موضوع حساس جدا لكن تناولته بطريقة ذكية ...لكن يبقى الحل لهذ الموضوع جد معقد لهذا نسأل الله ان يهدينا و يعطينا الصبر و القوة ونكونو تعلمنا من تجربتنا باش منكروهاش مع ولادنا و نخرجو جيل صالح سوي نفسيا
خاصة الكبير لي يعاملوه بشدة ويزيدو عليها و يعقدوه و يخوفوه من كل خطوة ومبعد كي يجيو الوسطانيين يوليو cool و متقبلين للتغيير و الافكار الجديدة وكي ينجح الوسطاني يقولو للكبيؤ علاش ماراكش كيفو 😊
البودكاست هذا حرفيا جا في وقتو (مع اني شفتو روطار 😅) بصح بارك الله فيك على هاذ الجهد صراحة لازم يكون عندنا تفهم بعض الشيء لوالدينا لانهم ماشي مثاليين و نعذروهم لانهم هوما ثاني ترباو في محيط صعب و قاسي و نديرو في بالنا اننا حنا في وقتنا وصلنا لوعي و فهم مقدروش يوصلولو في وقتهم نقدرو هاذ الشي
في مرحلة سابقة من حياتي تعرضت لسلب عرق جبيني تحت عنوان أنت و مالك لأبيك، ثم انحرفت عن الطريق محاولا الهروب من هذا الواقع لعدة سنوات، لكن بتوفيق من الله عدت إلى رشدي و أنا حاليا أحوال تدارك ما فاتني دون تجريح و توقفت عند تعاطي السموم، و الحمد لله
في كل بيت راي نايضة حروب بسبب هاذا الموضوع صعيبة للوالدين راسهم خشين والابناء كثر ارواح انتا وحلها هاذوك يحوسو يحمو ولديهم وهو باغي يعيش حياتو راسك يتخلط يعطيك الصحة موضوع هايل بزاف عجبتني طريقتك في تحليل روووعة ❤❤
بارك الله فيك على الطرح الرائع و المفيد و نسأل الله أن نكون من الأبناء البررة و ان يجعل لنا ذرية طيبة بارة بنا (و ما كان اللين في شيء إلا زانه )فلينو بارك الله فيكم لوالديكم بما يرضيهم و لا يضركم
كاين خط رفيع بين بر الوالدين و عقوق الأبناء أين الابن يسقط ضحية لكلمة بر الوالدين مقابل حياته و راحته الشخصية التي لم يربطها لا الدين و لا حتى العرف ببر الوالدين و هنا الآباء خم من يعقون أبنائهم أي هم من يتعدون عليهم بجملة انا باباك و انا يماك رغم انو ذلك الابن ام يخطئ و إنما فضل فقط الفصل بين البر و الإحسان و بين الرضوخ
موضوع مهم و حساس لكن لا يوجد شخص تعاطى مع هذا الموضوع و ناقشه هكذا تعاطيت مع الموضوع بشكل جديد أمثلة من الواقع و من شاب عمرو قريب من المشاهدين ، كان پودكاست جميل و مفهوم . شكرا العامري الأسطورة ❤😂
هذا المشكل يكون خاصة في سن المراهقة وين يولي كاين فراغ كبيرنفسي وعقلي بين الاولاد و الوالدين. وكاين والدين هما لي يتسببو باضرار نفسية كبيرة لاولادهم لانهم هوما في ذاتهم تعرضو لضغوطات كبيرة ايضا من اباءهم يعني كاين سلسلة من المشاكل النفسية متوارثة ولازم يكون وعي كبير من طرف أحدهم باش يكسر هذ السلسلة من العقد بين الوالدين و اولادهم.
والله يا خويا تالمون لموضوع تاعك شباب فتحتلي جرح عندها واحد عامين طلبت من يما تخطبلي طفلة مقبلتش وسبب انو هي مش من بلدتنا والطفلة ما شاء الله دين وخلق وعائلة محافظين قلت ممكن يوقفوا معايا خاوتي ولا بابا فاللخر لقيتهم كامل ضدي من خاوتي وخواتاتي وصلت وين دخلت خالي لي زعما عندو قدر فالعايلة فاللخر كيف كيف قالي وانت علاه تحب تديها من برى ؟؟ وصلوا وين هددوني وكنت بالبروجي ديالي حبست خدمتي وبسبب التناقض لي طحت فيه نشوف اني في طريق صحيحة وهوما منعوني بسبب العادات والتقاليد وكي نشوف للشرع نلقى معندهمش الحق يمنعوني لسبب دنيوي تخيلو بلي بابا دعى عليا بالشر بسبب اني حاب نتزوج؟ تخيلو بلي قالولي يا تتزوج بوحدة منا يا ما نعرفوك ما تعرفنا وصلت مرضت نفسيا بديت نعالج بالدوا ولبسيكو وهكاك كنت نخلص كلش من عندي خرجت بديون كي وقفوني بروجي وحبست العلاج لأني لقيت ما عندو وين يوصلني .... بسبة هاذ الشي دخلت في بعضي كيفاش نتعامل مع والديا هل نرضيهم ؟ في حين معندهمش الحق يمنعوني لسبب غير شرعي…ولا ندير رايي مي شكون يقبل فهاذ الوقت يمد بنتو والديه مش قابلين .... أخرتها معندهاش شهرين ولاو يديرولي الضغط فالدار حابين يخطبولي وحدة من اختيارهم وكي محبيتش قالولي اك حاب تمرضنا خطرات نحير نقول اسك الوالدين تاع الصح يديروا هكا في اولادهم ؟
ربي يعينك خويا حكايتك تشبه لبزاف ناس للاسف لكن الصراحة ما تقبلش ببنت الناس أنا نقدم في رأيي للعلم ماشي نصيحة رح تكون نتا مسؤول عن خيارك ما تقبلش بالطفلة ما عندهاش ذنب انك تمرمدها لانو كيما والديك يدعو عليك بالشر مام هي كان تغبنها تدعي عليك بما كتر و زيد تجيب دراري ابرياء و نتا اصلا راك قلت وليت نداوي و حالتك المادية ما تسمحش فعلاه عليك و نتا علابالك فدين ما عندهش الحق يجبروك أنا برايي طنش الحكاية و فهمهم بالشرع حتا لو تجيبلهم أمام يفهمهم و ربي يحسن عونك يعني حاجة ابدا ماشي ساهلة و توجع القلب 💔
@@aminesedd7996 حكااية الامام جبتلهم زوج مستعرفوش بيهم قالك هذا راينا ربي يسهل على كل حال انا جميع الاحتمالات لي عليا درهم حتى خلاصولي الحلول بقات حلول ربانية لواحد يدعي ربي ولي تجي هاذيك هي
مش علاجال طفلة تمرض خويا لانو الانسان ليس اكبر همه الزواج او فتاة حتى لو كانت فتاة احلامك نوجد من تدي بلاصتها كن ذكيا في التعامل مع اهلك قل لهم ان الزواج الذي يكون من اختياكم لن أحب الفتاة ان وسأظلمها وابحث عن فتاة اخرى في بلدتك تناسبك
لقد افدتني كثرا هذا ما كنت احتاجه فقد كدت انتحر مرتين بسبب فرض اهلي على عمل وأنا أكرهه خاصة بعد قول أمي لي أنها سوف تتبر مني ان تركت هذا العمل علما ان عائلتي غير محتاج لي عملي هذا عونتني خو بزاااف والله
بارك الله فيك يعطيك الصحة و ربي يكثر من الواعيين اللي كيما انت و بودكاست صراحة بحثت في الموضوع تاعو من قبل شخصيا لكن ماتعمقتش فيه بزاف و هزيت فقط واش كنت نحتاج من البحث تاعي . حمدلله والديا عطاولي كامل الحرية في اختيار ملبسي و مشربي و مأكلي و دراستي و غيرها حتى نهار خليت منصب تاعي فالدولة و رحت نخدم عند بريفي بدون تأمين قالي بابا حاجة وحدة انت علابالك واش يخرج عليك ❤ . ربي يطول في عمرو ان شاء الله و ربي يرحم أمي الغالية و بالتوفيق لكل من سمع هذا البودكاست الرائع و مزيدا من النجاح
تذكرت قول لمختص نفسي مصري، "ولادك جم للدنيا عشان يحققوا احدلامهم هما، مش أحلامنا احنا". هذا يبين لنا أن هذه المعضلة متفشية في كل مكان و لا تحدها حدود جغرافية، و لكن طبيعة الظروف التي مر بها الشعب الجزائري على مر حقبة الاستعمار، و العشر..ية السوداء جعلت من هذه الأفكار المغلوطة "الطاعة المطلقة للوالدين" أشد وطأة، طرح متقن أخي أسامي، و إن شاء الله تتصلح حاجة في نفوس الشباب باه ما يعاودوش نفس الأخطاء التي طبقت عليهم _خاصة الابتزاز العاطفي، باسم الدين و باسم التضحيات التي قدموها من أجل أبناءهم و و و_ على أولادهم، لأنو الجيل هذا الأخير، مشوه نفسيا بدرجة رهيبة، و الاضطراب هذا يولوا يترجموه لتمرد على كل ما يقيد حرياتهم، خاصة الدين، و لهذا رانا نشوفوا وش يصرا فالجامعات، و الله المستعان.
ماوكلي للمجتمع عجبتني بزاف ربي يحفضك راني نسقطها على الناس ذوي الوعي الغير معرف في حومتي و المدينة لي نعيش فيها نلقاها طيح عليهم سواسوا و المشكل الكبير راهو فالتربية هذب سبحان الله
في الواقع هذا يسلط الضوء على صعوبة تربية الأبناء ... الآباء بفطرتهم يحبون أن يكون أبناءهم استمرارا لهم من خلفهم ويحبو يشوفو فيهم الصورة لي كانوا حابين هوما يكونو عليها .. يكونو هم انعكاس صورتهم في المجتمع .. وأضف إلى كل ذلك المعايير الاجتماعية التي تضغط على الأب من كل اتجاه وينبغي عليه أن يكون قويا أمامها فكيف يكون التوازن بين ذاك وذاك ؟ شخصيا والديّ لم يضغطا علي قط وأراداني أن أتخذ جميع قراراتي حياتي بنفسي دون تدخل منهما .. لكن ذلك جعلتي أتيه في أحيانٍ كثيرة 😅 علابيها الآباء يا حليلهم .. التربية صح صح صعبة بزاف. كيما نقولو دايمن لازم التوازن وخير الأمور اوسطها .. ربي يوفقهم لما يحب ويرضى في الدنيا والآخرة
بارك الله فيك حسيت وكأنو الكلام موجه الي نعيش نفس الكلام لي هدرتو نحس نفسي اني مقصر في حق والديا واني ولد عاق ودائما نلوم نفسي ونطلب منهم السماح الام العزيزة دائما تتحدثلي عن الزواج وتحاول تفرض عليا بنات منيش حابهم وتحاول انها تقنعني وانا رافض تماما للفكرة ونقلها يا اما منيش حاب نعصيك ولا نزعفك ونحاول اني نهدء الوضع ونحاور قدر المستطاع على كل حال بارك الله فيك سامي موضوع حساس وكلام مفيد بزاف
مشكل كي نشوفو عفسة غلط مثلا داروهم كيفاش ندر ومايتتقبلوش نصيحة نهائية ويولو ضدك أخطاء لي راني نهدر عليها دينية متقولوليش جيل يشوف روحو صحيح و هوما شايفين وووو أخطاء قد تدخل للشركة عافانا الله والله غيرت واش ندير وكي وليت نهدر بزاااف تآذييت
تفكرت يوم ماقررت اني نولي نعترف لوالديا من معاناتي ووش لحوايج لي ضروني منهم كانت اولهم امي وصارحتها قتلها صراحة تكونت عندي عقدة شكلية وخوف وخجل وضعف شخيصة بسبب معاملتك ليا ومنا فلاخير ناضت تبكي رغم اني ماقلت حتى حاجة عيب ولا تجرح من ثم وليت نسكر فمي
ايه تبكي خطراكش مهما دارت هي ماكانتش حابة تأذيك، كي تشوفك تأذيتي منها تبكي خطراكش أذاتك وهي كانت حاطة روحها أحسنت التعامل معاك فتأذيك منها يؤذيها لذلك من الأفضل اكتبي في ورقة المشاعر تاعك اكل وماتجرحيهاش ودك تشوفي الفرق
نفس حالتي معاهوم نروح ننصحوم باه يتجنبو الاخطاء ليداروها في تربيتي ويصلحوها في خاوتي لانو مزالو صغار وميعرفون سما لا اراديا ليشوفوها تترسخ في العقل تاعهم ردة فعل الاب لا يبالي اطلاقا وكأني لم أكن اتكلم وكون نعاودلو "قريت زوج حروف جاي تفتي عليا " وكذلك من ناحية الدين مين داك يغلط في الصلاة نروح نسي نفهمو بالعقل وننصحو يقولي أنا في قبري نتحاسب مكان مدخلك وبهذا أنا هو الملام الوحيد الام تبدأ بالبكاء على أساس أنا جرحتها بكلامي وراني نزعق عليها الله المستعان ربي يهديهم دارولي euror في حياتي
