في أمريكا عملوا إحصائية عن عدد الناس اللي بتخاف من الكلام قصاد جماهير او قصاد عدد كبير من الناس زي الطلوع عالمسرح او القاء محاضرات.. لقو ان حوالي ٧٥٪ من الناس عندهم قلق وخوف من الموضوع ده..
هتقولي ده شيء طبيعي... ده الواحد لما بيعمل بريزنتيشن في الشغل للمدير واتنين موظفين بيبقي متوتر..
هقولك صحيح... بس بعض المخاوف بتتجاوز القلق العادي وتوصل للمرحلة اللي بيسموها في علم النفس "الفوبيا"...
يعني الخوف غير المنطقي اللي بيشل اركان البني آدم..
المفاجأة بأه هي ان فوبيا الكلام قصاد الجماهير.. منتشرة أكتر من فوبيا الموت.
هتقولي ازاي يا عم... ما كلنا خايفين من الموت.
هقولك آه بس لما بتيجي سيرة الموت مش بتلاقي نفسك بتعرق وتترعش..
بس فيه ناس لو حطيتهم على مسرح وقدامهم ١٠٠٠ ولا ٢٠٠٠ بني آدم كلهم بيبحلقو فيهم ممكن يغم عليهم من الرعب.
طيب يا سيدي تخيل بأه لو الخطبة اللي انت هتديها دي مش بس هيسمعها الف ولا الفين واحد.. لأ ده هيسمعها عشرات ويمكن مئات الملايين حوالين العالم..
ومش بس كده لا... ده هي دي الخطبة اللي هتخلي شعبك يحارب أشرس عدو واجهه في تاريخه....
والعدو ده هو هتلر.. لأنك ملك بريطانيا اثناء الحرب العالمية التانية.
فوق كل ده بأه إييييه؟
هتكتشف ان عندك مرض (التأتأه) او التلعثم... ال stuttering.. يعني انت في الظروف الطبيعية أساسا...بتعاني انك تتكلم قصاد أي حد
دي يا سيدي القصة الحقيقية اللي حصلت للملك جورج السادس.. ملك بريطانيا في القرن الماضي.. اللي هو بالمناسبة أبو الملكة اليزابيث الموجودة حاليًا!
النهاردة هنتكلم عن فيلم خطاب الملك the king’s speech الفيلم البريطاني اللي كسر الدنيا مع ان قصته بسيطة جدًا...
ملك بيتهته في الكلام.... بس الموضوع اكبر من كده بكتير..
للدعم على Patreon :
/ ahmedbehiry
القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
7 фев 2021
