حقيقي اول مرة اعرف ان في حد بيعمل كونتنت ف المجال القانوني انا طالب كلية حقوق جامعة القاهرة حاليا انتقلت للفرقة الرابعة شغفي ب التكنولوجي عموماً من ايام ث عامة وكنت بستقصي اي حد يجي قدامي ليه علاقة ب القانون اني اساله ازاي اعمل دمج بين القانون والتكنولوجي بشكل عام دخلت ف مجالات كتير ليها علاقة ب البيزنس بيزنس صرف ملهاش علاقة ب القانون خالص بدات اتعلم ف كل حاجة تقابلني ملهاش علاقة ب مجال الدراسة القانونية زي اني بدات اتعلم لغات برمجة وبعدين دخلت ف مجال الماركتينج وغيرو وغيرو حقيقي ف الحلقة دي انا افاقي كلها ومداركي اتوسعت وعرفت اني ماشي علي الطريق الصح هو اتأكدت انها مسألة وقت مش اكتر والحلقة دي اديتني مفاتيح التحكم ف شغفي دا وازاي احققه واتميز فيه بجد شابو ع الحلقة الجميلة دي تقريباً مسبقش معرفة شخصية ب اي حد من الاساتذة الي موجودين ودايرين الحوار غير اني كنت اعرف استاذ عمرو لكن طبعاً هو ميعرفنيش عرفتو لما كنت مشارك ف بحث تبع جامعة القاهرة عن الجرائم الالكترونية والامن السيبراني ف عرفتوا من مقالاتو علي لينكدان واستفدت منها جداً وحقيقي اتمني تكملوا ف ال series دي ولو في امكانية ل حلقة عن مصادر ان الواحد يبدأ ف مجال الملكية الفكرية ازاي بحيث انه ميبقاش تايه خصوصاً ان حضراتكم وضعتو ايدكم علي الفجوة ف المناهج العلمية المقتصرة علي انها تعلمنا قانون اجدادنا والاسلاف والبعيد كل البعد عن اي تطور حاصل ف القرن الواحد والعشرين وشكراً جزيلا واسف علي الاطالة