الكل لازم يعرف أسعار سيرفس MG نوع RX8 قبل لا يشتريها + قطع الغيار 

الله يعطيك العافيه عزلله شرحك كاافي ووافي للي بيشتري السياره واذا استمريت علي شغلك هذا بكل مراجعاتك انا اضمن لك انك راح تكون مرجع كبيير وموثوق بعالم السيارات ويارب نشوفك من اعلي الي اعلي 🌹

شكرا ع المصداقيه وهذا اللي نبيه قبل لا نشتري سياره

الله يعطيك العافيه ، صج معلومات مفيده حييل يعني مو بس تشتري وبس ولازم نعرف الي ورا الشراء شنو او شكثر بندفع

فعلا تجربة فريدة من نوعها..تسلم وألف رحمة الله على والديك

اتمنى تسوي حلقه مقارنه بين اسعار الشركات بالصيانه ، و اذا تبي اساعدك حاضر و انا مهتم بالسيارات منذ الصغر

‏اشكر أخونا على هذا التوضيح ‏في هذا الفيديو ولكن اشوف انه السيرفس جدا جدا مبالغ فيه وغالي

اللهم صل وسلم وبارك على سيدنا محمد وعلى آله وصحبه وسلم

احنا في السعوديه على يوم نشتي الموتر ماتوصل الشركه على شان يغير الزين ٣٦٠ريال ١٥٠ انا اتكلم عن سيارتي لكزس rx350

اسعار غير طبيعيه غضيت النظر نهائيا عن السيارة

بارك الله فيك اخي الحبيب...ياريت لو تعمل مقارنة لاسعار السيرفس بين الشركات

كفيت ووفيت بو احمد والله يرحم والدينك

٧:١١ اركز هنا ولاهنا ههههخخخخخخخخهههههههاي ، واصل ي مبدع جبت أدق التفاصيل غطيت كل شي تقريبا ❤❤👑

ما احب السيارات الصينيه ، بس لايك عشانك 👍🏽

الصينيين يرغبون الناس برخص سياراتهم ويردون دبل القيمة بالسيرفس ،، مثال يقول الاخ الكريم سعر السفايف ب ٦٥ دينار تقريبا هذا سعر سفايف فولكس طوارق واودي والبورش تخيل ان هالسعر بسيارات ام جي عاد بعد مادري تعطي جودة اللي ذكرتهم او لا عموما قواك الله احب الاشياء التفصيلية هذي

اخوي الغالي شرايك فيها السياره كااستعمال يومي موديل ٢٠٢٤

شكراً على التوضيح يابو أحمد

جزاك الله خير

MG و ليس mJ و انت تنطقها MJ بس ملاحظة و شكراً على جهودك

مرحبا جزاك الله خير وماقصرت تكرما عندي سؤال شلون مكيفها بالصيف شهر ٧ الجيب ام جي وشكرا لك

احترت تنصح اخذها ولا لا 😭 صوت الهواء وترني معنى سقتها جربتها ماسمعت هالشي! هل ممكن يكونون اهما مصلحينها ولا؟ و التكيف شلونه بالصيف؟ اذا عندك فكره الي عجبني فيها حجمها مناسب للعايله و سعرها ناسبني كذلك، باجي السيارات في الوكالات اصغر منها بالحجم واغلى بالسعر 🤦🏻‍♀️ انتظر ردك وعساك عالقوه ويعطيك الف عافيه عالشرح الوافي واسفه عالاطاله

اسعاركم ممتازه جدا تعالوا السعوديه لازم تاخذ قرض عشان تدخلها الصيانه والله صيانه 40الف ب3000ريال سعودي وردد ياليل مطولك

تبديل زيت السيارة على ٥٠٠٠ افضل وشكرا على المحتوى ٠✌️

شمعات الاحتراق ريديم تمشي اكثر من٢٠٠الف كم

السلام عليكم ابو احمد بسألك لاهنت الار اكس 8 راح يتغير شكله او فيس لفت 2024 او قريب يغيرون شكله لاني ناوي اخذ واحد هل انطر ولا اتوكل على الله بأنتظارك ردك يالغالي

كم لتر سعة خزان البنزين ؟

اولا..الله يعطيك العافيه وفيت كل شي بالهشرح.. لكن نصيحه للجميع في اي مكان في الدول العربيه.. اولا هناك ضحكة كبيييييره مررره في الوكالات..وهي ماجات الا مؤخرا.. قبل سنوات ماكنا نسمع بالشغلات هذه في الوكالات..اليوم سار الهدف من هل الكم الهايل من الصيانه هو جني ارباح خدمة مابعد البيع..واستغلال جهل العميل بشغلات الصيانه وتخويفه من ان اذا ماسويت كذا راح يصير للسياره كذا...!!! هذا غير صحيح.. انت تدخل سيارتك للصيانه ولا تعلم ماذا فعلوا بها!!؟ هل فعلا غيروا شي.. ولا اكل اموال الناس بغير وجه حق.. ثانيا..تغيير زيوت الدفرنسات والدبلات.. السياره ماتحتاج تغيير لها الزيوت هذه الا بعد ممشى تقريبا 250000كم الى300000كم لايضحكون عليكم..خير ان شا الله تغيير على 20الف او 40الف مو صحيح مررره.. ثالثا..شيك في الوكاله على ايام التشييك المجاني.. بعدها السلام عليكم احفظ سيارتك وانتبه لها وغير الزيت للمكينه في اي محل عادي خارج الوكاله وافحص زيوت القير والدفرنسات بعد كل 50الف كم وقدامك السلامه وخل فلوسك بجيبك.. انت اذا جيت عند محل تغيير الزيت تفقد فلتر الهوا وفلتر الزيت اذا محتاجات تغيير غيرها عنده باقل تكلفه.. اذا ماوجتها عنده اشترها انت من قطع الغيار وغيرها عند محل الزيوت.. وريح راسك.. وقبل ذي الامور كلها توكل على الله وقدامك السلامه.. انا عندي شانجان 2021.. لها معي سنتين الا شي بسيط ماشيه الان 81000 كم ولا طبت الصيانه اغير بر فلتر زيت وبس وانظف فلتر الهوا والسياره احلا من الحلا.. وفق الله الجميع.. والله يكفينا واياكم شر الطمع والجشع..والله يرزقنا الامانه في القول والعمل.. واعتذر على الاطاله.

استاذ هل تنصحني سياره MG 5 علما انا شغلي داخل المدينه فقط شكرا لكم. انا من كردستان العراق

كفوو ذيبان انا الحين رايح الوكاله باخذ اعلي فئه

اتوقع أن الصينيين معطين سياراتهم صيانة زايدة و مكثرينها لأن سياراتهم ما تصمل يعني معقولة تبديل شمعات الاحتراق ( بلاكات ) كل عشرين ألف ما أتوقع إنها صارت قبلهم

بيض الله وجهك

يعني لازم تأمين شامل

غريبه انا عندي شروكي مكتوب بجدول الصيانه البواجي تتغير على ١٥٠ الف، و شديته الى ١٩٠ و غيرتها و هي باقي سليمه و قاب كويس

ممتاز ياريت فيديو نفس هذا عن بايك x7 واسعار السيرفس وقطع الغيار ورأيك في السيارة

قواك الله ابو احمد

فقط توضيح بسيط .. و يعطيك الف عافية ام جي .. مش ام جيه .. G تلفظ جي J تلفظ جيه موفق ان شاء الله

طيب ليش ما ذكرت السعر بريال سعودي او بدولار

غالى والله

مساك الله بالخير انا توني شاري السياره واجهتني مشكله انه بعد ١٢٠ تسمع صوت صفير او تنسيم والصوت مزعج والمشكله الثانيه كل ماتضبط المرايات ترجع نفس وضعها السابق وباقي الامور كلها للحين تمام مع العلم توني شاري السياره صارلي اسبوعين

😰😰😰 شدعوه هاذي الأسعار أغلى من أقصادها

من وجهة نظرك افضل سياره شانجان c95 ولا MG rx8 ولا جاك الفئة ٧ ركاب ....تنصحني في ايش ..بسبب اني خلاص بشتري ومره ركزت على MG

دودة السكان (المقود) كم تكلف ؟

هل تنصح بها اخي العزيز ابو احمد

غير صحيح،، البواجي تتغير بالهافال h9 أيضآ كل ٢٠ الف،، و لاااااا احد يقول يضحكون علينا،، انا خليتها ٣٥ ثم غيرتها، فقلت هالمرة يمكن تطعي اكثر و لكن بعد فقط ٣٠ الف صارت لي مشاكل و انحست حوسه و شلت هم و صرفت مصاريف و بالاخير طلعت البواجي ‼️ طيب ليش المرة اللي قبلها مشتني ٣٥ بدون مشاكل و بعدها فقط ٣٠ و اتعبتني؟؟ الجواب لاني بالمرة الأخيرة على مشي ال ٣٠ ارهقت الموتر تطعيس و خطوط و تدعيس زيادة و ما كنت احن على الموتر فتم استهلاكها اسرع، َ بالتالي، صحيح تمشي فوق ال ٢٠ و لكن اداء الموتر يضعف بشكل ما تحس فيه و لكن على حساب صرفية البنزين،، لذلك اشوف اذا انت حنون على الموتر خله على ٢٥ اَ اما اذا بتطحنه ٢٠ الف مناسب البواجي تقنياتها اختلفت عن اول و كل موتر له بواجي تناسبه حتى لو من نفس المصنع حتى لو نفس التقنيات، فكل محرك مطلوب منه اداد معين و توقيت للشرارة معين و امور كثيرة

اشرايك بالهافال H9

والله اني محتار بي ال MG و شيفروليه كابتيفا ؟ من وجهة نظرك بما انك استعملة ال MG كثير ؟

هل ميزان السياره تبع الضمان ؟

زعلان لانك سويت سيرفس ال ٢٠ الف ب ٩٠ ومع الصيني ب ١٠٠ والسفايف سعرها مقبول بالنسبه لك؟ كاني راكب bmw مو صيني

والله يا الامير مافيها شي رخيص الدهن والفلتر المفروض ما يكلف ١٥ دينار والسيرفس الميجر معروف حده ١٥٠

واذا خفيف

محرك ضعيف وكلة بالسعودية غير معروفة ولايوجد قطع غيار وان وجدت نار ولاحد يمدحها

سعر انا اشتريها بصراحه السرفس غالي

MG أرجو النطق الصحيح

احد يغير ما رديتر على ٦٠ الف 😂

اسمها MG وليست MJ

مبالغة في الصيانة ، فقط عملية سحب فلوس بس

سياره زباله والله كنت بشتريها بس شسالفة سعر السيرفسات مقاربه للكزس والكيا !! اخذ سياره يابانيه او كوريه احسن !! واضمن !

❣❣❣❣😍😍

مفروض تبديل بلاكات ماتكون ٢٠الف

سيئة جدًا وما انصح احد يشتريها ، يزرفون فلوسك بالصيانة اغلى من صيانة مرسدس وضمان معقد جدًا

اغلى من الباترول و اللاند بالصيانة

ولله صلخ بعد البيع

شغل الوكالة انظف لان شغل الكراجات يصلح شي يخرب شي ثاني

تعبت نفسك

شلون قطع غيار كيا ارخص ؟

يعني لازم تأمين شامل