راني نسمع فيك النفس داقت فيا حكمتني الفشلة، قلبت عليا المواجع، بالرغم الحمد لله نجحت نوعاما في الدراسة و العمل بصح دايما الضغوطات اللي فرضها علينا المجتمع و العائلية و المسؤولية اللي تحملها جيلنا كانت اكبر منو نحن جيل مابعد العشرية السوداء طفولة معدومة و احنا مجبوريين نحمل مخلفات مجتمع منحل مريض و فاشل، حتى اصبح الهروب. من هذا المحتمع ليس لاجل الاكل والشرب بل بحثا عن نوع من الاستقرار النفسي
ًكنت كي نسمع بودكاست لأشخاص آخرين ناجحين نقول علاش ما عندناش في بلادنا بودكاست هارب فالعقلية يخليك تفهم وتثقف بصح كي جيت نتا وسمعت هاد البودكاست فهمت بلي كاين بزاف شباب جزائريين عندهم إمكانيات ومخبيين ما يبانوش برك بالتوفيق ليك وهاد الفيديو ما يطولش ويطلع لأنك هدرت فيه على كلش والحاجة الشابة كي تناولت الحلول فالأخير باش نعاونو روحنا وناس وحدوخرين باش نخرجو مالثقب الأسود اللي رانا فيه تحيا الجزائر وتحيا ولادها 🇩🇿❤️
هذه الحلقة لفتت انتباهي لشيء مهم جدا و اللي هو اخوتي اللي أقل مني خويا اللي عمرو 17 سنة و بدأ يتأثر او تأثر و انتهى الامر بهذا الوسط و هذه العقليات مثل أي شاب جزائري و خاوتي اللي مزالو أطفال (7 سنوات و 12 سنة) و مزالو ما يعرفوش أو ما يفهموش هذه الامور كيما طرحت هذه المشكلة و بسطتها نتمنى في حلقة من الحلقات الجاية تستعمل مهارتك في تبسيط الامور و التعبير عنها في مساعدتنا لإيجاد حلول لها و في التعامل مع : أنفسنا أولا لأننا بدورنا متأثرين طبعا بالوسط اللي رانا فيه ثم مع الفئة اللي كيفنا و كيما خويا اللي عمرو 17 متأثرة و لكن غير واعية بما يحدث لها و أخيرا مع الاطفال و الجيل الصاعد اللي هوما رجال و نساء المستقبل أنا كأخت كبرى مستعدة لاتخاذ خطوات واضحة و دقيقة حتى لو كانت صغيرة في التغيير إلى الافضل على المستوى الشخصي و العائلي و بالتالي على مستوى المجتمع إن شاء الله الحلول بقى يا فندم 🙃
السلام عليكم ورحمة الله وبركاته و جزاك الله خير على ماتقوم به، أريد أن أضيف شيء بالنسبة لي و الله أعلم الحل هو الرجوع إلى الله و لازم الشاب يفهم و يعتقد صادقا أن الله هو وحده الرزاق وليس الحكومة و الرؤساء. و عندما اقول الرزاق أقصد بأنه هو من يرزقنا المال و الزوجة و السعادة و الراحة....و كل ما يبحث عليه الإنسان.
في باب الزوار فتحو بارك تاع سكيت بورد و فيلوات bmx و كذا لمجموعة محددة من المجتمع لي هوما الشباب لي عندهم هاذ النوع من الهوايات لكن الكهول تاعنا الله لا يبارك فيهم يجيبو ولادهم يلعبو ثم و كي يطيحو ولا كاشما يصرا يقيسهم كاش واحد بفيلو (لي من المفروض المكان هذاك مخصص لهذيك الفيلو ماشي للطفل) هنا في ميزكم شكون لي يولي عليه اللوم ؟ باينة بلي الشاب و ناهيك عن الكلام الزائد تاع كبار و جايحين و من هاذ القبيل المشكلة محبستش هنا تعدات لحتى بعد ما عرفو و فهموهم بلي هذاك المكان مخصص للشباب و الاطفال عندهم مكانهم الخاص ماحبوش يقتنعو و كملو فيها بمبدأ "نقعد وين نحب و ولادي يلعبو وين يحبو و واحد ما يسالهم" الله المستعان
انت كمتحدث الله يبارك عليك من ناحية الصيغة اللغوية و المصطلحات و كيفية طرح الأفكار و ابراز الأسباب و مآلاتها بارك الله فيك و كنصيحة التغيير يبدأ من أنفسنا عامل نفسك كشيء خايف يتكسر و منبعد ابدا مع المحيط تاعك و صلح واش تقدر والله راح يكون فرق خاتش المجتمع راه عندو تدهور أعراف و الانتزاع من الهوية ناهيك عن نسيان الدين فعلى الأقل اصلح نفسك ز المحيط تاعك و تكون مرتاح نسبيا بين كم الخلط الأخلاقي لي رانا عايشينو
عايشين نوع من العبودية لازم باك بمعدل مليح لازم ماستر 2 في اقرب وقت ، لازم تجيب خدمة عسكرية و لازم تلقى خدمة و لازم تلم حق العرس 200مليون و حق سيارة 200 مليون و حق منزل او تبقى كاري بشهرية تاع 4 ملايين و لازم قبل الثلاثينيات ، رانا في ضغط و في حرب
شكرا على طرح المشكلة او كيفية معالجة الموضوع بموضوعية او في جانب اخر الشاب الجزائري يطيح او ينوض باش ينجح او يفرض نفسه انشاء الله ربي يوفقنا جميع شباب الجزائري 💪
كنت حاسبة غير عندنا ان الشخص له خيارين اذا وصل للجنة فالمنفعة تعم الجميع واذا وصل للنار يضحوا به ويخلوه يتحمل النتائج دون ان يتدخلوا من البدية قبل ما تلحق للعضم ...
الكلام هذا موجه للوالدين بصفة كبيرة للاخ و الاخت الاكبر والمقبل على الزواج ، على كل حال ماني نستنى في حتى شخص يسقم لنا حياتنا ، كل شخص منقذ نفسه وادعي ربي يعينك
مشكور على رسم المشكلة بشكل واضح و الجهود لطرح الحلول المحتملة ان شاء الله يكون الجيل بعد جيلنا اي ابنائنا هم المنعرج الي يتغير فيه الانسان الجزائري بسبب وعي جيلنا الذي يبنى رغم العراقيل التي ذكرتها
ماذا انسان بحس بالفشل دايما مالغري راه في وقت لي لازم ينهض ويفطن لمستقبل مالغري اني في العام الثاني في لافاك العام الجاي إن شاءلله نتخرج مي اني نقرا بش نطلع وعيت من هذي الفكرة تاع اني نقرا باش نتخرج ونقعد هاك مع انو المستوى المادي للعائلة ليس بجيد وافكار لي تجي با تحاول طور من المستوى هذا تلصق في بلاصك 😢😢😢😢
أهم حاجة هي تدارك الأخطاء و لو أنها ليست أخطاءنا .. بقليل من الوعي نستطيع تفادي حدوثها لأولادنا في المستقبل .. بالمختصر انت لست مسؤولا عما حدث و لكنك تستطيع ان تتفادى حدوث الخطأ مجددا ..
الحلقة هادي لفتت انتباهي الى شيء مهم بزاف و اللي هو اخوتي اللي أصغر مني خويا اللي عمرو 17 سنة و بدأ يتأثر أو تأثر و انتهى الامر بهذا الوسط و هذه العقليات مثل أي شاب جزائري و خاوتي اللي مزالو اطفال و مزالو ما يعرفوش او ما يفهموش مثل هذه الامور كيف نوضحها لهم و نعلموهم التعامل معها بطريقة غير مباشرة نتمنى كيما طرحت هذه المشكلة و بسطتها تستعمل مهارتك في تبسيط الامور و التعبير عنها في مساعدتنا باه نلقاو حلول لهذه المشكلة و طرق للتعامل أولا مع روحنا لأنو حنا بدورنا متأثرين بهذا الواقع ثم مع الفئة اللي كيفنا و كيما خويا اللي عمرو 17 الفئة اللي غير واعية بهذه المشكلة ثم مع الاطفال لانهم رجال و نساء المستقبل الحلول بقى يا فندم 🙂
و الله صباح كنت نهدر مع ماما على المخدرات بالنسبة للمستهلك قلتلها لو يحطوه في مصحة و يقروه و يديرولو اعادة تأهيل تع سنة يخرج بدبلوم و يحطو ديراكت في وظيفة واضحة ليه يخدم و يتابعوه اذا شافوه اصلح و لم يخطئ هنا ينساو جدو و اءا زاد غلط هنا ممكن يعاودو يحاسبوه و كءلك لمن يرتكب اي جريمة مخففة اول مرة يعني نديرلك عقاب تأديبي تأهيلي و نوظفك في المجتمع بعدها تصلح نمحيلك الكازيي تزيد تغلط تروح بعقاب اكبر اما انك تعمر لحباس فالشتاء و تفرغهم في الصيف دون اي حلول و دون اي تأهيل و اي اسطرة راح ينتجلك فئة مكروهة اجتماعيا فاشلة ميدانيا و مهمشة سياسيا و منه راح مبقاو ندورو في نفس الحلقة المفرغة للتخلف الاجتماعي و الاخلاقي.