النجع 2018 | الشموخ 

النجع 2018 | الشموخ
فالسماء
هذا بيش راسي في السماء
وهذا بيش راسك في الوطا
انت بعت وطنك للانذال
وانا الوطن زاد عندي غلاء
ونت اطمعت وين ريت العقال
وانا انحزت لي مولى العباء
هذا بيش نا زايد شموخ
وهذا ليش تبدع في الرضوخ
انت وين تشبحنا ادوخ
حتا كان فيدينا الدواء
وانا بديت ، نبرز في الشيوخ
وانت ربح تلحس في القفا ،
هذا ليش راسي في سهيل
وهذا بيش سموك العميل
انت ذيل ومتبع الذيل
ومطبس كيف دقاق النواء
ونانرود ،في نجمة ،،الليل
ونرد النهر كيف سرب القطاء
هذا ليش ،راسي ما وطاش
وهذا بيش راسك ما علاش
انت وين ما تسمع احداش
يجيبك عرق وتقول مرحبا
تعطي دم خوتك للوباش
وتبيع الوطن وتقول الهواء
هذا ليش نا ديمه كبير
وهذا بيش ديمه انت صغير
انت زغلان عايش ع الغدير
كانه جف تيبس ع الثراء
وانا هاجيت و القافله تسير
وانت صوت حسه لاوراء
هذا بيش راسي فالنجوم
وهذا بيش بارك ما تقوم
ونا رافقة ،،عدادة،، اللوم
اللي للوطن يعطوا ف الضناء
وانت ، لفع تفرز، ف السموم
اللي ترزيه قول عظمه ثوا
هذا بيش ما نعرف اركوع
وهذا بيش تبدع ف الخنوع
انا الوطن صنته فالضلوع
وما هنتاش لاحبه انتها
ونت وين ما تشعر بجوع
تبيعه طول به تاكل الغداء
وهذا بيش ما رعشت اليد
صنت الوطن ما بعته لحد
انا نشوف في جرة الجد
لهم لا طاع لاو عاطي الولا
وانت نساك تعطي فالعدد
تزغرت وين ما الناتوا بدا
هذا بيش نعطوا في لولاد
فداء للوطن وين صار المزاد
انت تقص في جرت اجداد
للطليان شركه واصدقا
وانا نقول حتي للاحفاد
في الشهيد ما اديروا عزاء
هذا بيش نشلخ ع اليسار
وهذا بيش تحصد في العار
نا رافقة لشراف الاحرار
المتحفلين بعيد الجلاء
وانت جبت لوطنك العار
ومن يوم جيت خشيته بخلاء
هذا بيش ديمه للامام
وانت خرست وقطعت الكلام
نا رافقة لجواد الاكرام
شهاده وصوم وصلاة وزكاء
وانت بالدين شوهة الاسلام
قطعت الروس وتبيع فالاعضاء
هذا بيش نا ضد الحدود
وانت ضد نسلي والوجود
نبي الوطن للوحده يعود
والناس تعيش في وسطه بهناء
وانت الناس تلطم فالخدود
من يوم جيت خششت الرباء
هذا بيش نا حر وغيور
وانت غرقة كيف شاهد الزور
انت خنعت بكل السرور
تجيد مليح لعبت لنحناء
ونحن نثور ودمانا. تفور
جمعنا الموت والعيشه سوا
هذا بيش ماهو مستقر
يموج الوطن كيف موج البحر
انتم للوطن وين جيتوا اغبر
بدا كل عام في محنه وشقاا
وانتم موت ودماها تجر
وحنا النهر شريان الحياه
للاشتراك في القناة الرسمية: bit.ly/Agaweed_...
لمشاهدة المزيد: bit.ly/2JxxHHF
علي الكيلاني شاعر ليبي ومؤلف وملحن ، تتنوع أعماله في أغلبها بين التراثي والوطني.
لعل من أشهر من قامت بأداء أغان من تأليف وتلحين علي الكيلاني المطربة التونسية ذكرى محمد والتي زاد إجمالي التعاون الغنائي بينهما عن 70 أغنية. منها أغنية "من يجرأ يقول". كما غنى من كلماته وألحانه عدد من المطربات والمطربين الليبيين والعرب منهم نوال غشام أنغام ولطيفة العرفاوي. وتناولت أغانيه التراثية الحياة البدوية الليبية فيما اشتملت أغانيه الوطنية مواضيع حول فلسطين والعراق.
بدأ عمله في الإذاعة المرئية والمسموعة الليبية، كما حصل على عدد من الجوائز بينها الجائزة الأولى في مهرجان القاهرة للإذاعة والتليفزيون.إضافة إلى ذلك فهو مالك دار أجاويد للإنتاج الفني والثقافي.
Follow us:
ـــــــــــــــــــــــــــــــــــــــــــــــ
Facebook | / alialkelany0fficial