سنة 1971 مواطن امريكي اسمه "دانيال" تسلل لمكان عمله بعد نص الليل، مكنش موجود في المكان غير الحراس.
الجو هادي خالص والدنيا هس هس
علي رأي العندليب الأسمر......... عباسط حمودة
" دانيال" بحكم شغلانته كان معاه مفاتيح الأرشيف وباسووردات الخزن والكلام ده كله، راح لخزنة معينة وقام مطلع عدد ضخم من الملفات المكتوب عليها بالخط العريض "شديد السرية والخطورة"
وقام دافسهم في شنطة سمسونايت فاخره تليق بالحدث، وهوبا في الخلعون، خرج لقا عربية مستنياه نط فيها... وفص ملح وداب.
نسيت اقولكم ان مكان عمل الأخ "دانيال" ده هو البنتاجون، اللي هي وزاره الدفاع الأمريكية
وتحت جملة "شديد السرية والخطورة"
كان مكتوب
" السياسات الأمريكية في فيتنام"
اول ما روَّح البيت كلم صاحبة اللي شغال في واحدة من أهم الجرايد في أمريكا وقتها وهي "النيويورك تايمز" وقاله
"بقولك ايه.. معايا سبع تلاف وثيقة سرية بخصوص حرب فيتنام، آه سبعتلاف يا عم مالك مستغرب ليه، بقالي بسرسب فيهم ييجي شهرين والله وآخر دفعة لسه جايبها من شوية آهه، لسه داخل من الباب وحياتك ما قلعت الجزمة حتي... لأ حاجة حلوة هتعجبك ان شاء الله...
معايا تفاصيل الميزانية اللي الرئيس طلعها للجيش وازاي تم تقسيمها، وتفاصيل تدخل المخابرات الامريكية لتزوير الانتخابات في فيتنام، وكل الأكاذيب اللي كانت وزارة الدفاع بتنصب بيها عالشعب بقالها سنين عشان يفهموه ان الصح أننا نبعت الشباب بتوعنا يموتو في قارة تانية في حرب ملهاش لزمة .. وغيرها من اسرار او قول فضايح الدولة العليا... لأ حاجة شيك هتعجبك وهتبقي أهم خبطة في تاريخ الجرنان...وواحدة من أكبر الفضايح السياسية في تاريخ أمريكا، والحرب هتنتهي وهتبقي عركة كبيرة سعادتك... وهتتعرف في التاريخ باسم ….. "أوراق البنتاجون" .
للدعم على Patreon :
/ ahmedbehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
1 янв 2021
