الالياف الكربونيه معروفه بالخفه (اخف من الاليمنيوم) و الصلابه (اصلب من الحديد خمسه مرات) غير اخويا رضى باغي نوضح واحد نقطه انا كنمارس الجري مند عام تقريبا حاليا كنستعمل سبرديله اندر ارمور فلو فيلوسيتي 3 هو حداء عادي خاص بالجري و مافيهش الياف كاربون انا حاليا هد الحداء مناسب لي اما الاحديه برو بحال نايك زوم فابور فلاي 3 او ازيكس ميتاسبيد ايدج باريس او ازيكس ميتاسبيد سكاي باريس هدو كلهم احديه برو خاصه بالماراطون و فيهم كاربون و تمنهم 250 دولار انا غادي نشرح ليك علاش شريت حداء جري عادي و مشريتش برو اول حاجه خاص يعرفها اي واحد كايمارس جري و باغي يشري حداء برو خاصو يعرف ان احديه برو مغاديش يحس بمفعول ديالها الا ادا كان كايجري كيلومتر في اقل من ربعه دقيق و خمستاعش تانيه طالما انو كايجري كيلومتر في كتر من ديك المده فمغاديش يحس بالفرق و مغاديش تفيدو احديه جري برو لعلمكم فقط بطل العالم في المارطون جرى ربعين كيلومتر في ساعتين واقفه على رجليها يعني جرى كيلومتر في جوج دقيق بيله تاني حاجه خاصكم تعرفوها على احديه الجري برو . كاين جوج انواع ديال احديه الجري برو كاين لي رفيعه من الامام و كاين لي عريضه من الامام الاولى مخصصه لي خطواتو قصيره اما التانيه فمخصصه لي خطوتو طويله حيت اول نقطه كاينزل بيها رجليه على الارض واش من امام القدم او بالكعب ديالو هي لي كتحدد واش خطواتو قصيره ولا طويله الا كان كاينزل بمقدمه القدم باش يخطو خطوه كبيره فمتلا الا خدينا اسيكس كمتال اسيكس ميتاسبيد ايدج باريس مخصصه للخطوات القصيره اما اسيكس سكاي باريس لخطواتو اطول انا حاليا كنجري كيلومتر في ربعه و عشرين تانيه نقدر نجري قل من هد المده متلا نجري كيلومتر في تلاته دقيق و خمسه و خمسين تانيه لكن منقدرش نمشي بهد سرعه كتر من عشره كيلومتر