حمد بن عوضه ال لبدان المري
الذاير اسم مايزال
كلمات عوضه بن حمد
اداء جفران بن هضبان
_____________
الذاير اسم مايزال ومجدها ماهو يزال
هذي ترا من دونها يام العريقة كلها
من دونها ناقف ونرخص عندها خشم الريال
وفالماضي نسوق العمار و ننثني حبٍ لها
تامن وترعى في حمانا والمطارق والهلال
وسمن يرد الطامعين وهيبته يذعن لها
يوم المهمه عندها محتله الفوز احتلال
واليوم صارت عندنا شلون مانحتلها
فرديةٍ لـ الفردي ولاهل النظر مضرب مثال
اسمٍ تسيّد في سما دق البكار وجلها
في كل ديره قد وطت فيها مواطيها الثقال
تقفي على الاشواط وتخلّي الخصوم ب غلها
متكامله ف الزين والوسره ولله الكمال
ماهو ينافسها على أصعب مركز الا ظلّها
وتصريح ابو ثاعي هو اللي زاد ف اللوحه جمال
قال افرحو وان كبرت القالات عندي حلها
عاداته يجمّل ربوعه فـ الجنوب و فـ الشمال
يقدم على الاخصام وان كبرت علينا شلها
ي عيال عوضه ليت عوضه حي ويشوف الرجال
اللي تجمل والكبود الضاميات تبلها
يا سيوفنا يا رماحنا يا ذخر وافين الخصال
اللي تْبين …. إلا بدا ضرب السيوف وسلّها
رقابنا ماهي تميل و روسنا ماهي تطال
والاخصام دون البل نرد شفوفها ونذلها
قومٍ إلا ركبو على الضمّر وسلّنّ السلال
ياتحتمي دون البل او تفني العمار فداً لها
ياهل التصاريح ان حضرنا لايزيد الانفعال
ماعاد ينفع عندنا كثر العلوم وقلها
25 авг 2024
