نقطة ضعفك اللي النرجسي بيستغلها ويذلك بيها وازاي تخلصي منها
٥- خوفك من الطلاق
خوفك من الطلاق له أسباب كتيرة حنقولها كدة بالراحة عشان نعرف نخلص منها
١- اول سبب انك متعلقة بيه تعلق مرضي ومش حتقدري تبعدي عنه لانك ادمنتيه ، وفي الحالة دي بتكون حججك كتيرة جدا واولها عشان الأولاد ونفسيتهم وعشان وعشان ، وانتيب تحاولي تقنعي نفسك انك تعافيتي وانك مش مدمناه بس مضطرة تكملي عشان الأولاد ، شوفي انا مش معنى كلامي اني عايزاكي تتطلقي لا طبعا انا عايزاكي تكسري سلاحه اللي هو بيهددك بيه اللي هو الطلاق ، المهم انتي حتعرفي نفسك لو انتي عايزة تعرفي ، لو انتي ركزتي شوية حتعرفي انك مدمناه ازاي ؟ لو لقيتي نفسك بتغيري لو لاقتيه بيخونك ، حتلاقي نفسك لسة بتزعلي لما يعمل معاكي موقف غبي واو يستندل معاكي وحتلاقي نفسك لسة بيصعب عليكي منه ، كل دة معناه انك لسة مدمناه ( حعمل ان شاء الله حلقة عن علامات ادمانك للنرجسي ) ،لو انتي تعافيتي تمام لا حتغيري ولا حتزعلي منه ولا حتفرحي منه ولا حب ولا كره ، من علامات انك لسة متعافيتيش انك تكوني بتكرهيه ومش طايقة تشوفيه ، كدة انتي لسة شوية لازم يكون وجوده بالنسبة لك زي عدم وجوده ولما تشوفي حلقات المتعاطفة كمان حتعرفي تقفلي عليه ميعرفش يؤثر عليكي بمشاعره السلبية الفظيعة اللي ملياه ، وفي الحالة دي مش حيفرق معاكي اذا طلقك او مطلقكيش ، حتحسي انه عادي الطلاق وعادي العيشة معاه ، فلو هددك بالطلاق حتلاقي نفسك بتقولي له اوك يلا بينا وانتي بلا أي مشاعر ، واذا اتهد عنك وعاش في صمت وانتي مضطرة تعيشي عشان مصاريف الأولاد ، حتلاقي نفسك متقبلة الحياة وعايشة مع نفسك تماما وهو في الحالة دي اما بيستسلم او بيخرج يلقط رزقه برة
٢- تاني سبب بيخليكي تخافي من الطلاق ،طبعا الفلوس مين حيصرف عليكي وعلى ولادك وكأن الرزق دة بيد النرجسي مش بيد ربنا ، وخصوصا لو انتي عارفة انه حيعند لو اتطلقتي ومش حيصرف ، ربنا سبحانه وتعالى عارف ازلا ان اللي بيحصل النهاردة معاك مدة حيحصل وقال في كتابه العزيز. ايه : "وَإِنْ يَتَفَرَّقَا يُغْنِ اللَّهُ كُلا مِنْ سَعَتِهِ وَكَانَ اللَّهُ وَاسِعًا حَكِيمًا " صدق الله العظيم ، لازم متخافيش من الرزق لانه بإيد ربنا بس ، كمان خدي خطوة واشتغلي ودوري واتعبي واظبطي يومك واستغلي بركة البكور ، اشتغلي عشان ربنا يوسع عليكي
٣- ثالث سبب بيخليكي تخافي من الطلاق هو ان اهلك نرجسيين ومش موافقين ع الطلاق وانتي خايفة منهم ، انتي مفروض ملكيش دعوة بيهم ولا كأنهم موجودين في الحياة انتي مش صغيرة محتاجة اذن ماما وبابا عشان تاخدي قرار في حياتك و انتي تقدري تعيشي لوحدك مع أولادك وترغميهم يحترموا رغبتك وحيستسلموا لك لو كنتي قوية بالله ، ابدا. ابدا لاتسكني معاهم ابدا مهما حصل
٤- السبب الرابع خوفك من المجتمع ونظرة الناس وكلام الناس والصورة الحلوة والشكل الاجتماعي ، شوفي كل دة كلام كويس وكلنا بنعمل له حساب لكن كل واحد بدرجة معينة ، يعني النرجسي بيعمل حساب المجتمع والناس والصورة الحلوة لدرجة انه ممكن يمرض أولاده وميهموش عشان الصورة تطلع حلوة ، وناس تانية زي الشخصية الاعتمادية برضه مهتمة بكلام الناس بس اقل شوية من النرجسي وهكذا كل واحد عنده درجة ، المهم انتي فين من دول ، الانسان السوي مش بيهتم بالمجتمع والصورة الحلوة لما يكون الوضع فيه ضرر عليه او على أولاده ، ودة اللي عايزاكي توصلي له تبقى انسان سوي لا تكوني اعتمادية ولا حدية ولا ضعيفة ، لازم تكوني انسان سوي ، بالتشافي بالاستعانة بطبيب او معالج ، حاولي بكل الطرق توصلي للتعافي عشان تبطلي تخافي على شكلك ادام الناس بشكل مؤذي لكي ولاولادك
طيب دي الأسباب اللي ممكن تكون بتخوفك من الطلاق انتي عارفة انتي انهم واحدة في دول ولا انتي كلهم بيخوفوكي وايه مش انتي بس اللي عارفة دا النرجسي كمان وعارف اكتر منك ، النرجسي عارف اذا اهلك نرجسيين ومش حيقفوا في صفك ، او بخلاء ومش حيسندوكي او يشجعوكي تاخدي أي موقف فما بالك بالطلاق ، او عارف انهم بيخافوا من كلام الناس ، او على اد حالهم وانتي مش حترضي تنزلي مستوى اولادك من المستوى اللي معيشهم فيه وتو ديهم عند اهلك ، هو عارف انتي خايفة جدا من الطلاق وتلاقيه في أي خناقة يقول لك انتي ملكيش حل انا مش عايزك ، عشان انتي تترعبي وتجري تصالحيه وتعملي اللي هو عايزه وتتحايلي عليه وتطلعي نفسك غلطانة ، لازم النرجسي يوصل له انك مش خايفة من الطلاق لازم يوصل له انك مش خايفة من ولا سبب من الأسباب الأربعة اللي قلتهم لك . عارفة امتى يوصله دة ؟ لما انتي تقربي من ربنا ومتخافيش غير من ربنا ومتهتميش غير بشكلك ادام ربنا وماتخافيش على زعل حد غير ربنا ساعتها النرجسي مش حيلاقي لك أصلا نقطة ضعف يذلك بيها وساعتها ربنا حيرزقك من حيث لا تحتسبي ، قربي من ربنا وهو حيقويكي وحيعينك وحيرزقك وبطلي تخافي ، وحرجع أقول لك تاني وعاشر لو ربنا كاتب عليكي الطلاق حتتطلقي مهما عملتي يبقى ليه بني ادم هش ضعيف يهددك بالطلاق ويخوفك ويذلك كل شوية ، أصلا هو مش عايزك يروح لحاله وانتي عيشي حياتك وعوضك على ربنا ورزقك عند ربنا وهو غالبا مش بيكون عايز يسيبك هو بياخد منك وقود لما يحس انك مرعوبة لايسيبك وبتحسسيه بنفسه وبقوته المزيفة ، هو بيفرح بدموعك لما يقول لك حطلقك وانتي تحايليه وبرضه بيمشي ويسيبك ، لو عايزة تخلصي من التهديد بالطلاق قولي له طلق ٩٠٪ منهم بيلم نفسه والباقيين بيكونوا عايزين يطلقوا أصلا بس بيأجلوا لانهم بيحبوا يتفرجوا عليكي وانتي مذلولة وبتتحايلي فيؤجل الطلاق شوية عشان يتسلى عليكي شوية وفي الاخر بيطلق برضه ، يبقى انتي تحافظي على كرامتك ولما يقول لك حطلقك قولي له بالسلامة .
٦- الفلوس ودي لها حلقة نقطة ضعفك هي مصدر قوة النرجسي
روب ادرس عدوك النرجسي
/ kawthersanad11
صفحتي الخاصة للتواصل معي
/ kawthersanad1.wordpress
رابط حلقة السيرة
• السيرة النبوية الشريفة...
3 окт 2024
