ياراكب اللي مالهجها الجنينا
ماهي وحدها ثامنه له ثمانا
فج النحور محجلات اليدينا
من ساس عيراتن وابوهم عمانا
يلفن لمسلط ترثة الغانمينا
قل ارحلو عن جوكم صار مانا
وقولو ترانا يمهم مقبلينا
ويقصر عن الطولات كانه بغانا
نبي ندله مقرعات الحنينا
اذواد من رعي المخاوف سمانا
ماهن بورث جدودنا الاولينا
كسبن بالايدي من حلايب عدانا
اذوادنا يرعن بحد السنينا
ونمشي بضف عقاب على هوانا
ابو جار الله قاسين مايلينا
اللي اليا ضاقت علينا حمانا
عقاب ذيب الخيل عطب اليمينا
وحجاب نور عيوننا عن عمانا
عدونا نجيه لو مايجينا
ونضفي على عدونا من خطانا
من فوق قبً كنهن الشنينا
ومعرباتن ما اعترضهن حصانا
الموت عند قطيهن وان حدينا
وياسرع رد وجيههن عن قفانا
نفكهن من سربتن معتدينا
ومن دونهن عود العريني عصانا
5 окт 2024