الذهب عملة يوم القيامة .. أسرار لأول مرة عن فوائد الاستثمار فى الذهب !! 

عملة يوم القيامة !!
____________________________
في فيلم جزيرة الشيطان انتاج 1990 طلع عادل امام يدور على سبايك الدهب في البحر ولما لقى السبايك في المركب الغرقانة طلعلهم بسبيكة عشان يفرحهم انه لقى الدهب،
وقتها احمد راتب " بيبرس " قعد يحسب الصندوق فيه عشرين سبيكة والسبيكة ٥ كيلو جرام والجرام ب 30 جنيه
يعني السبيكه الواحدة ب150.000جنيه
لو حسبنا بالجرام النهارده بحوالي 3000 جنيه
يعني السبيكة تساوي حوالي 15 مليون جنيه !!
الذهب هو العملة اللي مبتصديش أو عملة يوم القيامة زي ما بيسموها لأن قيمتها في إستمرارية قيمتها حتى وقت الحروب والأزمات والكوارث،
في 1836 مثلاً لما صدر الجنيه المصري الذهبي في عهد محمد علي باشا كرمز لاستقلال مصر عن الدولة العثمانية كان الجنيه الذهبي مقدر وقتها بوزن 8.5 جرام من الذهب كبديل للقرش العثماني كعملة رسمية للدولة المصرية،
وإتحولت العملة المصرية من الذهب للورق في 1898 لما طرح البنك الأهلي أوراق نقدية للتداول تكون بديل للجنيه الذهبي وكان الجنيه الورقي مقدر بـ 7.43 جرام من الذهب،
وبسبب قيمته الكبيرة إتقسم لعدد من الفئات الأصغر زى القرش والمليم،
وبيقول التاريخ أنه في السنه اللي قامت فيها الحرب العالمية الثانية 1939 كان سعر الدولار لا يتجاوز 0.2 جنيه،
يعني الجنيه المصري كان قادر على شراء 5 دولار وده كان جي من إرتباطه بالذهب،
لو جد جدك مثلا كان فرحه في 1925 في عهد الملك فؤاد الأول كان هيجيب جرام الذهب - عيار 21 - على 25 قرش !!
ووصل سعر الذهب عيار 21 إلى 3130 جنيه للجرام النهارده !!
أما الجنيه الذهب وكان بيتسمى في الوقت ده جنيه الملك سعره كان 518 قرش،
لكن وصل الجرام مع نهاية العصر الملكي إلى 147 قرش لعيار 21 ووصل عيار 24 فترة قبل ثورة يوليو إلى 167 جنيه وقتها،
كان العيار 18 مش موجود في السوق وقتها حاجة كده شبيهة بعيار 14 حاليا وعدم الإقبال وده يقولك أن فكرة إطلاق العيار 18 جت مع ارتفاع سعر عيار 24 وانخفاض القدرة الشرائية،
ولو روحنا للزمن القريب فأسعار الذهب تضاعفت بأكثر من 103 مرة خلال 37 سنه،
وتحديداً من 1985 !!
عيار 21 زاد من مستوى 12 جنيه في 1985 إلى 28 جنيه في عام 2000 بزيادة 133% !!
وخلال الفترة من عام 2000 ولحد سنة التعويم في 2016 زاد سعر جرام الذهب عيار 21 من 28 جنيه إلى 500 جنيه !!
يعني زاد بنسبة 1685% وتضاعفت الأسعار 41.6 مرة خلال الفترة دي !!
ولما نتكلم النهارده في سعر 3130 جنيه للجرام يعني بنسبة زيادة 500% !!
خد بالك حجم التغيير ده محصلش بس محلياً في مصر نتيجة لأزمات سياسية أو اقتصادية خصوصاً وإن سعر الذهب مرتبط بشكل كبير بأسعار الذهب عالميا،
فسعر أونصة الذهب عالميا كان مثلا 18.99 دولار في أبريل 1915؛
أما النهارده فوصلت 2300 مع توقعات لسعر الذهب في الخمس سنيين اللي جايين بتقول إنه هيعدي مستوى الـ3,000 دولار.
#الذهب #البنك_المركزي #الدولار #البنك_الفيدرالي #أمريكا #روسيا #الصين #مصر #السعودية #الإمارات