المتعاطفة (٣)
القوى الخارقة اللي ممكن تكون عند المتعاطف
١- الاستبصار بالصور : يعني تشوفي بعين البصيرة ،بقلبك او عقلك المهم ان مش بعينك يعني تقدري تغمضي عينك وتشوفي مثلا غرفة نومك وانتي طفلة بكل تفاصيلها ، وتشوفي مثلا رضيعك وهو بيبكي وانتي مش معاه وبيكون احساسك بيه على هيئة صورة
٢- الاستبصار بالمعرفة : تلاقي نفسك عرفتي حاجة بتحصل في مكان تاني او حتحصل في المستقبل وتلاقي كأن المعلومة هجمت على مخك فجأة ، او مثلا مترضيش تركبي السيارة او اتوبيس معين وتفوتيه بدون سبب يعني انتيب تحسي انك لازم متركبيش بس مش عارفة ليه وبعدين تعرفي انه عمل حادث
٣- الاستبصار بالسمع : ممكن تكوني بتسمعي صوت الاذان مثلا مش في ميعاد اذان ويكون الاذان دة في بلد تانية ، تسمعي طفلك بيبكي وانتي مش معاه في المكان أصلا ، تسمعي بكاء حد قريب منك وهو في بلد تانية ، تسمعي باباكي بيتكلم وهو في بيته وانتي في بيتك ، مش شرط تكوني سامعة تفاصيل الحديث ،
٤- الاستبصار بالمشاعر : ودي صعبة ومؤلمة للمتعاطف لانه طول الوقت حاسس بالالم النفسي لكل اللي حواليه حتى لو هم محكوش ولا قالوا ان عندهم الام او احزان ،ولو حتى مش باين عليه
٥- الاستبصار الجسدي : بتحسي بالالم الجسدي اللي بيحسه اللي معاكي في نفس المكان سواء صداع او الم معدة او غيره
٦- الاستبصار الذوقي : ممكن تدوقي طعم اكل او شرب كأنه في بقك فعلا وهو مش موجود أصلا عندك ويكون حد بتحبيه وبيحبك بياكله او بيشربه ، او تحلمي انك بتاكلي او بتشربي حاجة وتقومي من النوم وطعم الحاجة في بقك ،
٧- الاستبصار بالشم : تشمي حاجات محدش يشمها غيرك ، زي اعرف حد كان بيشم ريحة المطر قبل ماينزل بنص ساعة مثلا او ربع ساعة ، ويشم ريحة عطور ومسك وهي مش موجودة ابدا عنده
٨- الاستبصار باللمس : ودي بالنسبة لي مشفتهاش صراحة ، هي بتقول ان كان عندها عميلة مسكت خاتم جدتها وقالت لها هو جاي من انهي بلد ومين هداه لجدتها ، ودي ملكة نادرة
طيب أنواع الشخصية المتعاطفة
١- المتعاطف الجسدي ودة اللي بيحس بالالم الجسدي او اللي عنده استبصار الجسدي
٢- المتعاطف الحدسي : اللي هي تحس باللي حواليها واللي عندها استبصار بالمشاعر ودي ممكن تكون بدل جهاز كشف الكدب ، تعرف اذا اللي ادامها بيكذب ، ونيته وحشة ولا كويسة وكمان تحس اذا اللي معاها متغاظ منها ولا راضي عنها
٣- المتعاطف مع الطبيعة ،اسمه متعاطف الأرض ودة بيحب النباتات والطبيعة وبيكون بينه وبين الطبيعة إحساس عالي وتلاقيه يحس بالاحداث اللي بتحصل من الطبيعة زي الزلازل والبراكين ونزول المطر وغياب الشمس ،يحس بيها قبل ماتحصل زي الحيوانات
٤- متعاطف الحيوانات : عنده ارتباط قوي جدا بالحيوانات وعنده فهم خارق للحيوانات واحاسيسهم ومشاعرهم وحزنهم وفرحهم ، وبيفهمهم وبيفهموه ، بالنظرة
٥- المتعاطف النباتي : احساسه عالي جدا بالنباتات والازهار ،بيحب يزرع ويعيش نمو النبتة ويفرح بيها وهي بتكبر ويتابع تفاصيل نموها وطلوع الزهرة والثمرة ويحس بالزرع اذا عطش واذا مرض ويدي للزرع حنان ويلمسه والزرع بيتجاوب معاه ويزدهر في وجوده ويدبل في عدم وجوده ، بيرتاح جدا في الأماكن اللي فيها مزروعات وفي الحدائق
٦- المتعاطف المعرفي : دة بقي اللي عنده استبصار بالمعرفة ، اللي عنده الحاسة السادسة ، اللي هو يعرف اللي حيحصل من قبلها ويعرف فلان دة حيكون له شأن وفعلا يحصل
٧- المتعاطف الروحي : دة بقى حد له علاقة قوية بربنا وبالنبي عليه الصلاة والسلام وبيحب الرسل ومتعلق بيهم وممكن يكون بيشوفهم في الرؤية كتير ،زي الشيوخ الكبار
٨- المتعاطف باللمس ودة اللي عنده الاستبصار باللمس
2 дек 2021
