الشخصية القوية اللي النرجسي ميقدرش يسيطر عليها 

رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/...
حجز الاستشارات : kawtharsanad.com/
ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
الشخص التلقائي
الحلقة دي معمولة عشان افهمك امتى حتقدري تتعايشي مع النرجسي بدون ما يحصل لك اي اذى منه دة لو انتي مضطرة تعيشي معاه ، ركزي معايا وانتي حتفهمي عايزة اقول لك ايه ايه اللي حيحصل لما النرجسي يقابل شخص حكيم ؟ يعني متزن مش متعاطف بزيادة ولا اعتمادي ولا ارضائي ولا كير تيكر ، ولا مهزوز لا حد عنده ثقة في نفسه عايش علي معاني واهداف وادراك للذات ، شخصيته فيها القوة والضعف متوازنين ومنظم العواطف والتفكير ، سعيد داخليا يعني مستمد سعادته من الداخل وعنده سلام داخلي واصلا انتي تحسي بالسلام في وجوده ، الشخص دة بيتقبل النقد ومش بيشخصن المواقف وبياخد كل الامور ببساطة ، معندوش احساس مبالغ فيه بالذنب ابدا متوازن ، صادق جدا ولو قابل صعوبات كبيرة في حياته بيستمر وبيصمد وبيقدر يقف تاني بعد مايقع ، مش بيهتم برأي الناس فيه لانه مهتم برب الناس عايز منه ايه فمش بيشوف الناس اصلا . هو اصلا بيتكلم بتلقائية وبصدق وبيتصرف كمان بتلقائية وباحساسه مش بآراء الناس ولا باللي يرضيهم يعني اذا كان في تجمع وحس انه مش مرتاح معندوش مشكلة انه يعتذر ويمشي بدري بدون تحسب لمين حيزعل ولامين حيتضايق المهم انه ميجيش على حد وقبل كدة ميجيش على نفسه ودي ابسط حقوق الانسان انه يكون مرتاح في المكان اللي موجود فيه ، الناس دي بتكون في عمر ٥٥ فما فوق ومعظمهم بيكون مر بتجربة مع نرجسي فاتعلم الدرس كويس ، ودة اللي خلاهم اقوياء الى هذا الحد مين اللي بيقول كدة دة دكتور جريندي بيقول النوع دة من البشر النرجسي ميعرفش يدخل تحت جلدهم زي مابيعمل مع باقي الناس ، ميعرفش يعمل لهم love bombing ولا يعرف يجذبهم بسحره ولا تملقه ولا مدحه لهم ليه لان الناس دي مش محتاجة تملق ولا كلام حلو من حد ولا بيستنى تقدير من حد والنرجسي كلامه بيكون مبالغ فيه بالنسبة للناس دي وبيكون واضح انه فيك وانه فيه حاجة غلط ، وطبعا بالتالي النرجسي بيحصل احباط لو تواجد معاهم في مكان واحد بالرغم من ان الشخص السوي غالبا مش بيحرج النرجسي هو بيكون فاهمه بس بيفضل انه يتعامل معاه بحكمة خصوصا انه عارف انه مش سوي حتى لو ميعرفش المسميات لكن هو بيلقطه وبيفهمه هو او اي مضطرب وبيعرف انه فيه حاجة مش مظبوطة ، النرجسي بقى طول الوقت مش عاجبه الانسان الحكيم دة وبيتكلم عنه دايما انه فيه حاجة غلط وهو ماله عامل كدة ليه وشايف نفسه كدة ليه ، طبعا لانه مستعصي عليه وبيشعره بالخلل الداخلي اللي عنده وبفشله وضعفه وهشاشته ،الناس دي بيقولوا عليهم حقانيين ، يعني بيقولوا الحق ولو على رقبتهم زي مابنقول وغالبا بيقولوه بمنتهى التلقائية زي الطفل الصغير اللي ممكن يقول للضيف مثلا انا مش بحبك عشان اكلت الكيك بتاعنا ، هو بيكون شبيه بالطفل دة بالنسبة للنرجسي هو بيقول الحقيقة صريحة بدون تزيين ، وبالتالي طبعا النرجسي بيهرب منه ويتجنب مقابلته لانه بيكشفه ادام الناس اذا لزم الامر او بدون قصد غالبا ، وطبعا الحكيم عمره ماحيكون مصدر وقود للنرجسي عشان كدة اول النرجسي مابيعرف ان الشخص اللي ادامه من النوع دة بينفر وميحاولش يجتذبه عشان عارف ان ممنوش فايدة فهمتي انا عايزة اقولك ايه ؟ عشان تحمي نفسك من النرجسي لازم توصلي لصفات الحكيم مش لازم توصلي لها وانتي ال ٥٥ لا ممكن جدا توصلي لها قبل كدة ، تنمية الذات ممكن تتكثف ، ايه الفرق بين عمر الثلاثين والخمسة وخمسين؟ الخبرة والعلم وانتي في زمن تقدري تاخدي الخبرة والعلم بتاع خمس سنين في خمس ساعات او خمس ايام او خمس شهور على حسب قدراتك عن طريق النت ، تقدري تاخدي العلم من منابعه وخبرات الناس في الكتب ، تقدري توصلي لعلم وخبرة ال٥٥ وانتي في الثلاثين ودة حاصل وموجود وبنشوف شباب عندهم الحكمة بصي الاولادك حتلاقي فيهم واحد من الناس دي بالرغم من صغر سنه ، اشتغلي على نفسك واقرأي واتثقفي واتعلمي وافهمي نفسك وقربي منها وحاولي توصلي للسلام الداخلي ، كل دة محتاج مجهود وتعب انتي نفسك متدمرة ومهترئة بسبب اللي حصل معاكي يعني هي دلوقتي زي الطفل اللي محتاج ينموا محتاج غذاء للنمو الجسدي وعلم للنمو العقلي ودين للنمو الروحي ، نفسك محتاجة رعاية زي رضيعك بالظبط اذا اهملتيها تبقى الحكاية خلصت وحتفضلي واقفة مكانك واذا راعيتيها وسمعتي لها وتفهمتيها وقربتي منها زي مابتعملي مع طفلك حتنموا وتتعافى وتوصل للحكمة اللي كلنا عايزين نوصل لها
0:00-0:29 المقدمة
0:29-0:42 هدف حلقة
0:42-8:41 صفات الشخصية دي و مميزاتها
8:41-9:41 ازاي توصلي لده
9:41-10:07 الخاتمة
#صحةـنفسية #القوة #الاكتئاب #النرجسي #النرجسية