النصري - خاتم المني 

انضمو لقروبنا علي تيليجرام
telegram.me/su...
.........................
الدنيا صح فراقة
ما ا نتي صح فراقة
لكن القلوب يالدنيا مداكي الامان
وعشم المسافرين الرجوع
ولو ماكدى ماكان في زول فات المكان
وانا لى حبيب يوم دار يسيب
قال لى قريب
برجع عشان نبني البيوت
نرسم خطوط الضو على طول المكان
***************
يالله وين .. ياربي وين
يالله وين خاتم المني
في رمشة العين الابت بالشوق تنوم القاك هنا
ارقد على حضنـك انوم تملانـي ريـد واملاك غنا
ما انت يابحر الشعاع الشمسو غابــت مـن سنة
لسـة بيغسل قلبي نور واشرقني ياضـى الهنا
يالله وين .. ياربى وين
ياالله وين خاتم المنى
يالقمرة وين للسنسنة
لا حتى في طرق الشعاع المن زمان فوقك بنى
هيا اقلبى الصفحة العلى السما من هناك
مـادام هنـا
زولى البيدى الدنيا نور .. ضّلم رحيلو الامكنة
يالله وين .. ياربى وين
ياالله وين خاتم المنى
وتراهو زى ما الطيف يمر الليل ..اليوم يمر
والعـام يمـر
وانا في الدريب الفت بيه الم أتر قدمك واصُر
ارجى المسافرين وانشدن
هوى في المدن ماشفتو زول شايل بشاشات الفجر !
مـزج الصباحات بالمغيب لـوّن خدودو من العصر
يالله وين .. ياربى وين
ياالله وين خاتم المنى
وآه يالبيوت .. آه يا البيوت.. آه يا بيوت
لا دق بــاب ..
لافات حيطنا العنكبوت
وانا لسة راقد في الرصيف
راجيك تقيف قدامي قبال ما اموت
الدنيا من بعدك يباس
تنشرّ في الوديان سكوت
يالله وين .. ياربى وين
ياالله وين خاتم المنى
يالله يوم كـدي بالنهار فرح المواسم نفرعو
صوت القطارات من بعيد فوق الفلنكات نسمعو
اشواقنا والناس الزمان كل المسافرين يرجعو
المح حبيبي من بعيد يهجم قليبي ويقطعو
حزن السنين الفينا ساد انا وانت سوا سوا نقلعو
يالله وين .. ياربى وين
ياالله وين خاتم المنى
انضمو لقروبنا علي تيليجرام
telegram.me/su...
.........................