لحجز الاستشارات : kawthersanad.net/
اذا النرجسي بيعمل كدة تأكدي انه مدرك لكل حركة بيعملها معاكي ومخطط لها بحرفية وغالبا هو نرجسي خبيث
هو النرجسي لما بيقلقك ويحرمك من النوم بيكون مخطط لكدة وبيعمله بادراك كامل ولا برضه لا دة عقله اللاواعي ؟ واذا مدرك وبيخطط دة معناه انه مضطرب بشدة ولا عادي؟
في دراسة نشرت في عام ٢٠١٨ في احدى المجلات العلمية قالوا ايه؟ قالوا انهم عملوا اختبار العلاقة بين اضطراب الشخصية النرجسية والنوم واظهرت الدراسة ان الأشخاص المصابين بهذا الاضطراب يميلون الى تجريد الاخرين من النوم الجيد بشكل متعمد ، الدراسة هي اللي بتقول انهم بيعملوا دة بشكل متعمد ليه ياعم كدة ؟ عشان يتحكم في الضحية ويؤثر على عواطفها ونفسيتها ودة بعد فشله في مرحلة قصف الحب في السيطرة عليها بطريقة إيجابية
وعن طريق حرمانها من النوم باستمرار بيقدر يثير القلق والتوتروالانزعاج لها مما يجعلها اكثر تقبلا للسيطرة والتحكم لان عقلها بيكون غير واعي وغير قادر على المقاومة نتيجة عدم النوم ، دة غير ان الحرمان من النوم دة ممكن يخلي الضحية تزيد تبعيتها واعتمادها على النرجسي وكمان بيديها إحساس بالعزلة والفزع والخوف وبالتالي تفقدها الثقة في نفسها
الدراسة هنا بتقول ان النرجسي بيكون بيتمتع بالذكاء والحس السليم في الاستغلال النفسي والعاطفي للاخرين وبيستخدم المهارات دي لتحقيق أهدافه الشخصية
احنا كنا عارفين الكلام دة من الأول لكن بصراحة كانت كلها اجتادات شخصية مني لاني ماكنتش لاقية موضوع النوم دة في الكتب وكنت بحاول امنطق المسألة واشوف هو حيستفيد ايه من انه يصحيكي ويقلقك وطبعا طلع عايز يحطم اعصابك ، لكن لما بنلاقي ان المعلومة اتعمل عليها أبحاث طبعا بفرح جدا واحب أقول لكم اننا صح واننا الحمد لله ربنا منور لنا من عنده واستنتاجاتنا سليمة انا وانتم لان كمان المعلومات بتكون منكم انتم ومن الحالات اللي بتعامل معاها في الاستشارات ، المهم بقى ان الدراسة بتقول ان الوضع دة معناه ان النرجسي بيخطط لك عن وعي ودة معناه ان اللي النرجسي بيقلق نومها لازم تفهم انه مش خفيف ابدا مش في الطيف الأول للنرجسية لا انا اعتقد انه خبيث ،اللي يحطم أعصاب حد دة لازم يكون من متوسط لخبيث ، انا عارفة ان نرجسيين مش بيعملوا الحكاية دي لانهم فعلا بيكونوا نرجسي خفيف ،لكن المتوسط والخبيث بيعملوا كدة فدي تعتبر علامة على انك مع نرجسي خبيث غالبا
طيب نعمل ايه في الحكاية دي ؟
قلنا قبل كدة ماتناميش معاه في نفس الغرفة ، او انك تخوفيه انك حتحرميه من حاجة في مقابل حرمانك من النوم بطريقة غير مباشرة او انك تحكي له عن صاحبتك ان جوزها بيعمل معاها كدة ومش فاهمة بيعمل كدة ليه وادعي على جوزها ادامه وقولي له اللي بيعمل كدة ربنا بينتقم منه لانه بيبوظ اعصابها وبيهلك صحتها واتكلمي عن الموضوع من وقت للتاني وبعد فترة قولي له شفت جوز صاحبتي جرا له ايه ربنا حرمه من النوم وجاله ارق وبقى مش بينام من غير منوم شفت اللي عمله فيها ربنا ردهوله ، خدي بالك هم بيخافوا على نفسهم جدا فحيخاف ويبطل شوية وبعدين ينسى ويرجع يحاول تاني فانتي ماتعلقيش علطول لانه ممكن يكون بيشوفك فاهمة انه بيعمل كدة فيكي ولا لا فانتي ابدا ماتحسسيهوش انك فاهمة اصبري أسبوعين وابدأي قولي له الغرفة فيها عفاريت شفت كدا كدا ،خليه يخاف ويروح ينام في حتة تانية وهم مخهم عنده استعداد يصدق الكلام دة جدا
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية
27 авг 2024