الترصيص الارضي هو الحل الصحيح لرجه حتي لو السياره وكاله طبعا من باب تجربه وخاصه السيارات الكبيره مثل الجيوب والجموس اي سياره عائليه ومثل الشاصات وغيرها ماينفع لها الا ترصيص ارضي
الترصيص الأرضي يحرك الكفر بسرعة عالية والسيارة طافية وهذا خطأ وقد يسبب لك مشاكل انت في غنى عنها. الترصيص الالكتروني ممتاز بس أهم شي يكون الجهاز معاير مضبوط من قبل الشركة المصنعة للجهاز أفضل جهاز للترصيص هو (هنتر) لأنه يرصص ويفحص الكفر والجنط حتى لو عيب مصنعي بيعلمك الجهاز ابعدوا عن الأرضي بحكم عملي بنفس المجال في شركة يابانية تم ايقاف الترصيص الأرضي عام 2002 والله يوفق الجميع
لا ياصاحبي الشي هذا ماله علاقه بالسيارات الصينيه ولكن اي سياره صينيه يصير عليه التدقيق اكثر ما ادري ليش مع ان العله هذي بالترصيص قبل اغير الكفرات مافيه اي مشاكل ويوم غيرتها سوالي ترصيص عادي وصارت فيها رجه ويوم سويت ترصيص ارضي راحت الرجه وش علاقتها بنوع السياره!!!!!!
عندي باترول ٢٠١٥ جنني بالرجه الين بعته عندي اف جي قبله جنني بالرجه الين بعته عندي قبلهم كلهم تاهو ماخذه جديد بعد تغيير الكفرات جنني بالرجه الين أيضا بعته الرجه من خطأ التركيب النقطه الحمرا الي بالكفر تكون بالجهه المقابله لبلف الهواء يقل الترصيص وتقل الرجه الثانيه تفحص الكفر قبل التركيب تلاقي فيه مثل الخط العرضي هاذي نقطة التحام اذا كانت نازله او مرتفعه قله غير لي الكفر قبل تركبه
صدقوني هذا مو حل هذا مشي حالك الترصيص الارضي يغطي ع العيوب لان لو فكيت الكفر وركبته ع الجهاز وزن خارجي ومافيه رجه ولا حذفه فمعناته ان عندك مشكله بالسياره والترصيص يمشي حالك الين ينفك وترجع الرجه من جديد