الفشل الكلوي وأعراض الاصابة⚠️ 

تقدروا تحسبوا معدل الترشيح الكبيبي عن طريق مواقع كتير زي الموقع ده
kidney.org.au/...
وكمان ده
www.kidney.org...
وكمان نقدر نستخدم معادلة حسابية زي الموجوده في آخر الفيديو👆
مرضى السكر والضغط هما اكتر ناس معرضين للاصابه بالفشل الكلوي المزمن بسبب عدم التحكم في مستويات السكر والضغط
وبيتم تقسيم مراحل الفشل الكلوي المزمن الي ٥ مراحل بناء على كمية الدم اللي بتنقيها الكلي في الدقيقة الواحدة
فيما يعرف بمعدل الترشيح الكبيبي او GFR
وهو عبارة عن معادلة حسابية بتعتمد على
نسبة الكرياتنين في الدم والعمر والوزن والنوع
المرحلة الأولى من الفشل الكلوي المزمن
بيكون معدل الترشيح الكبيبي او GFR فالمتوسط الطبيعي أعلى من ٩٠ مللي فالدقيقة
وبتكون مرحلة أولية بدون أعراض والملاحظ فيها هو وجود رغوة عند التبول
المرحلة الثانية من الفشل الكلوي المزمن
بيكون معدل الترشيح الكبيبي او GFR اقل من الطبيعي
مابين ٩٠ الي ٦٠ مللي فالدقيقة وبتقل كفاءة الكلي بنسبة ٣٠ ٪ والملاحظ فيها هو وجود بروتين فالبول او زلال فالبول على شكل رغوة فالبول
المرحلة الثالثة من الفشل الكلوي المزمن
بيكون معدل الترشيح الكبيبي للكلى من ٦٠ الي ٣٠ مللي فالدقيقة وبتقل كفاءة كبيبات الكلي او نفرونات الكلي بنسبة ٥٠٪ وتبدأ تظهر على المريض أعراض زي تورم القدمين والأم أسفل الظهر وتغيرات البول زي لون البول الغامق ووجود دم فالبول.
المرحلة الرابعة من الفشل الكلوي المزمن
بيكون معدل الترشيح الكبيبي للكلى GFR من ٣٠ الي ١٥ مللي فالدقيقة وبتقل كفاءة كبيبات الكلي بنسبة ٧٠ ٪ وتبدأ تظهر أعراض اشد على المريض زي
ارتفاع ضغط الدم
شحوب الوجه بسبب الانيميا
الام المفاصل والعظام وكسور العظام بشكل مستمر
المرحلة الخامسة من الفشل الكلوي
بتقل كفاءة الكلية بنسبة ٩٠٪ وبيكون معدل الترشيح GFR اقل من ١٥ مللي فالدقيقة
وبيكون المريض دخل في مرحلة فشل كلوي تام ويحتاج للغسيل الكلوي وبتكون أعراض التسمم بسبب تراكم السموم واضحة زي الترجيع - القئ-والغثيان والزغطة
وفقدان الشهية
علشان كده متابعة مستويات السكر والضغط والكرياتنين واليوريا والكوليسترول بشكل دوري من الضروريات لمرضى الضغط والسكر للوقاية من المضاعفات المعروفة ليهم.
#ارتفاع_ضغط_الدم
#ارتفاع_مستويات_السكر
#الفشل_الكلوي_المزمن
دمتم بصحة وعافية
تحياتي
دكتور محمود الرجاج