النانو سيراميك وافلام الحماية - كل اللي محتاج تعرفه عنهم 

انا اشتغلت في مجال النانو سيراميك لمدة ٦ شهور و كلام حضرتك صح ١٠٠٪‏ انتا راجل محترم ❤️

في رأيي الفيديو ينقصه توضيح الحفاظ على طبقة الحماية بعد تركيبها، يعني غسيل العربية هيبقى ازاي و تنضيفها بفرشه ولا فوطه... ياريت تجيب جزء تاني فيه المعلومات ديه و ياريت لو تجربة عملية.

طبقة النانو سيراميك.... نظرية العمل الخاصة بها هي ... اللوتس افيكت(اكتشفها عالم الماني لما زار مصر وشاف مخطوطة بردي بالصدفة بتتكلم علي زهرة اللوتس )وهي عن طريق خفض قوي 0التلاصق والتماسك) بين جزيئات المواد المختلفة.. بحيث يكون في اشكل نصف دائرة بها زاوية تقعر معينة... وكانت صعبة التنفيز علي ارض الواقع حتي ظهور تقنيات النانو ..........بالبلدي يعني هي وظيفتها علي العربية ان اي مية او طين او(وساخة) تزحلق ومتلزقش علي العربية ... وملهاش علاقة بحماية العربية من الشمس او التجريح من الرملة او غيرة ... والفرق بين الانواع في جزئين 1_ انها فعلن بتحقق الغرض منها ودية بتظهر بالتجربة بعد وضعها علي العربية .. عن طريف شوية مية(وسخة) اسف في الكلمة 2_المادة الي بتوضع في البداية ودية وظيفتها انها بتعمل كمادة ربط بين النانو وجسم السيارة... ودية الي بتخلي النانو يفضل اطول وقت ممكن علي سطح السيارة وممكن وضع النانوسراميك بعد تركيب طبقة افلام الحماية...

أنت بتعمل خدمة عظيمة جدا لكل الناس أتمنى تستغل قدراتك وثقة الناس فيها فى إنك تعمل ترشيحات لأفضل مقدمى الخدمات للسيارات بمختلف أنواعها هتبقى فرصة لنشر الأماكن الموثوق فيها فى قطاع خدمات السيارات بمختلف أنواعها وفى نفس الوقت بتخدم جمهورك العريض فى العثور على مقدم خدمة محترم

مشكور اخي العزيز بس عندي ملاحظة انو اغلب الي بيشترو سيارة جديدة وبلاقو صاحبها عاملها فيلم حماية بيطلبو منو يشيل الفيلم عن العربية عشان يفحصها منيح (الي بيفهم بالسيارات ) وتاني شي الفيلم في علي غراء ولو كان بكمية قليله فهذا معناه انو مع الوقت هيبقى يخرب طبقة الدهان مو يحميها لما تيجي تشيل الفيلم عن السيارة

اخى الفاضل كل كلامك فى أنواع الحمايه والناتو كلام صحيح بس ليه كل واحد عاوز يكسب دبل السعر يعنى رول الحمايه كله ٣٠متر مابيعدى ١٦او١٨الف جنيه بيعمل حوالي ٣سيارات كامله وثلاثة طبقات نانو بتتعمل بعلبه واحده سعرها ١٠٠٠او ١٢٠٠جنيه ليه الأسعار المبالغ فيها دى وبعدين حضرتك الحمايه المفروض عليه صيانه دوريه كل ٦شهور مجانا وعلى فكره انا مش بتكلم كلام وخلاص انا فى السعوديه وعندى محل وبستخدم نفس المنتج سواء كان 3mاو xبل بس بصراحه الأسعار اوفر اووووى النانو تكلفته مش بتتعدى ١٢٠٠جنيه براحه على الناس ولا الجاشع بقى فى كل حاجه

كنت تزن عليهم انك تعمل مراجعه للامبورجيني دي 😂😂

ماشاء الله شغل عالي انا عملت عربيتي عندهم بصراحة اختراع موضوع افلام الحماية لأن انت بتريح دماغك من الحاجات اللي بتعكنن الواحد زي الحاكات. إلى بعد فترة بعد لما تشتري العربية بتلاقي ها بقة شبه الخريطة من كتر الحاكات. وبعدين دة كفايه حماية جوز الفوانيس إلى قدام.

الله يجزاك خير

والله العظيم انت انسان محترم وشاطر ومجتهد، وفااااااااهم، انا بعشق مجال السيارات من وانا عندى ١٠ سنين، واي حد بيعمل فاهم أو هو فعلا بيكون فاهم في المجال ده اكتر مني، بغير منه جداا ومش بحبه، الا انت سبحان الله، انا يشرفني انى اتعلم منك، وربنا يزيدك يارب

انت انسان مجتهد وناجح بجد روعه واتمني تتوسع في شغلك وتتكلم في انواع البطاريات والكاوتش والزيوت وفي برنامح اسمه عرب جي تي البرنامج دة تابعه وهيفيدك في توسعه فكرك واتمني ليك من كل قلبي النجاح

بص يا احمد ... انت من الناس المجتهدة فعلاً وربنا يوفقك دايماً .. انا عندي 33 سنة ومصاب بمرض التهاب فى الاعصاب الطرفية من سنة 2000 ومن مستخدمي الكرسي المتحرك ورباعي ... بس بحب اتفرج على فيديوهاتك من باب الفهم واني اعرف ايه الجديد فى المجال ده بما انى مبخرجش ولا عندي عربية اصلاً ولا فى امكنياتي انى اشتري عربية ... ودايماً فى تقدم ان شاء الله

أقترح حلقة عن أفلام منع الحرارة وأنواعها المختلفة مثل: V-Kool , 3M

بقالى شهر كل يوم ادخل على القناة اشوف فى فيديو جديد نزل ولا لسة واخيرا فيديو مفيد جدا شكرا اوتوفندى

معلومات قيمه و مفيده للمهتم و شاملة لكافة جوانب الموضوع بجانب اسلوب مبسط و منهجي في طرح المعلومه معتمد علي البحث و التدقيق و الموضوعيه و خالي قدر المستطاع من البروباجندا و الدعايه و الانطباعات الشخصيه او الانحيازات العاطفيه…شابوه يا فندم.

مراجعه وافيه كالعاده يا احمد باشا لكن افتقدت الإفيه ال اتعودت عليه منك من اول ما بدات تقدم مراجعات للسيارات افيهات لايمكن تتنسي انت فعلا انسان جميل ربنا يوفقك ف يوم من الايام هتشرف بمعرفتك face to face

شكرًا للمعلومات المفيدة ... أرجو إيضاح أكثر لنقطة صيانة النانو سيراميك سببها وكيفيتها

فيديو رائع و معلومات هامة جدا على الرغم إنى مش هركب أفلام حماية دلوقتى بس إن شاء الله لما أجيب عربية جديدة

الفيديو اكتر من ممتاز!!! هل في فرق بين أفلام الحمايه وافلام عاكس الضوء والحرارة ؟؟؟؟ لكم كامل الشكر والتقدير والاحترام

شكرا جزيلا لتعبك ولاسلوبك المميز

مشكور علي الرفيو وكلامك وضح حاجات كتير جدا للواحد مكنش عارفها بس متتأخرش تاني يابو حميد

لو سمحت بيفضل مدة قد أيه على العربية ؟ وهل لازم تغيره كل فترة ؟ هل فعلا لما بيتعرض للشمس لمدة طويلة قوية بيقشر بوية العربية ؟ وهل فعلا شيله من العربية بيبوظ لمعة البوية الاصلية ويقشرها ؟ ... وشكرا للردك مقدما

شكرا جزيلا على المحتوى والمعلومات القيمة والمفيدة 🤚🌹

والله هو دا المفروض يبقي شكل الإعلان في أى قناة بتتكلم بمنهى الواقعية والموضوعية ربنا يبارك فيك

برافو يامهندس وشكرا جزيلا ليك انا من محبينك ومتغبشى علينا كتير

جزاك الله خير يا مستر احمد ربنا يجعل تعبك في ميزان حسناتك ويجعله علم ينتفع بيه ويكتبلك اجره وثوابه ان شاء الله

وحشتنا والله يا عم اﻻفنديه جميلة جدا كالعاده لكن غيبه طويلة معلومات مفيده شكرا لمجهودك .. صباح الورد

فنان طول عمرك ... سؤال بقى .. لو العربية مخدوشة .. النانو سيراميك هينفع يدارى الخدش دا وللا خلاص مفيش امل ؟؟

فيديو رائع لشخص قمة الاحترام و الاحترافية الف شكر اتوفندي👍

انا بشكرك على المجهود و المحتوى بشكل عام بس ايه رائيك فالشمع كحمايه

عاشت ايدك وبارك الله بيك لان افتهمت كلشي عن النانو .. بس بقت شغلة وحدة معرفتها ؟ هل انه افلام الحماية بيها لمعة ؟ عند وقوع الماء عليها .. ينزلق بسهولة ولاتحتاج للتنظيف مثل النانو سيراميك ام لا ؟ ارجو الرد اخوك علي من العراق

ممكن تفيدني بافضل الماركات فلم الحماية مثل xpel

عايز بصراحه ريفيو للكرايسلر الهيمي او c300 وتاريخ الشركه ومميزات وعيوب سياراتها والبروتون وفيه عربيه تاني اسمها هيونداي كوبيه شبه الفيرنا كدا بس سبور ياريت تعملنا فيديو عنها لانها منتشره جدا وشكلها حلو

الفيديو خرافه و انقذتنى من كارثه كنت هعملها لو فى فيديو بقى شبه ده بس لو فى خبطه خفيفه او حاجات شبه كده تتعمل فين بس يكون مكان محترم

شكرا على الفيديو بس أنت نسيت تقول لنا هل من الممكن غسيل العربية بعد تركيب فيلم الحماية أم لا؟ شكرا جزيلا لك!

متكلمتش على 3M وهي افضل طبقة حمايه وبنفس الثمن ب ٢٤ الف العربيه كلها، بس حلو اوي الفيديو مجملا كمقارنه و توضيح لمميزات وعيوب كل نوع ⁦👍🏻⁩

واحشنا جدا... متغيبش علينا اوى كدا فالفيديوهات ...

اشكرك يا احمد على الفيديو والمعلومات المفيدة...اتمنى لك التوفيق دايما واتمنى انى اقابلك فى يوم من الايام

معلش يا نوح استحمل سؤالى ايه الفرق بين 3m & protacte me & carporgini

انا واحد من خبراء هذا المجال في السعوديه واشكرك على مجهود واضح انك تعبت فيه لكن في كم معلومه ليست دقيقه بشكل واضح .. لكن نشكرك على مجهودك طبعا.🌺

عاوزين ڤيديو عن الدهانات نفسها لما العربيه تحتاج ترش جزء هيفرق نوع الدهان ولا لا واعرف ازاي مكان ادهن عنده كويس وليه دايما في فرق بين دهان المصنع ودهان برا

السلام عليكم أخي لو سمحت كنت عايز اسألك لو عايز اغير لون العربيه مثلا للون الذهبي او الفضي اللامع او المطفي هل هذا يأثر على لون العربيه او يضرها بعد سنوات وللعلم انه المقصود بتغيير اللون هو اللواصق اللي تنحط على العربيه وتتغير لونها ارجوا الرد أخي

مساء الخير كنت محتاج اسئل عن نوع اسمه 3m scotchgard peo 4 دة كويس ولا لا؟؟ كمان بسئل عن مكان اسمه proguys egypt المكان دة كويس ولا لا؟؟ وازاي اتاكد ان ال protector اصلي لو هو النوع 3M

ينفع اركب افلام حمايه لأجزاء معينه في السياره فقط يعني مثلا للإكصدامات بس

متغبش علينا كتير يا استاذ احمد والله مش برتاح الي لفيديوهاتك ربنا يوفقك للخير

طيب يا ا/احمد سيبك بقي من افلام الحمايه والنانو بالنسبه بقي للتلميع العادي خالص ان تبقي عربيتي الشمس مغيره لونها او فيها تجاريح خفيفه وعاوز انظفها والمعها تنص بإيه وايه الانواع

نمر ام الدنياا منوره علي اللامبورجيني 😂😂💜

ربنا يوفقك.. فعلا موضوع ف الجون عايزين حاجة زي كدا عن وكلاء تعديلات زي موبار و ابارث ونصايح ازاي اختار بكدج تعديل كامل ميبقاش حاجة فوق وحاجة تحت

دايما ليك محتوي مختلف عن الكل ♥️♥️

السلام عليكم استاذ احمد قررت اشترى عربية اية افضل عربية عملية الاعتمادية وقطع الغيار فى حدود ٣٠٠٠٠٠ج

الحمدالله على السلامه طووووووووولت الغيبه

أشكرك على المجهود الواضح، والاعداد الجيد، وتمنياتي لك بالتوفيق.

طب إيه رأيك في الجرافين؟ الميكانيكيون العرب بيعملوه زي النانو بس ب ١٢ تقريبا و المفروض بيحمي اكتر من الأفلام و مخليين اسمه ماكس شيلد

دايماً متفوق على نفس يا افندي ايوه كده جيب خدمات للسيارات صيانات وياريت تعمل حلقه عن قطع الغيار المضروبه وتاثيرها على العربيه

جميل أوتو افندي....عايزين حلقة أو مجموعة حلقات عن الميكانيا وصيانة السيارات..وازاي نشخص المشاكل ولو نعرف نحلها بنفسنا من غير ميكانيكي ينصب علينا

رائع يا أفندينا! تعلموا يا أصحاب المواقع؛ هكذا يكون العرض واضح مستفيض سريع مقنع فضلا عن الوش الصبوح المحترم.. حضرتك سيد العارفين.. ثمة جثث ثقيلة تحذف بأجرامها علينا من أصحاب القنوات المتنوعة على اليوتيوب.. الله يلطف. بيمو/الجزائر..

ا. احمد من فضلك سؤال هو أفلام الحمايه حضرتك تقصد بيها الاسكرينه اللي بتتركب ولا دي حاجه تانيه غيرها ؟

السلام عليكم انا عايش في دبي. ممكن تقولي فين في دبي المحلات الاصلية للافلام والنانو لو عندك فكرة ؟؟

شكرا على المعلومات... تحياتي

تسلم يا ريس بعد إذنك لو سمحت عايزين تقييم لتويوتا رش و ميتسوبيشي اكسباندر

من فضلك يا استاذ نوح المكان اللى حضرتك بترشحه ره لعمل افلام الحمايه اثناء التركيب بيستخرم ((كتر)) لقص الاطراف ولا لا ؟؟ دى كانت حاجه مهمه منتظرك تكلم فيها !!!

أستاذ احمد هل فعلا العربيات الاوربية هينخفض سعرها في بداية السنة ولا لا ياريت نعرف رايك في الموضوع دا . وتحياتي لحضرتك وللمحتوى الي بتقدمة

طيب ممكن تتكلم فى ڤيديو عن الألوان ال مط هى مش مناسبة لكل الناس بس ليها قاعدة شعبية فى مصر كبيرة

بالنسبه لغسيل النانو ، والعربيه والشتا وكدا ، غير ان التراب والطينه ف الشتا احياناً بينشفو ع العربيه ، د هيبقا التعامل معاهم ازاى

تحياتي استاذ احمد المحترم فيديو جميل ومفيد جدا ولكنى لى وجهة نظر اخري اولا السعر مبالغ فيه بطريقة خيالية وبعتبر افلام الحماية اشتغالات على الفاضي ثانيا اذا عملت للسيارة بولش كل سنة بيكون افضل وبتكلفة لاتذكر ثالثا اذا كان لاي سبب حدث دعمة لباب او رفرف مدجر ايه هيكون الوضع ساعتها رابعا والاهم اذا عامل محطة غسيل السيارة تسبب فى خلغ افلام الحماية من شدة الماء هيكون ايه وضع العشرين الف جنيه وده وارد خاصة اذا كان الماء حار وهذه وجهة نظري وشكرآ

انا افتكرته فالبداية فيديو تريقة على انواع الحماية 😀

والله أنت ولد أفندى عبقرى ودمك عسل نحل أصلى بس خفيف جدآ موش تقيل ؛ أسأل الله لك التوفيق والسداد والستر والهدايه . . . آمين آمين آمين يارب العالمين .

لو سمحت اعمل فديو عن الجير الاتوماتك و الاستخدام الصحيح و خصوصا فى الإشارات نعمل وضع N ولا D افضل تانى حاجة steptronic لما يتحول للمانيوال ممكن و انا ماشى على سرعة احول على طول ولا لازم وقوف العربية تماما

مره زمان في بنزينه جرب لي طبقة شمع و جربت اخربش العربيه بالمفتاح و الضغط و لا اثر مش عارفه تعرف الدهان دا ولا لا و إيه رأيك فيه؟

كلام سعادتك صح .. والدى عمل المادة دى بس المشكله ان العربيات فى مصر زفره يعنى عليها مواد غريبة بتعزل اى حاجه جايه بعدها و ده من شوارعنا اللى زى الفل 😂😂😂

اخيرا يا اخي نزلت فيديو😃 بص عندي طلب نفسي تعمل Review عن briliance v5 عشان لسا جايبها

اولا اشكرك على فيديوهاتك المتميزه دايما واتمنى ماتغيبش عننا.. عندي سؤال..تكلفه النانو سيراميك كام؟ انت في الفيديو قولت رينج 20 الف للافلام لكن النانو معرفناش.. وكمان المده اللي بيحتاج بعدها صيانه دوريه؟ استمر من فضلك انت اكثر من رائع.. تحياتي ليك

الكوتينك او الحماية شيئ جميل و جيد ولكن السعر مكلف في دولنا على ما اظن العلبة الصغيرة سعرها يوصل 300 او 200 دولار

الناس اللي بتسأل عن الاسعار انا كلمتهم عن الاوبترا طبقة النانو ب ٦٥٠٠ جنبه وبتفضل من سنه ل ٣ سنوات وبتحتاج نوع معين من الشامبو وفوطه خاصه اما فيلم الحمايه كامل ب ٢٦ الف جنيه وضمامه ١٠ سنوات لكن قالي انه بيفضل علي العربيه مدي الحياة

كنت عايز اعمله سيارتي عند اوتو راب فرع اكتوبر فلو تقدر يا أ/ احمد تعرف إذا كانوا بيشتغلوا في الاصلي ولا المضروب عشان نستفيد

كنت عايز اسأل حضرتك لو في خدش واحد صغير لو مثلا بس هي زيرو

طبقة الحماية نانو او افلام هل يعملوا مشكله لو حبيت أبيع العربية والمشتري عايز يكشف على البويه فابريكة ولا رشه يعنى لازم يفك الطبقة علشان يعرف يكشف عليها؟؟

اللامبورجيني دوبت قلبي 🤤🤤🤤

عايزين حلقة أو اكثر من حلقة عن السيارات الكهربائية في مصر

ربنا يوفقك وشكرا على الافادة بس انا اعرف واحد جارى جاله واحد فى البيت ركبله الافلام دى يا ترى مضروبة ولا لاء

Autofandi - أوتوفندي . Please can you tell me roughly how much nano. Coating cost ? U focused more on plastic like film coating but not nano .

السريل نمبر بيضرب في المكملات الغذائيه والمالتي فيتاميين مش هيضربو في حاجه زي كده القصه مش قصه سريل نمبر القصه قصه سمعه المكان وان تكون عارف ناس عملو عندهم من فتره كبيره ويقولولك علي التجربه

والله منور الدنيا كلها وين الغيبه الطويلة دي يارب تكون بخير الله يوفقك

فيديو مفيد جدا يا ريت يا نوح لو تعمل فيديو زى ده عن انواع العزل الحرارى للزجاج زى 3إم وفى كوول وغيرهم

عاش ي ابو حميد ربنا يرضي قلبك ويوسع رزقك يا غالي

شرح واضح ومفهوم بأسلوب جميل انا كلفتني حماية كاملة بـ2700 دولار لايك 👍

ممكن بعد اذنك تقولي ايه الخيارات المتاحه لو محتاج عربيه في رينج ٧٠ لحد ٧٥ الف

تسلم علي الشرح الوافي يا افندي... الفكرة ممتازه بس موجهه لشريحه معينه فقط ولسيارات تستحق والافضل خارج مصر.

كنت عامل رفيو عن فرش السيارة وسائلتك عن السعر والعنوان ياريت يكون فى رد لانسر 2008

أنا من السعودية وبصراحة استفدت من موضوعك كثيييير معلومات وملاحظات مهمة جدا ... وعندنا برضو الأسعار غالية ممكن توصل إلى 25000 ريال

سؤال من غير زعل، ازاي اثق في المكان ده ومن الواضح ان ده اعلان على غير المعتاد في اوتو افندي؟

طيب بالنسبه للشمع علشان فيه مراكز بتقول انها بتعمل شمع مط او لامع بنفس لون العربيه هل ده فنكوش كده ولا ايه وبيقولو العربيه بتفضل فابريكه ومبتبقاش راشش رغم انها بتدخل كابينه علشان يرشو الشمع ده.

طيب انا عايز اسأل سوءال طبقه الحمايه الاصليه دي المفروض بتلزق جامد ع العربيه بتمسك فيها طيب مش دا لما اجي اشيله هياخد طبقه الورنيش معاه وش صح ولا لا؟؟

بقول لحضرتك اي يافندم انا عملت عند دكتور نانو سيراميك تمام ممكن يعملولي افلام حمايه عليه ولا هيشيلو ويعملو من جديد

الرقم الي انته حاطه بتاع الشركه غير موجود فالخدمه يامحترم

هل أفلام الحمايه الاصليه بيتم غسلها بي الرشاشات وماكنيه الرشاشات

توسان 2019 تكلف كام افلام. وفين المكان وهل لهم فروع في المنصوره او طنطا

شكرا لحضرتك ، ممكن عنوان كاربروجينى و هل ليهم فروع خارج القاهرة؟؟

سؤال صغير .. هل يؤثر على حساسات السيارة أو يقلل كفائتها؟

لو سمحت ياريت تعمل ريفيو عن العربيات الاكثر شهره في السوق المصري مثلا استأذنك تتكلم عن فيرنا كياسيراتو ٢٠١٠ ميتسوبيشي لانسر هيونداي ماتريكس تويوتا الجمل اتمني بس مايكونش كل توجيهك علي العربيات الحديثه فقط واسف على الاطاله