ورجعنا للهند للمرة التالتة بعد ما اتكلمنا قبل كده على أفلام.."النمر الأبيض" و "مليونير العشوائيات"
بس فيلم النهاردة هندي ١٠٠٪ مفيهوش لا انتاج امريكي ولا تمثيل بريطاني... هو تصنيع وتجميع وتقفيل هندي...
like stars on earth .. او "زي النجوم عالأرض"
أحد كلاسيكيات بوليود اللي العالم كله شافها.. خلي بالكم ان مفيش دولة غير أمريكا عندها الآلة التسويقية الجبارة اللي تخلي أفلام مستواها متوسط تتشهر في العالم كله... فلما تلاقي فيلم مش أمريكي كسر الدنيا اعرف انه فعلاً يستاهل!
وفيلم النهاردة يستاهل... ومن الأفلام الهندية القليلة اللي هتلاقيها في قوائم افضل أفلام التاريخ على مواقع الانترنت زي (آي إم دي بي) وغيره.
دايما في الأفلام المكتوبة بحرفنة بيكون أول مشهد... بيلخص أهم معني في الفيلم كله..
اول مشهد بنشوفه في فيلم النهاردة... هو واحده منعرفش هي مين ولا بتعمل ايه!
بتقول اسامي أطفال وبعدها تقييمات من خمسة وعشرين.
الطفل آكاش - عشرين من خمسه وعشرين
الطفل جاوراف - سبعتاشر من خمسه وعشرين.
الطفل غلام - اربعه وعشرين من خمسة وعشرين.
ثواني... دي درجات إيه حضرتك؟ ماده ايه مثلا؟ ولا نتايج مسابقة رياضية؟ ولا دورة شطرنج؟ ايه الأرقام دي.. وعلي أي أساس قيمنا بيها الأطفال؟!
مش مهم... المهم ان لما الرقم بيعلى... الست تبتسم... ولما ينخفض الست تكشر... وتطلع كلمة (فاشل) عالشاشة.
أي حاجة تانية خارج المشهد ده ملهاش لزمة... ممكن تبقي الأرقام دي اختبارات نظر مثلاً.... او حاجة تافهة مش هتأثر على مستقبل الأطفال.. بس في اللحظة دي.. في المشهد ده... قيمة الإنسان اللي لسه داخل المجتمع جديد ده.. متعلقة بالرقم المكتوب عالورقة.
وبنسمع إسم البطل بتاعنا ( الطفل إيشان)..
٣ من خمسة وعشرين.... اقل درجة اتقالت..
وكلمة فاشل بتظهر عالشاشه بالبونط العريض.
وبعدين الفيلم بيبتدي.
لمشاهدة الفيلم
• فيلم Taare Zameen Par ...
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ghasilmokh
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
9 фев 2022
