أسأل الله المولى القدير أن يوافقنا وإياكم بما فيه خير للجميع إن شاءالله .
شخص محب و هاوي للسيارات و حِسَابي يتعلق بكل ماهو جديد في عالم السيارات والمحركات بشكل عام و تغطية آخر الأخبار للموديلات الحديثة سواء كانت أسطورية أو هجينة على مستوى العالم ، إشتركوا معاي في القناة ولا تنسوا تفعيل زر الجرس حتى تصل لكم آخر التحديثات والأخبار في عالم السيارات .
هدفي الأساسي في القناة هو توعية الناس من خلال استعراض تجارب الأداء للسيارات بكافة موديلاتها سواء كانت قديمة ام حديثة مع توجيه النصائح للناس و المحافظة على المصداقية و ذكر المميزات و العيوب و ليس للترويج و التسويق كسلعة .
لان السيارات بوجه عام تمثل روح الصانع و إحساسه بثقافة بلده من جميع القارات .
(( * شيء لا يفهمه إلا كل محب و هاوي للسيارات فقط * ))
😂😂😂😂😂 هههههههههههههه ابد عسى الله يبارك لك فيه و يجازيك خيره و يكافيك شره يا رب و انا مثلك عندي ٢٠١٥ الثمانية ٣٢٠ و صراحة هذا جايزلي بلاااا توربو بلا عمات عين و محاتاه و ادري انه الجديد مسكت و بكسر الصخر و يذبح جميع المواتر لكن يبيله سنتين على الاقل على ما يشوفونه اذا فيه عيوب مصنعية او لااا
لاحظت بالتعليقات البعض كاتب سيارتي جمس تمشيني 600 ويجي الثاني يقول سيارتي تويوتا تمشيني 700 ؟؟ ترى كل سياره حجم التانكي يختلف فيه سيارات التانكي 120لتر وتمشي 600كيلو وفيه سيارات التانكي 70 لتر وتمشي 600 فلما بتقارنو بين صرفية السيارات لازم تذكر حجم التانكي مع الصرفية
لا افا عليك عزيز و غالي و تشرفني متابعتك طال عمرك عزالله اانها ابرك الساعات و لي الشرف يابعد راسي لكن بقولك شيء الحين . حتى حنا ياخوك هم بالكويت عندنا هالمواتر هذي و لا تكلمنا من فراغ و انا الي اكلمك امتلك باترول ٣٢٠ و له اكثر من سنتين عندي الحين و اخواني عندهم باترولات و ربعي وجماعتي و الناس الي مخليهم يجربون الستة الجديد هم عندهم ٤٠٠ و هذول ترى بس من الاشخاص الي رضوا يطلعون معاي باليوتيوب لان الكل عندي وافقني الراي و جربوا معااي . و انا عندي خبرة و اميز اذا كان الموتر حلو عشان توه جديد او لا ، و كل سيارة اساسا تبين من اولها او على قولت الاوليين ( من مواريها تبين اذا هي طيبة او لا ) و انا ما تكلمت من فراغ و التجارب عندي بالقناة و المقارنات عندي موجودة عشان تتاكد بنفسك انه لي انطباع و شخص عارف الباترول و معاشر هذي السيارة من كثر المشاوير و الروحات و الرحلات الي استعملتها فيها . عموماً كل شيء واضح عندي بالقناة و حاولت كثر ما اقدر اني اكون ملم في جميع التفاصيل عشان اجيب الحكم النهائي عن جميع السيارات الي مجربها معاي و الي صج تستاهل ( مو مثل غيري يصور السيارة كانها منتج و يمشي 🚶) و لا تعرف من انطباعه و تجاربه اذا السيارة زينه او لا .
الجديد خاصة الموديل هذا حييييل طوروه و حييييل فرق و انا اتكلم عن الي جربته مالي شغل في الستة الي طاف كان نازل من ٢٠١٧ الى ٢٠٢١ يمكن ما حدثوهم مثل هذا ، انا اكلمك عن الي جربته سيارة ممتازة لها اسبوع معاي و انا استعملها و مشاوير بدون توقف و تجارب صراحة فعلاااا بينت انها سيارة من الانطباع الاولي الى الانطباعي النهائي و الي يعطيك نظرة مستقبلية لها كوني امتلك نفس السيارة فبين انها فعلاااا تستاهل و راح تعيش لعمر طويل و اعتمادية
والله انها كفووو يشهد علي الله في كلامي ، و الي مكلمك حالياً هم عندي جيبي موديل ٢٠١٥ و مخطط اخذ الجديد الستة صج حسيت بالتطوير الي سووه فيه و صار افضل من سيارتي بعد
الله يعافيك و يسلمك يالامير 💐☺️ و انا صراحة الكلام و الحكم النهائي عليها ماجاه من فراغ إلا لاني مجرب و عارف و هم راعي باترول٣٢٠ و اقدر اميز و اصيد اذا السيارة كفو الواحد يفكر فيها او لا ، بصراحة سيارة تستاهل و انصح فيها للجميع لكن بشرط و هو انك تكون شخص راكد و هادي و عاقل بالسواقة و مو راعي قومات و سرعة لان اذا تبي هذا الشيء اهني انصح تاخذ الثمانية ٤٠٠ اما الستة و بالنسبة لي انا ابد نفس جيبي بالضبط و مكفي و موفي مااني راعي خرتبيط
@@cars965 هاذا الشي المهم انك مجرب وعارف الفرق وفي كلمة حلوه انت قلتها انه هالموديل صارله ١٤ سنه تطوير يعني جميع المشاكل الي فيه تم حلها الي بيشتريه بيرتاح من ناحية قلة الاعطال والصيانه المجانية والكفالة 👍
الله يبارك لكم بمواتركم لكن الكوري مهما وصل ماراح يكون نفس الياباني وجودته كانت من منافسينها الافالون بس توقف تصنيعها وسياره قويه واثبت نفسها بالفئة وجمعت الطابع الرياضي والعائلي بنفس الوقت
عندك الحين الي احسن من الافالون و صالون مرتفع عن الارض حتى يذكرني بالشفرات القديمة مثل الكابريس موديل ٩٥ و الرود ماستر و الكاديلاك بالركوب و الارتفاع و الفخامة هي التويوتا كراون سعرها الفل دفع رباعي هجينة ٣٧٩ حصان مع عرض بالوكالة على ١٧ الف بينما الدرجة العادية و هم مواصفاتها حلو و تستاهل لكن دفع امامي ٢٤٩ حصان على ١٣ و خردة هذي الي صج تستاهل
انا موتري ثمانية سلندر ٣٢٠ خمس غيار و نفس حجم تانكي البانزين يقطع معاي لغاية ٧٠٠ كيلو بالكثير اذا مصفر بالمرة بينما بقراءة العداد يعطيك لغاية ٦٢٠ كيلو الجديد ستة سلندر قيره سبعة غيار يعطيك قراءة اولية ٨٠٠ كيلو اذا استعمال مدينة اكثر من خطوط سريعة بينما اذا كان استعمالك كله خطوط فعادي يعطيك لغاية ١٠٠٠ كيلو و هذا الي الاغلب بصير و لكن ٨٠٠ كيلو بالراحة يعتبر جداً ممتاز مقارنةً مع غيره و الحين بذكر لك منو اقصد . البرادو موديل ٢٠١٩ الي كان عند اعلى درجة VX الفل اعلى درجة تانكي البانزين ماله 150 لتر ستة غيار فل التانكي يمشيك لغاية ٨٧٠ كيلو هذي اكثر قراءة كانت تطلع لي بالعداد فمشاويري يعني لاحظ انه اكثر بسعة خزان عن الباترول ب ١٠ لتر و عطانا زود ٧٠ كيلو . المهم إِنْ شَــاءَ اللَّهُ انه ماكو فرق و بالنهاية الباترول و البرادو نفس حجم بعض و نفس السعة 4.0 لتر بسعة المحرك فيعتبر جدا ممتاز 👌
اخذ ٢٠٢٤ و ليس ٢٠٢٠ لان يمكن فيه تحديثات انطرحت في الي انا جربته و ماهي موجوده في القديم . و انا رايي واضح و الحكم النهائي الي قلته عن ٢٤ لانهم طوروا فيه كل شيء من جميع النواحي اما لو تسألني عن ٢٠٢٠ بقولك لا اعلم لاني ما جربته و لكن الجديد مبين اساسا امن اولها و الى الحكم الاخير الي عليه كوني راعي باترول انه موتر اعتمادي بمعنى الكلمة
ينطيك العافية عاشت ايدك وصح لسانك لكن الفرق كبير بينه وبين اليوكن دينالي استخدمت الباترول لكن ماحسيت يوصل للدينالي واشتريت اليوكن دينالي 23خاصة موضوع ضمان 5 سنوات او 100 ألف كيلو واتوجهت للدينالي وكلش استمتعت بالمراجعة تحياتي لك اخوك يوسف من العراق
يعطيك العافية اخوي انا خذيت الاند الجديد مشيت عليه ٣ الاف كيلو ازعجني قساوة المعاون بدلته ركبت تف دوق صار وايد احسن والان ماشي فوق ال٢٠ الف كيلو وطالب معاونات الكنق
انا لاحظت فيه هذا العيب عند صاحبي عنده VXR احيانا حييييل يابس و يعور الظهر فزين سويت انك تبي تركب الكنق و بالنهاية ماهي خسارة على اللاند هم موتر يستاهل
اي اقدر افا عليك و ما نرد عليهم بعد 👍🏼 انت قولي شنو الملاحظات الي شفتها على الموتر عشان انتقدها و فيه شغله على فكرة هم انتقدتها بس يمكن انت ما كملت المقطع لكن بقولها لك ( مافي نظام البرو بايلوت و البقاء في المسار و مافيه البروجيكتر ) . اذا فيه نقاط ثانية هم علمني و انا حاضر .
اذا سرعتك كانت اكثر من ١٤٠ و فوق فعلاً راح يصرف معاك اكثر و تحس ودك انك تشد على الموتر اكثر بينما اذا كنت سرعتك من ١٤٠ و تحت صدقني ماراح تتأثر بالمرة خاصة على ١٢٠ فل حمولة مع التجاوز و عائلة امورك كلها طيبة . انصحك بالثمانية بحالة وحدة فقط و هي صعود جبال مع حمولة كاملة و سلة و عوائل و انت صاحب سفريات و الطرق الي تمشي فيها كلها طرق جبلية فاهني اقولك نعم اخذ ٨ بينما باستعمالنا في الكويت و الشرقية في السعودية الى ان توصل الى صلالة فماراح تحتاج الثمانية بالمرة لان كل الطرق الي قدامك خطوط سفر عادية
@KhalidMohammed-zj4sm ابد دام جذي اخذه و توكل على الله و انا بالنسبة لي يصلح لي الستة و ماني راعي سفريات واجد بالسيارة و اذا سافرت حدي قطر او الامارات 😁
لان للاسف من الشباب الي الله يصلحهم و يديهم يستهترون فيها بوسط المناطق السكنية ( يقحصون ) و هي الوحيدة الي منظرها شعبي 😂 و شكلها و هي تدخل اللفات منظرها يدوخ🤭 المهم فكانت هي السيارة الوحيدة الممتعة الي يقحصون فيها الشباب بالشارع بينما الامريكي مثل موستنج و كمارو و كورفت كانوا يتسابقون اكثر من التقحيص فعشان جذي حصل التركيز الاكبر على الجيتي و الزد و اصواتهن طبعااا حيييل طرب ياباني مع ازعاج بنفس الوقت🤣
كمّل التعليق .. هذي التجربة الصح 👍🏽 السيارة بكامل حمولتها ركاب وعفش .. وهذا اللي أعجبني .. لأن كل التجارب اللي أنا شفتها فردية سواق بروحه وزنه ٦٠-٩٠ كم وهذي الطريقة الفردية بصراحة ماتبين كل شيء وعلشان تكتمل التجربة الطيبة هذي يبقى شيء مهم جدا في التجربة لازم تطلع بالسيارة (مرتفعات عليها الكلام … وتجرب تجاوب السيارة للتجاوز بالطرق السريعة ..وأنها ماتخذلك في الأوقات الحاسمة .. أما تعليقات الشباب .. واللي يشوفها بعض المتابعين مبالغة .. فأحسن شيء قبل ما تشتري سيارة العمر وتغامر بفلوسك .. لازم تجرب مرة ومرتين وثلاث .. وتشوف وتتأكد بنفسك أنت بتدفع دنانيرك و شقا عمرك .. وما تنلام ..
عساااك على القوة يا الغالي 💐 و مشكور على المرور الجميل ☺️ و ابد حاضرين للطيبين و بالخدمة و هم عندي نقطة لازم الكل يعرفها . طبعاً انا اكلمك عن اغلب استعمالاتنا في الخليج خاصة ما بين المدن و الخطوط السريعة مع الاوف رود او البر بوجه اخص ، بخصوص موضوع التجاوز ما صورته لاسباب عائلية 😅 معاي رضيع و لكن انا بعلمك الانطباع ( بكل صراحة السيارة بالتجاوز لازم ترد نمره لان الموتر يكون بالغيار السابع على ممشى ١٣٠ كيلو فيرد نمره و يرفع ضغطه لغاية ٣ و نص او ٤ بدون ما يكون متأثر بموضوع الوزن او تحس انه ثقيل بالعكس يشيل عمره و يتجاوز و استعابه و استجابته طيبه باحساس الستة سلندر في اغلب الجيبات الي تسمع فيه صوت المكينة المعتاد و لكن بعزم و قوة الي يخليك تقول المرة الجاية راح اتجاوز و انا مرتاح بدون ما ارفع الضغط اذا انت كنت اول مرة تسوقه ) اتمنى اني وصلت الفكرة 😅 ، اما موضوع الجبال و الصعود مثل جبال ابها الي الصعدات فيها حيل قوية و تكون شايل اغراض معاك و مركب سلة خلفية او فوق بالغمارة و معاك عائلة و انت تبي الموتر يكون مرتاح في هالامور بدون ما تحس انك تعبت المكينة معاك او تحس انه شرب البانزين زاد و تبي السيارة تصعد معاك على الراحة فالأفضل تاخذ ٨ سلندر ٤٠٠ لان طبيعي فيه احصنة زود و تورك اعلى و افضل . الستة سلندر لاستخدامات للكويت و خطوط سفر و انت رايح إِنْ شَــاءَ اللَّهُ الى صلالة في عمان امورك طيبة و صج ممتع و يستاهل و انا من الناس الي رسمي راح اخذه و لا راح اعاني إِنْ شَــاءَ اللَّهُ بينما اذا كنت من رواد السفر و صعود طرق جبلية بشكل مستمر مع حمولات عالية فالافضل تاخذ باترول ثمانية سلندر .
اذا تبي بعد تجربة في البر و طعوس و نفود انصحك تدخل قناة ابو بندر الي اسمها NMR2500 تجربة باترول ستة سلندر في النفود . و بالكويت اهني حيييل الستة سلندر مكفي مع التقرير الي شفته من ابو بندر حيييل شايل نفس و قوي بالبر و ماهو قليل شر فعلااااا موتر يصلح لجميع الاستخدامات و بالشارع عزالله و نعم الموتر كانه راحة امريكي في الخطوط
الله يعافيك و يسلمك يا تاج راسي 💐☺️ و انا والله مصدوم اكثر منك و قاعد اقول انه مٓـا شَــاءَ اللَّهُ اشلوووووون واصل لهذي المرحلة لدرجة انك تشك بان الارقام الي على سياراتنا غير واقعية بينما الجديد فعلاً قراءاتهم صحيحة ملووون بالمية
@@cars965ماشاء الله ابدعو فيه و اذا كان هاذا السته سلندر الموديل الحالي تنفس طبيعي شلون راح يكون اداء السته سلندر توين توربو الشكل الجديد اتوقع بيكون شي مبهر انا منتظر الشكل الجديد وناوي عليه ان شاءالله
شوف طال عمرك انا دائماً اقول انه كل واحد لازم يعرف مبتغاه الي يبيه من الموتر و طريقة استعماله للسيارة قبل لا يشتري اي موتر في حياته عسى الله يعطيك و يعطي الجميع طولت العمر . و الحسبة الي تفرق بين الثمانية و الستة هي مسألة واحدة فقط لا غير و هي الوحيدة الي بكل صراحة ارجح فيها الثمانية سلندر عن الستة و هي صعود الطرق الجبلية الصعبة بحمولة تحتاج فيها كمية طاقة او قوة تكفيك في هذي الظروف تحت اصعب الاختبارات خلال الصعود و الضغط على السيارة او انك شخص تفكر في القوة و تبي سيارتك هي تمتلك اقوى الارقام بين المنافسين مثل اليوكن الدينالي صاحب ٤٢٠ حصان بينما الباترول ٤٠٠ حصان يعني فرق بسيط و اما باقي الظروف فالستة يأدي الغرض المفروض منه .
ممكن تجربتك يالغالي عشان نستفيد و نتناقش مع بعض بخصوصها ؟ الشيء الثاني طال عمرك أنصحك تراجع الحلقة عشان تستوعب الكلام الي قلنا ، حنا قصدنا انه مٓـا شَــاءَ اللَّهُ عزمه افضل من الاجيال الي قبله سواء ٤٠٠ او ٣٢٠ مثل سيارتي من حيث تطوير كامل للسيارة و تحسينات للافضل بحيث انها تغنيك عن فكرة امتلاك ٨ سلندر في ظل رفع اسعار البترول و انه قوته و اداءه مكفين حق ناس تبي سيارة تودي و تجيب و تشيل اغراض مع عائلاتها لكنك الظاهر ما كملت المقطع و لا عطيت فرصة حق نفسك عشان تستوعب طابع الفكرة بوجه عام . الشيء الثالث ( كلن يرى الناس بعين طبعه ) و لا تحطها في ذمتك و تكلم ظلماً و بهتانة ، هدفي هو النصح و ماهو تجاري مثل الي الله يستر عليهم و لا كان صورت جميع السيارات ( الردي فيها و الزين ) قلت يالله يا جماعة اشتروا او عطيتها وضعية الي يصور بدون ما يشد حيله و يقول للناس كيفكم بدون فايدة .
و الموتر فعلاً كفو و فاجئني و عزالله انه كفو و يستاهل و هذي الوجهة الي إِنْ شَــاءَ اللَّهُ بالتبعها مستقبلا و باخذ نفسه بدون ما ادش في معمعة التوربو او الثمانية المكينة الكبيرة ، يعني قوة على الفاضي ماني مستفيد منها و شرب بانزين زود مع انه الستة و الثمانية نفس التباديل و هي ٧ غيارات
للامانة الوالد توه طاق له وكالة بلاتينيوم 6 سلندر من عقب اكسبدشن، فالبداية كان فيه شوي ثقل ومزعج على الخط كان في اي صعده خفيفة يبدل نمرة او ثنتين وقتها جاني احباط لكن الحمدلله بعد التليين الي في حدود 2000 تحسن واختفت العيوب نهائياً وايضا الصرفية تحسنت 👍
صح والي يسال عن الموتر من تجربة النعومة فيه وامتصاص الصدمات شي مستحيل احد يتوقعه من جيب ياباني وجنوط 20 ابد ابدا ما توقعت منه والتكييف معروف بس يعيبه الصرفية جدا سيئة بذات في ظل التوفير ومحركات التيربو وعطاني على بانزين 91 تقريبا يمشي 834كم غالبا بسبب التانكي حقه انه كبير وسلامتكم😊
الله يسلمك ابد كفيت و وفيت طال عمرك و انا استخدمته اسبوع و مٓـا شَــاءَ اللَّهُ تبارك الرحمن حيييييل تغير الباترول و صارت فيه تحديثات جدا ممتازة غير عن الموديل الي امتلكه حاليا و هو ٢٠١٥ مٓـا شَــاءَ اللَّهُ جدا تغير و صار افضل و انا من الناس الي خلاص صج الموتر هذا مكفيني و لا ابي زود سواء بالاستخدام او القوة
@USER-omar555 الله يجزاك خير و يرحم والديك هذي سيارة تجربة ماخذها من ناس حاب اني اجرب فيها جميع الشكوك الي تساورني عشان اتخذ قرار لان السيارة حيل عاجبتني و لكن مابي الثمانية و ابي اجرب عزم الستة .. و فعلاااا فاجئني و عزالله انه كفو و يستاهل و هذي الوجهة الي إِنْ شَــاءَ اللَّهُ بالتبعها مستقبلا و باخذ نفسه بدون ما ادش في معمعة التوربو او الثمانية المكينة الكبيرة .
اكيد افضل حق الي يبي الزود ، نفس ما اليوكن فيه منه عادي و فيه منه افضل الدينالي . السؤال هو هل هذا مكفي الناس بالاستخدام ام انه المسألة ابي سيارتي قوية و سوبر شارج و أخر شيء انت قاعد تستخدم ربع امكانياتها . اعرف شنو استخدامك و بعدين اشتر الي يناسبك
يعطيك العافية .. السيارة ممتازة وما عليها كلام ٦ و٨ .. ولكن بدون مبالغة.. الستة عزمها اقل بوايد من الثمانية .. وتصلح الستة حق الناس اللي من عادتها ما تدعس .. وطلعاتهم خفيفة .. او كسيارة للسايق في البيت .. والستة من خلال تجربتي مقارنة بالثمانية اعطالها اقل .. ونفس الصرفية تقريبا.. ونفس النعومة
الله ينور عليك يا تاج راسي و بنفس الوقت الستة ما عليك عملية و قوية و مكفية الغرض الي اغلب الناس تبيه و عزمها ماهو قليل بالعكس حييييل جبارة ، انا يالي اكلمك عندي باترول ٨ سلندر ٣٢٠ و يوم جربت ٦ صدمني نفس موتري و احسن منه بالخفة و الاستخدام يا رجل انتي شوف صدمة رفيجي راعي ٤٠٠ كلنا مصدومين انه اشلون ٦ اخف من مواترنا كأنه سحر يا رجل صدمة ⚡️ صعقة و الاستخدام ابد مكفية و موفية و مانبي زود لكن اذا كنت تبي زود بعد و تبي قوة نفس نظام اليوكن العادي و اليوكن الدينالي فموجود ٤٠٠
@@cars965نيسان بلاتينيوم ٤٠٠ القديم ع حسب تجربتي القديم عزمه اقل بوايد عندي ٢٠٢٢ فرق شاسع ف العزم جربت ٦ سلندر الجديد عزمه قوي بس اقل من ٣٢٠ بس موتر شيخ ٦ سلندر بس مشالله مكينته حيه
ههههههههههههههههه . والله مواصفات التيتانيوم جبارة صراحة مخطط اشتري مستقبلاً ستة سلندر و هذا شيء اكيد لكن الكلام اذا كفتني ميزانيتي اني اشتري بلاتينيوم شريت إِنْ شَــاءَ اللَّهُ اما اذا لااااا خذيت تيتانيوم
براحة الركوب السيارتين نفس الشيء ، اللهم المكينة الي تفرق و التحريكة من الصفر كممشى طبيعي بالهداوة ( راكد ) بين السيارتين هم نفس الشيء و بشيل الأغراض هم نفس الشيء و انت شفت قدامك بالفيديو . الي يفرق بس شيء واحد هو لمن تدوس البانزين كله الثمانية اقوى اكيد بالعزم و بالقوة و بالاداء و بالتسارع من الصفر و ما ننكر هذا الشيء . و لكن الستة سلندر مأدي الغرض و مكفي و موفي حق الناس الي ما تهمها هذي الموضوع و اهم شي عندهم انه السيارة شايلة نفسها و شايلة عوائلهم و تمشي بدون اي مشاكل و لا النعومة و العزل و الراحة و فنفس الشيء و الي يفرق هالمرة بس المكينة اما القير فنفس الشيء ٧ غيار
السيارة شوفت عينك قدامك فل اغراض و الاوزان الي شايلها اكثر من العائلة و اغراضها و منوم الكراسي كلها و محمل بالكامل اوزان ثقيلة اكثر من اوزان الاوادم و اللهم لك الحمد من اروع ما يمكن بالخط و شايل نفسه و زود و ماشي عليه مسافة ٩٠ كيلو رايح و ٩٠ كيلو راد موتر على سرعة ١٤٠ و تحت حيل مرتاح و اتحدى اي موتر ٦ سلندر تنفس طبيعي يسوي مثل الباترول . الدليل قدامك و بالخط انا شايل اغراضي قدامكم
