شكرا استاذ بلال فضل انا اسماء نجاح الموجي و ابهرتني الحلقه و ابهرني دقه المعلومات تحضير اكتر من ممتاز شكرا جزيلا لحضرتك علي الحلقه الرائعه حقيقي جزاك الله خيرا
انا في سن والدك و أتابع كل مقالاتك و برامجك بشغف شديد و استمتع بها بل و أشعر كثيرا أنك تعبر عن آرائي و أنت لا تعرفني و أنا من عشاق عصير الكتب و ابنب مهند السنجري كان أحد الفائزين بجوائز الموسم الأول للبرنامج ربنا يقويك و يردك لينا بالسلامة
بجد بسم الله ما شاء الله عليك يا استاذ بلال اسلوبك فى السرد والتقديم بينقل الواجد فى الزمان والمكان ويعيشه وسط الاحداث اللى بتحكيها من اروع البرامج اللى الواحد بيتابعها فعلا وياريت كان ممكن يستمر طول السنه
نجاح الموجي فنان بمعنى الكلمة، كل ادواره في رأئي بدون استثناء ناجحة بدون منازع، يعرف كيف يتقمص اي دور. اكاد اقول ان نجاح الممثل المصري الوحيد الذي اجاد كل شئ و لا يمل الشخص من مشاهدته. ربما لم يأخذ حقه كفاية و لو كان ظهر في عصر بيومي فؤاد او باسم سمرة لكان تفوق عليهم كثيرا جدا. باسم سمرة فقط للذكر يشبه كثيرا نجاح الموجي مع بعض المؤاخذات عليه في بعض الاشياء، لكن لا يقل عن نجاح و اجده في يسير في نفس اتجاه نجاح. يطول الكلام لكن اود ان ادلي برأيى العاطفي هنا، احب نجاح الموجي و احببت جميع افلامه، اي عمل كان فيه كالحريف ، البحر بيضحك ليه (بص بص) و غيرها كلها افلام تأتي في مشاهد نجاح الموجي اما تبكي او تضحك او تشعر بالسعادة .. فعلا فنان لا يعوض. رحمة الله عليه
البرنامج رائع..استاذ بلال حضرتك أبدعت ولما بتفرج بحس انى دخلت جوه كل حكايه بتقولها وكانى شايفه الشخصيات وبتعرف عليهم..البرنامج مظلوم جدا من ناحية الدعايه والترويج انا مسمعتش عنه غير بعد ما رشحه ليا اخويا الأكبر لأنه يعلم بشغفى لهذه النوعيه من البرامج ..تحياتى يا مبدع
شكرا ليكي ولأخوكي العزيز، أنا دوري بيتوقف عند عمل البرنامج، بعد كده هو وحظه، والحمد لله مع الوقت بيتشاف والبركة في دعاية اللي شاف الحلقات وحبها، خالص التحية
البرنامج رائع وبلال مبدع كالعادة ، بس البرنامج محتاج وقته يزيد شوية وياريت لو فيه فقرات من المسرحيات والأفلام اللي بيتكلم عليها أكتر من كدة شكر لازم لكل صانعي هذا البرنامج الرائع على رأسهم المبدع دوماً بلال فضل :)
شكرا جزيلا لرأيك يا عزيزي، لكن احنا بالفعل ضاعفنا مدة البرنامج عن السنة اللي فاتت، أكتر من كده هنخاطر بإن يبقى في سنة ملل، عموما الهدف إننا نثير شهية الناس للفرجة على أعمال المبدعين ويارب ننجح في ده
مجهود جبار دايما متعودين منك على كدة بس اتمنى يكون فى حلقات عن امل دنقل و محمود درويش و عن الادباء العالميين زى ديستيوفيسكى و هوجو و كافكا و غيرهم كتير و عن كل الشخصيات الانسانية ممن اثروا فى الانسانية بشكل عام
شكرا لحضرتك، كل دول هتلاقينا اتكلمنا عنهم وبنتكلم دايما في برنامج عصير الكتب اللي بيطلع من نفس القناة وبيتذاع أسبوعيا كل يوم اثنين وتقدر تلاقي حلقاته القديمة على اليوتيوب في قناة بنفس الإسم عصير الكتب
انا عمرى ما شفت سلاسه ف السرد ومتعه كدا - حتى شكل البرنامج نفسه رائع مفهوش فذلكه مخرج ولا بهرجه ديكور ع الفاضى , التركيز كله عليك استاذ بلال , رائع حقيقى .. انا شفت برامج تأريخ كتير للفنانين بدايه من استاذ حسن امام عمر نهايه باسوءهم برنامج ممنوع م العرض اللى خلى عشوب الحلاق مؤرخ سينمائى !!
أتذكر فيه سهرة تلفزيونية كان فيها نجاح الموجي صبي (شغال) عند أحد الرسامين (أحمد راتب) و كان الرسام مغمور و مديون للبقال و الجزار و فيه مرة جاء رسام عالمي لمصر فقرر الرسام المصري مقابلته علشان يشتهر. سافر أحمد راتب (الرسام) و ترك ورشة الرسم عند نجاح الموجي فجاء الجزار يطالب بتسديد الديون ... فنجاح الموجي أراد أن يلهيه و قاله أنا حرسمك بدل مديك فلوس لأنه ممعيش فلوس . فأخذ المقشة و قعد يشخبط في اللوحة بالألوان على شان يطفش الجزار . و فجأة دخل عليهم الرسام العالمي فلم يعجب بلوحات الرسام الأصلي صاحب المرسم (أحمد راتب) رغم جمالها و قال هذه لوحات عادية مفيهاش إبداع ، لكن اصطدمت قدمه باللوحة المرمية على الأرض بتاعت الشخابيط اللي رسمها نجاح الموجي للجزار فاندهش الرسام العالمي لما رآها و صرخ هوه دا الفن ولا بلاش ، و اشتهر نجاح الموجي بعد ما كتبت الصحافة عنه و عن فنه و إشادة الرسام العالمي بيه و بيعت لوحته بتاعت الشخابيط بمبلغ كبير سددوا بيها ديونهم و صار صبي الرسام (نجاح الموجي) مشهور أما الرسام الحقيقي (أحمد راتب صار يشتغل صبي عنده . و من هذه المفارقات الغريبة تولدت الكوميديا (السوداء) إن الناس بتتبع كلام النقاد و تنقاد وراء التصريحات الإعلامية و يشتهر واحد ملوش في الفن خالص و الفنان الحيقي مفيش حد يعبره. مش فاكر كانت السهرة التلفزيونية دي اسمها إيه ، اللي فاكرها يفكرني لأني صار لي مده أبحث عنها في اليوتيوب و ملقيتهاش.
