرس هيقدر يحل الامتحان دا في نص ساعة او حتي ساعة حتي لو بيشغوا يدوبك ينجحهم بالعافية وبرضو التنسيق هينزل متحببطش نفسك ولا اللي حواليك ❤❤
حسبنا الله ونعم الوكيل في كل واحد بيغش وكل واحد بيساعد علي الغش بس علي فكرة يلي بتغش اوعي تفكر انك لما تجيب مجموع عالي وتدخل كلية عالية وكويسه يبقي انت كده خلاص لأ عمرك ماهتبقي مبسوط وهتاخد ذنب كل اللي ظلمتهم في الدنيا وفي الآخرة واللي ذاكر وتعب وعمل اللي عليه واتظلم في الدرجات ربنا مش هيضيع تعبه وهيعوضه خير في حاجه تانية إن شاء الله
