شعارنا طول السنه اللى الحمدلله نفتخر بيه #عيله_المعافر_مش_بنغش_لكن_بنعافر هنيئا لكل من حصل على مجموع حلال ورضى بما قسمه الله له ربنا يوفقنا وإياكم يا رب ✨💙 كنا أسره طيبه اتجمعنا على الخير طول السنه ربنا يشهد أنا بعزكم قد ايه ربنا يسعدكم ويرضى عنكم ويهدينا جميعا يارب ✨💙
انصحوا أولادكم بهذه التخصصات وبالأخص طلاب الثانوية اللي داخلين الجامعة : - الذكاء الاصطناعي AI - إنترنت الأشياء IoT - تعليم الاله machines learning - البيانات الضخمة Big Data - علوم البيانات Data Scince - التجارة الالكترونية E-Commerce - الحوسبة السحابية Cloud - التكنولوجيا المالية FinTech - امن المعلومات Information security - البرمجة - الطباعه ثلاثيه الابعاد 3D printing - التحول الرقمي - الاطراف الصناعية فهذه عناوين المستقبل القادم .. قائمة ب 30 كلية وتخصص ربما لم تسمع عنها من قبل: 1- كلية علوم ذوى الاحتياجات الخاصة والتأهيل بجامعتى بنى سويف والزقازيق. 2- كلية الثروة السمكية بجامعات قناة السويس وأسوان وكفر الشيخ. 3- كلية الذكاء الاصطناعى بجامعات القاهرة وكفر الشيخ وسوهاج تضم تخصصات صناعة الروبوت والألعاب. 4- قسم علوم الصحة الرياضية بكلية التربية الرياضية توفر العديد من فرص العمل فى مراكز التأهيل والإصابات. 5- كلية علوم الملاحة وتكنولوجيا الفضاء بجامعة بنى سويف. 6- معهد النباتات الطبية والعطرية فى جامعة بنى سويف يؤهل للعمل فى تركيبات الأدوية. 7- معهد دراسات وبحوث تكنولوجيا السكر. 8- قسم الإعلام الأفريقى بكلية الدراسات الأفريقية بجامعة القاهرة. 9- برنامج التكنولوجيا الحيوية بكلية العلوم جامعة القاهرة. 10- كلية الدراسات العليا للنانو تكنولوجى بجامعة القاهرة. 11- برنامج الترجمة التخصصية من وإلى الألمانية بآداب القاهرة "ساعات معتمدة" 12- برنامج اللغة العربية لغير الناطقين بها بآداب القاهرة. 13-تخصص الميكاترونيكس بهندسة القاهرة "ساعات معتمدة" 14-كلية تكنولوجيا وصناعة الطاقة بجامعة القاهرة الجديدة التكنولوجية. 15- كلية تكنولوجيا وصناعة الطاقة بجامعة الدلتا. 16-الكلية المصرية الكورية لتكنولوجيا الصناعة والطاقة بجامعة بنى سويف التكنولوجية. 17- كلية الاقتصاد المنزلى بجامعة حلوان. 18-كلية التعليم الصناعى. 19-برنامج جورجيا بكلية التجارة جامعة القاهرة "ساعات معتمدة بمصروفات" 20-معهد المشروعات الصغيرة والمتوسطة بجامعة بنى سويف. 21-معهد الدراسات العليا والبحوث البيئية بجامعة المنصورة. 22-كلية رياض الأطفال. 23- معهد البحوث الطبية بجامعة الإسكندرية. 24-المعهد القومى لعلوم الليزر بجامعة القاهرة. 25- كلية التكنولوجيا والتنمية بجامعة الزقازيق. 26-كليات ومعاهد التمريض المختلفة لأن سوق الطب المصرى يواجه نقص شديد فى التمريض المؤهل. 27-مركز بحوث ودراسة التنمية الريفية بكلية الزراعة جامعة القاهرة. 28-كلية الهندسة الإلكترونية بمنوف. 29-كلية العلوم التطبيقية بجامعة المنوفية. 30- معهد دول حوض النيل بجامعة الفيوم. معظم هذه التخصصات تجد لها فرص عمل كثيرة بعد الانتهاء من فترة الدراسة مع الحصول على التدريبات المطلوبة فى مجالات التخصص. كلية الذكاء الاصطناعى على سبيل المثال بجامعة القاهرة، بها العديد من التخصصات الجديدة التى تخدم سوق العمل المصرى مثل تصميم المواقع والبرامج المختلفة وكذلك تصميم ألعاب الفيديو وغزو هذا المجال بقوة لأن مصر بجامعاتها المختلفة بعيدة عن هذا المجال ومن هنا فكرت جامعة القاهرة فى دخول هذا المجال بقوة. هناك تخصصات عديدة مثل الميكاترونيكس فى كلية الهندسة وكلية النانو تكنولوجى وبرنامج التكنولوجيا الحيوية بكلية العلوم جامعة القاهرة، تؤهل لهذه الوظائف التى يحتاجتها سوق العمل المصرى، وكذلك تؤهل الطالب للمنافسة فى سوق العمل الدولى واستكمال الدراسات العليا فى الخارج هذه التخصصات الجديدة لها قوة فى سوق العمل. زمن كليات القمة "قد ولى" وعلى الطلاب التفكير فى البدائل المناسبة وأفضل بدائل موجودة حاليا هذه التخصصات الجديدة وغيرها من التخصصات البينية فى الجامعات المختلفة التى تعمل على تخريج طالب مؤهل يمتلك العديد من المهارات والأدوات المطلوبة ولديه ثقة كاملة فى مهاراته وإمكانياته لينافس بها فى أى مكان.
ابنى كان دكتور بطرى وكان متفوق وحصل دخل بطرى واتخرج بتقدير حلو وخلص جيشه وكان شاب محترم وزينه الشباب ورحمه الله بلكورونا وراح وكل شىء راح هقول ايه ما تزعلوش ربنا يخليهم بلدنيا كلها
أنا دفعة 2023 علمي علوم ومصر داست على مجهودي واحلامي بريجليها من غير رحمه بس انا عندي كلمه لكل إلي ساهم في تضيع حلمي أنا معايا ربنا ومزعلتش ومتقهرتش وهعافر وهنجح وأنا مستنيه عوض ربنا في إلي وبكل فخر أنا جبت مجموع 52% ونص وشيله كميا وانشاء الله هنجح فيها بدون غش ولا هشتري الامتحان ✨ ألف حمد وشكر ليك يا رب ✨ وحسبي الله ونعم الوكيل 💔
انا خلصث ثانوي من 18 سنه وكان مجموعي 70٪ ووالله وبالله وتاللله اهلي حرفيا علقو الزينه والانوار ف شارعنا اكانه فرح وربي يشهد بكلامي واحتفلو بيا يوم كامل ومش ناسيه كلام بابا ليا لما قالي اياكي تزعلي... تزعلي وانا موجود ازاي... افرحو يا شباب مهما كان مجموعك ده ربنا كريم اوي صدقوني
@@user-vc3ml4bm1y لا و ليه أصلا حضرتك كنتي مدية الثانوية أكتر من حقها!!! أصل هي في مصر يقال أنها سنة مصيرية و هذا مجرد قول لا يقنع ولا يتحقق في الواقع .. عمومًا الحمد لله أنها عدت عليكي و علينا على خير و اللي جاي أحسن بإذن الله ...
عاااش يا حبيبي، الف مبروك يا اخي. انا سعيد ليك وبيك والكلام اللي بتقوله ربنا يحفظك ويرضى عنك ويوفقك واتأكد ان تعبك مش هيروح وان والله والله الخير هو اللي حصلك ده. موفق في اللي جاي يا أخي 💛
انا علمي رياضه. كنت شاطر في السنة انا و 2 غيري. كنا الوحيدين ف الدفعه. الشطار. وكنا علمي رياضه. ف ف شهر 4. اتفقنا انو لو كلنا جبنا مجموع بترول هنخشها و تيجي النتيجة لقيتهم الاتنين جابو 95٪. وانا. 72٪. اتصدمت لمدة 5 دقائق وبعدها. قلت أنا مقصرتش. وقلت الحمد لله كلمتهم قلتلهم روحو بترول وربنا يوفقكم. قالو احنا هندخل هندسة مش بترول. عشانك قلتلهم انا التعليم بيتحداني وعايز يوقعني. انا هخش الكلية الي ربنا يرزقني بيها. وهجتهد جدا وهبقي دكتور جامعه. وهحول دكتور لكلية البترول. عشان متندموش لما تشوفني في البترول وانتو ف هندسة. قالو خلاص. تحدي تاني. لو كلنا بقينا دكاترة جامعه هنعمل عمره مع بعض. قلنا ok. وبإذن الله الي جي افضل
انا اتابعك من السعوديه وانت مصدر طاقه ايجابيه بالنسبه لي بأيام كنت اكره اني ادرس فيها فا انت ربي اختار انك ماتدخل المجال الي كان براسك لأسباب يمكن ان ربي شايفك مو بالمكان ذا ربي شايفك بمكان احسن ويمكن المكان الي كنت ناوي تكون فيه شر لك
أنت بطل يا أحمد وانا اتابعك من البرازيل لاول مرة ...انت بطل لأنك تغلبت ليس على ضغط الاسرة والأقارب ..ولكن لأنك أيضا خرجت للجمهور بشكل أنيق وتحدثت بكل واقعية وقدمت طا٤ة ايجابية هائلة ..وأرسلت طاقة رضا كبيرة جدا ...بجد واصل والعوض عند الله كبير ومستقبلك لا يقف عند درجة الثانوية بل بما أنت عليه الآن ومستقبلا من رقي وتميز ..ربي يوفقكم وجميع الناجحين امثالك...واقبل تحياتي
مخلصه ثانويه باقلى اربع سنين وشوفت الفيديو بالصدفة وحقيقى من واقع تجربتي انه الخيره فيما اختاره الله ويقين أن ربنا اختار لك الأصلح وانا مبسوطه بكميه الرضا الا عندك دى نعمه كبيره ربنا يوفقك ويكرمك
والله انا بنت عمى كانت ثانوية عامه نظام قديم و جابت مجموع الطب وكانت عاوزه تدخله جدا واهلها بردوا ودخلت فعلا وحالياً بتعيط و مكتئبه منه جدا وبعدين هتخلص ف الآخر ولا حاجه ف متزعلش والف مبروووك على النتيجه وربنا يوفقك يارب
والله ي بني اول مرة اشوفك و احترمتك جدا و احترمت تعاملك مع قضاء ربنا انا علمي رياضة السنادي و الحمد لله مجبتش مجموع هندسة بس جايلي علوم برضو يارب الحقها هي كمان و وعد هشتغل ع نفسي فيها و هثبت نفسي فيها أن شاء الله ❤️
قل لن يصيبنا الا ما كتب الله لنا ربنا كتابلك الخير في حاجه تانيه وخليك واثق في كده وكمل في طريق التحفيز والنصايح وان شاء الله ربنا هيكرمك في اللي جاي بالتوفيق ي غالي 💚🤲
كمل يا نجم الخيره فيما اختاره الله مجموع الثانوى العام مش مقياس مجموع قدراتك انت هى الى هتحدد نجاحك فى الحياه وانت طموح جدا عن تعامل شخصى وبالتوفيق والنجاح يا صاحبى ❤️❤️
بنتي طول عمرها متفوقه ١٠٠/١٠٠ وجابت بالثانويه ٨٥ بالميه وكنا متوقعين انها من الاوائل والحلم راح والدكتوره ما صارت دكتوره تنسيقها جالها تجاره عين شمس جالها حاله نفسيه وما اتاقلمت بالمره في الكليه مره سنه من اصعب سنين عمرها حولتلها جامعه خاصه دخلت كليه فنون وتصميم ولا ميولها ولا تفقه شئ في المجال هي بتحب الكيمياء والفيزيا ولكن قدر الله وما شاء الله ولله الحمد اتخرجت السنه ديه بتقدير امتياز صارت متفوقه في مجالها بقول كده عشان قدر ربنا وقدره احسن من اختيارك الثانويه مش اخر المطاف احنا بادينا نغير اقدرنا ونتفوق بالمجال الي ربنا كاتبه لينا ان معي ربي سيهديني
انا 3 ثانوي دفعة 2023 يعني السنادي..... و مقتنعة بكلمة واحدة بس اللي مكتوبلك هيجيلك مهما عملت لو مكتوبلك مجموع عالي و كلية قمة هتجيلك حتى لو مكنش بتذاكر المذاكرة اللي تجيب المجموع العالي دة..... فاحمد ربنا ع كل شئ هو اكيد عارف الاحسن ليك يمكن لما تدخل الكلية دي تلاقي نفسك فيها اكتر من الكلية اللي كنت عايز تدخلها... الفكرة كلها فيك انت...... انت اللي تقدر تكبر نفسك من الكلية دي.... انا اول مرة اشوف فيديو ليك و بالصدفة .... فا مبروك مهما كانت النتيجة .... انت احسن من غيرك بكتيرر .اللي غشوا دول هيتعب جامد ف خياتوا.... انت كمل مسيرتك و اختراعاتك زي ما بتقول .... # البداية بالكفاح_ و النهاية بالنجاح♥♥
استمر في النصايح انت عارف ان الدرجات دي مش مستوى حد فينا كلنا ولا هي مستوى حقيقي لقياس ذكائنها ومجهودنا والله العظيم ، وقدر الله ما شاء فعل ، انا خدت السنة جد من بدايتها وربنا يعلم .. موفقتش لكن الحمدلله عشان عارفة ان انا عملت اللي عليا
@@mokhmokh4472 مش لازم اللي يدي نصايح يكون اللي جاب ، انت لو سمعت من واحد جاب ممكن يقولك على ميزة هو عملها ، ولو سمعت لواحد مجابش ممكن يقولك على غلطة هو عملها (وممكن اللي مجابش يبقى عنده ظروفه : توتر - تعب في الامتحانات - حد قريب له توفاه الله ، لكن معنى انه مجابش وهو معروف بتفوقه مش بالضرورة انه يكون مش شاطر ... فهمت حاجة !!
انا بحييك علي ثقتك القوية اوي في ربنا ،وبا والله بيغير الأقدار بسبب ثقتك فيه ،وانا حصل معايا موقف وحش اوي كان ممكن يدمرني ،لكن كونت واثقه في ربنا أنه عمره مهيعملي حاجه وحشه لاني تعبت والحمد لله الوقف ده كان بدايه نجاح كبير واتحولت من زعلانه الي اكتر وحده فرحانه في العالم
حبيبى والدتك بتقولك كفايه انت فى حياتنا وانا فى مقام والدتك بقولك كفايه ان فى شاب زيك بهذه الاخلاق وبهذا النضج وهذا العقل موجود فى مصر انت مثل اعلى لكل شاب يعرف يعنى ايه اخلاق وعقل ودين انا اتمنىان اولادى يكونو فى ربع اخلاقك وعقلك ربنا يبارك فيك ويخليك لاهلك انا معاك تللى حصل دة بعد قدر الله هو حسد الناس اتغيرت كل حد ينظر لغيره فى الرزق وفى التفوق ما يعرفو ان ديه اقدار ربنا يبارك فيك وفى اهلك اللى عرفوا يربو شاب قدوه فى اخلاقه قبل تفوقه مثلك انا واثقه ان رينا عمره ما هيخزلك اكيد شايل الاحسن اكيد
حقيقي إنت إنسان قمة في الإحترام و قدوة لينا في الجد و الإجتهاد و إن الواحد يواصل و ما يستسلمش اللهم إني أسأل الله العظيم رب العرش العظيم أن يجبر قلبك جبرا يليق بعظمته إنه علي كل شئ قدير .
انت ممتاز جدا وده المجموع مش بيدل على تفوقك ادخل اللى ربنا كتبه ليك وانا حاسة أن إنشاء الله اتبقى دكتور جامعة أن شاء الله انا فى ثانية ثانوى ومحتاجة نصائحك جدا ياريت تعملنا فيديوهات كثير عن نصائحك للثانوية
ايه كمية الرضا ده❤❤❤ ربنا مبينساش تعب حد ابدا ولا بيساوي واحد مبيعرفش بواحد بيعرف ربنا يشهد اني اولا مراه اشوفك ويشهد اني اول مره اشوف واحد من اول مره واحبه
يا ابني ربنا يكرمك انت تستاهل كل خير بس عافر واستمر وماتياسش واكيد ربنا عاين لك الاحسن لا انت تستاهل وماحدش عارف الخير فين اكيد خير ربنا مبيعملش حاجه وحشه لعباده وربنا يوفقك ياااااارب
معلش اصلا التعليم ف مصر فاشل ربنا هايكرمك كفاية انك راضي وبتقول الحمدالله دي احلي حاجة وربنا يسعدك وتبقا احسن الناس باذن الله وعسي ان تكرهو شئ وهو خير لكم
طلبة علمي علوم نصيحه من واحده كانت في نفس موقفكم.. مادمت ماجبتش طب.... صيدله... أسنان... علاج طبيعي.. اوعي تروح علوم ولا بيطري والزراعه.. شوفو تخصصات علوم الحاسب والبرمجه وانسى بقي حوار الكليات دي فورا هاتحس انك بدأت بنفس صدقوني كلية علوم وزراعه وبيطري صعبين عالفاضي البرمجه كارير روعه محترم مستقبل صدقوني
ربنا يبارك فيك بجد كمية ايمان و طاقة إيجابية ربنا يحميك و تفضل مؤمن و مجتهد في حياتك كلها و تبقى زويل التاني ان شاء الله متخافش انت ربنا هيجبرك اوي و هيفرحك جدا بإذن الله
أنا فى نهاية مشوار الثانوية العامة دلوقت معدش غير امتحان الأحياء و اخلص السنة دى ان شاء الله على خير اتمنى منكوا انكوا تدعولى وتدعوا لإخواتنا اللى معانا حاسه ان الفيديو ده جه فى وقته بجد لإن فيه غش كبير جدا وتسريبات و حاجات لا يعلم بها الا الله بس بجد تعبت اوى من كده اللجنة كلها تغش و باصنلك بنظرة انك ... والمفروض العكس ولما باجى انصحهم هتعمليلى فيها كذا وفيها ايه لما نساعد بعض مش فاهمين ابدا أنهم بيضيعوا بعض مش بيساعدوا بعض حسبى الله بطلب مرة تانية الدعاء 🤍 آسفة لو طولت
مبروك يا جميل قدر الله ما شاء فعل واختيار ربنا ليك زي ما قلت احسن واي رأيك انك هتكمل بحوثك واستكشفاتك واختراعاتك بس في مجال هيوصلك لهدفك الصح لان كان ممكن اختيارك يعجزك. انت شخص جميل ومحترم وسوي نفسي وراضي ف انت كسبان يا بطل لان طالما مؤمن وراضي ومتفوق بما يرضي الله ف انت كسبت احسن من الف دكتور اخلاقه مش كويسه او فاكر نجاحه شطاره منه. بعدين اي واحد مره بتجربه زي السنه دي حتي لو جايب خمسين في الميه يقول تجربته وينصح غيره لانه مش بالسهل يطلع حد من السنه دي. الف مليون مبروك وعقبال شهاده التخرج وتكون دكتور في جامعتك ❤
بسم الله ما شأالله عليك ياحبيبي ربنا يزيدك ذكاء وعلم ويجعلك من العلماء المشهورين وبدعي من ربنا ان احفادي يبقوا زيك شاطر ومتدين ومؤمن ربنا يسعدك ويفرحك ياحبيبي
ماشاء الله اللهم بارك ،ربنا يحفظك ويرزقك ويحقق لك كل ما تتمنى وان يبارك فى والدايك زين ما ربو ،وفعلا كفاية ان انت فى حياتهم وكفاية إن فى شباب زيك ربنا يبارك فيك
الف مبروك يا احمد انك عديت السنه دي على خير وانت بصحه وعافيه وحقيقي كلامك كله صح وزعلك غالي علينا زي كلامك لانه احساسنا كلنا، الحمدلله كلنا راضيين ولكن مكسورين، الحمدلله على نعمه الزمن اللي بيخلينا نعدي اي حاجه، ربنا يكون ف عونك حقيقي وف عوننا كلنا ويساعدنا ونتخطي المرحله دي باقل ضرر نفسي ان شاء الله، حقسقس كلامك بيوصفنا كلنا، متفكرش انك لوحدك لان كلنا كده ده اول اختبار بنعدي بيه والرضا بالقضاء وسرعه التخطي هو الاختبار الحقيقي ان شاء الله كلنا ننجح فيه، الحمدلله على كل شي