لحجز جلسة إستشارة في الأمومة والتربية المبكرة : calendar.app.g... كل ما عليك فعله ومعرفته كامرأة قبل الولادة يمكنك أيضًا متابعتي على الإنستغرام: / e.ddar
ماشاء الله عليك ربي يعطيك حتى ترضاي ان شاء الله والله انك كنز لنا نحن الجزائريات ان شاء الله تكملي رسالتك و ما تبخليش علينا بعلمك الواسع أنت موسوعة ما شاء الله تبارك الرحمن
ماشاء الله عليك قمة في الوعي ربي ينفع بيك الامة ويزيدك من علمه وفضله ،الحمد لله انا أم لطفلين ولادتي الاولى كانت قيصرية لاني ماقريتش وماتثقفتش على الوضوع حتى صرالي soufronse foutal وفي الولادة الثانية قريت تثقفت تبع بزاف نصائح قابلات وكنت حابة نعيش تجربة الولادة الطبيعية لكن للأسف الوزن تابيبي كان زايد وعنق الرحم ماتفتحش وزيدت قيصري والحمد لله لكن رضعت طفلي من يوم الولادة حتى عام و4 اشهر في الليل والنهار ماستعملتش لاسوسات كان كيبكي نهزو نسكتو نفريفي وش بيه في بداية الاكل تاعو اعتمدت نقدملو غذاء صحي وراني نحاول نعممو لكل افراد عايلتي
عندي طفل عام و ستة اشهر و راني حامل فالشهر التاسع شكرا على البودكاست بالرغم من اني عشت هدو المراحل بصح كامل لاموني على تربية وليدي لاني كنت نرفدو و ما نخليهش يبكي و كامل راهم يقولولي ما تعاوديش الغلطة مع الثاني بالرغم من اني تعبت بزاف فتربية وليدي الاول بالصح كي سمعتك و الله طلعولي معنويات
سبحان الله مع كل نافسة كاينين هذو الجهال لي ينغصو عليك راحتك النفسية ويكثرو الانتقادات متعرفيهم من نيتهم ولا يزيدو فيها😢 حتى الانسان كي يحب يقدم نصيحة يختار كريقة يراعي بيها المشاعر لي تكون مرهفة وحساسة ديك الفترة
يعطيك الصحة على وش راكي تقدمي لينا رانا نستفادو بزاااف معاك نشاله في ميزان حسناتك كون تعملينا حلقة من فضلك على كيف أربي رجل خاصة في هذا الوقت الي ولينا نشوفو في ذكور ولكن ليس رجال كيف أربي ابني ليكون رجل درتيلنا كيف أربي أنثى
يعطيك الصحة وماكانش كيما الصحة ❤حلقة رائعة وأنا نسمع فيك جاني شعور مخلط مابين الفرحة والبكاء رجعتيني للحظات كنت فيها سعيدة ولحظات أخرى مانتمناهاش حتى لعدويا . الحاجة لي نتأسفلها هي المجتمع الأمي والجاهل والمتجاهل لي رانا عايشين فيه 😢 صراحة معرفتك كنز ❤❤❤ نتمنى تقرأي تعليقي
ماشاءالله تبارك الله جزاك الله خير الجزاء كلام رائع رائع اسأل الله ان ينفع بكل كلمة سمعناها .. وربي ييسر لكل الحوامل والامهات 💖 النصائح اللي في الدقيقة ٤٠ عند وقت النفاس مره ريحتني لاني شايله هم النفاس والنفسية الله يشرح صدورنا وييسر امورنا يارب
ياختي ماتشوفيش بلي الشغل ميزيرية بل هورياضة منصوح بالمشي بعد الولادة والا تحجر الدم في رجليك وتولي ماتمشيش وتسوفري من لغازات صافي حاولي تنوضي تمشي في اقرب وقت
المرا لي تزوخ على النافسة ولا لي تربي راهي تكذب مستحيل وحدة تربي تكمل شغلها وسخ عام يتنحى في نهار ،الاولوية للطفل ماشي تخلي الطفل يبكي وتروحي للشغل ولانقارن مرا رقدت ليل كامل مع مرا سهرانة طول الليل وحدة ليمتزوجت جامي تحس بيك
ياختي لايوجد دليل أن هناك ايات معينة تسهل الولادة فقط يمكن أن نقول ان الدعاء يستجاب للمضطر وماء زمزم لما شرب له، معك متحصلة على ليسانس علوم اسلامية واعمل مرشدة دينية وام لثلاث اطفال الله يبارك نصيحتي المرأة لازم تسمع نصاءح الطبيبة او القابلة وقت التقلصات طبعي وتتنفسي بطريقة صحيحة وكل مرسيمر واذا مت تموتي شهيدة
استغفرالله إذا قلت أن الآيات تسهل الولادة. أنا قلت ان الإنسان قد ما قراها قد ما يجهز نفسيا للولادة و يسلم أمره لله. شكرا على تعريفك بنفسك، حتى و إن لم تكوني كذلك فأنا أبدا لا أقول أنه يوجد آيات معينة تساعد على الولادة.
انا اشكرك على ما تقدميه صحيح لازم على كل أم مقبلة على الولادة تهيأ نفسها وتثقف حول الولادة وتتعمق وتقوي روحها نفسيا وجسديا باش تفوت تجربة ولادة صحية في ولادتي الاولى حسبت روحي تثقفت زعما كنت نبحث ولكن كي لحق الصح تمنيت الموت تلفتلي حتى أنا شكون ولكن في الثانية صادقت صفحة عبر الفايسبوك تاع قابلات يديرو تحضير للولادة يعطونا دروس وتمارين نطبقوهم وكانو كالبلسم على الجرح ومندمتش لي حطيت ثقتي فيهم فكانت تجربتي اسهل أضعاف على الاولى أكيد الالم يكون بصح كي تعرفي واش راه يصرا لجسمك وتسمعيلو وتتعاملي معاه رايحة تربحي وقت وجهد كبيرين ربي. يكمل لكل وحدة وونصحكم تنضمو لدورات مع مختصين يساعدوكم
