النجع 2024 الحلقة 26 الكتاب- حسن مناع
🟩الكتـاب🌴 نجـع 2024
#أجاويد
#النجع
لمشاهدة المزيد من الفيديوهات : shorturl.at/ftzW4
للاشتراك في القناة الرسمية: bit.ly/Agaweed_...
بـ نقلب صفحة من الكتاب
ونقفل باب
فتحـلي ميــة بــاب وبـــاب
عـ اللي مات وذكريات
وقلت إنعـده مـــاضي فات
لقيت أعظامة في جنـــــات
فـ عرم تراب
قعدت إنكثح عـ الغيــــــاب
مـ الديوان عليا بان
قريتـه و واضح مـ العنوان
الهيبة والعـــــــز والآمـــان
غـزاه إرهـــاب
البيت العــــــامر تم خٰـراب
الراحة تمت مٰاضي كـــــان
تفركس سـاب
تقول الا شقــــــة عــــزاب
وزاد تركب فينـــا جـــــــان
ونــا هنــــداب
قعدت إنقول أردي يا نــاب
الحـاشي هاب الحاشي هاب
أردي يا ناب الحــاشي هاب
فتحت الصفحة بســــم الله
وبـِ نقــــراه
تخلط ما جـــاني وما جـــاه
بديت نشلد يٰـــــــا ميــــلاه
أرقي العطـاب
أنميتخ والمــؤمن مُصــــاب
نفتح صفحـــــة قلت نقيس
نشوف الفيس
اللي فيــه الناس مطـــابيس
القيت الشـايب فيــه عريس
وعـاشق ذاب
يفسفس وعيالـه سيـــــــاب
دخل مسلسل حيص وبيص
وما شي غـــاب
الهيصة وطقات القبقــــاب
فتحت الصفحة عـ اليميــن
ونبدأ منين
أنشــوف أحــــوال الليبيين
القيتهم فاتحين دكــــــاكين
إفتـاء وثواب
وحرية وتشكيل أحــــــــزاب
واللي ما هــــاجر ركبــه دين
بدي نصـــــاب
وسفـاح وقطـــــاع أرقـــاب
الغلبــــــــــــان ينشد نا وين
يريد جـــــواب
ويش محلـه من الإعـــــراب
إعــٰــــــلاميين وصحــفـيين
إيبوا الجــــواب
اللي متعشم ظـــنه خــــاب
فتحت الصفحة عـ اليســار
ألقيت النار
تسمعر تقدي في الأسعــــار
أجنيــنا زاطــــل مــ الدولار
مصنقر هــاب
يقول يا الله تحت الميـــزاب
فتحت الصفحة عـ المرحوم
نبيــه إيقـــوم
يقوللهم ياســـر مـ النـــــــوم
لقيتة مُـــــــلام ومهمــــــوم
رخى النقــاب
أيـــام ورجلـه في أركــــــاب
بنفتح صفحة عـ اللي صــار
وننسوا أشعــار
توثق في الردة والعــــــــــار
بعد عــــز وهيبة يـــــادار
الجـو ضبــــاب
مسحب كيف مقلب الشراب
يبي رحٰــــــــاب
وحضن وحبـــــاب وكبـــــاب
بنفتح صفحة نقرأ سطـــــور
على جمهــــــور
أدوشن ماشي جــــاي يـــدور
اللي مـٰـــــاو مغيب مخمـــور
ردح عـ الـــــراب
نســى موسيقى بوعبعــــاب
قلبت الصفحة قلت نشـــوف
الناس ظٰـــروف
تجي بــِ الإحســان والمعروف
القيت اللي محتاج إيطـــوف
وكــــــاره حاب
يدوس على شـوك وحــــلاب
وما بين طموحــه والخـــــوف
يشد ســــــراب
وما يشد كــــــــلام النــــواب
يطوطي كيف مول الغضروف
علـيه إصعاب
الموقف بين راخـي وكــــراب
خبر ما عنـــه ليـــه كتـــــــوف
تقول الغــــراب
يودر مشيــه ما يحــــــــساب
المشهد مـ المخـرج محذوف
وميح شٰــــراب
ومقلب [ بورقبة الشكٰـــــاب ]
طويتــه وطبقتــه ومشــــيت
تركتـــه بــ صفحاتـه وما فيه
بــ جهدي وما فيـــــا هميت
وقلت أنشـــوف اللي قاريـــه
اللي قــــال مــــواده صفيت
درجات نجاحــه بــ نعطيــــه
القيت من قال سمعت وريت
قــــراه و بالورقـــــــــة فاليــه
نظـــرلي قال ريتك مــٰا جيت
مُــحبط ويخبـــط في إيديـــه
قــال توفى فــيـــه عــــــزيت
على من حي نعـــــــــزي فيه
بعيني النـــــــــار تلهلب ريت
لهبهـــــــا ما حد مطفيــــــه
لا كفٰنـــــتــه لا صلــيٰــت
مكـٰـٰـــانه غـــابي موش لاقيه
بــ الصوت العــــــالي ناديت
أدعوله النيـــه البيضاء ليـــه
الرغبة في نــــاســه حسيت
يشــــن يــــرن سليـــــم تبيـه
توجهـــــــــت القبله ودعيت
إن شاء الله ولد حــلال إيجيه
اللي ســــامعني يقول ياريت
معـــاي الحاب
إلا الكـــاره ما ليــه حسـاب
22 сен 2024