ﺍﻟﺪﻧﻴﺎ ﺻﺢ ﻓﺮﺍﻗﺔ
ﻣﺎ ﺍ ﻧﺘﻲ ﺻﺢ ﻓﺮﺍﻗﺔ
ﻟﻜﻦ ﺍﻟﻘﻠﻮﺏ ﻳﺎﻟﺪﻧﻴﺎ ﻣﺪﺍﻛﻲ ﺍﻻﻣﺎﻥ
ﻭﻋﺸﻢ ﺍﻟﻤﺴﺎﻓﺮﻳﻦ ﺍﻟﺮﺟﻮﻉ
ﻭﻟﻮ ﻣﺎﻛﺪﻯ ﻣﺎﻛﺎﻥ ﻓﻲ ﺯﻭﻝ ﻓﺎﺕ ﺍﻟﻤﻜﺎﻥ
ﻭﺍﻧﺎ ﻟﻰ ﺣﺒﻴﺐ ﻳﻮﻡ ﺩﺍﺭ ﻳﺴﻴﺐ
ﻗﺎﻝ ﻟﻰ ﻗﺮﻳﺐ
ﺑﺮﺟﻊ ﻋﺸﺎﻥ ﻧﺒﻨﻲ ﺍﻟﺒﻴﻮﺕ
ﻧﺮﺳﻢ ﺧﻄﻮﻁ ﺍﻟﻀﻮ ﻋﻠﻰ ﻃﻮﻝ ﺍﻟﻤﻜﺎﻥ
ﻳﺎ ﺍﻟﻠﻪ ﻭﻳﻦ يا ربي ﺧﺎﺗﻢ ﺍﻟﻤﻨﻲ
ﻓﻲ ﺭﻣﺸﺔ ﺍﻟﻌﻴﻦ ﺍﻻﺑﺖ
ﺑﺎﻟﺸﻮﻕ ﺗﻨﻮﻡ ﺍﻟﻘﺎﻙ ﻫﻨﺎ
ﺍﺭﻗﺪ ﻋﻠﻲ ﺣﻀﻨﻚ ﺍﻧﻮﻡ
ﺗﻤﻼﻧﻲ ﺭﻳﺪ ﻭ ﺍﻣﻼﻙ ﻏﻨﺎ
ﻣﺎ ﺍﻧﺖ ﻳﺎﺑﺤﺮ ﺍﻟﺸﻌﺎﻉ
ﺍﻟﺸﻤﺴﻮ ﻏﺎﺑﺖ ﻣﻦ ﺳﻨﺔ
ﻟﺴﺔ ﺑﺤﻤﻞ ﻗﻠﺒﻲ ﻧﻮﺭ
ﺍﺳﺮﻧﻲ ﻳﺎ ﻋﺒﻖ ﺍﻟﻬﻨﺎ
ﻳﺎ ﺍﻟﻘﻤﺮﺓ ﻭﻳﻦ ﺍﻟﺴﻨﺴﻨﺔ
ﻻ ﺣﺘﻲ ﻓﻲ ﻃﺮﻕ ﺍﻟﺸﻌﺎﻉ
ﺍﻟﻤﻦ ﺯﻣﺎﻥ ﺍﻟﻔﻮﻗﻚ ﺑﻨﻲ
ﻫﻲ ﺍﻗﻠﺐ ﺍﻟﺼﻔﺤﺔ ﺍﻟﻌﻠﻲ
ﺍﻟﺴﻤﺎ ﻣﻦ ﻫﻨﺎﻙ
ﻣﺎﺩﺍﻡ ﻫﻨﺎ
ﺯﻭﻟﻲ ﺍﻟﺒﺪﻱ ﺍﻟﺪﻧﻴﺎ ﻧﻮﺭ ﻇﻠﻢ
ﺭﺣﻴﻠﻮ ﺍﻻﻣﻜﻨﺔ
ﻭﺗﺮﺍﻫﻮ ﺫﻱ ﻣﺎ ﺍﻟﻄﻴﻒ ﻳﻤﺮ
ﺍﻟﻠﻴﻞ ﻳﻤﺮ
ﺍﻟﻴﻮﻡ ﻳﻤﺮ
ﻭﺍﻟﻌﺎﻡ ﻳﻤﺮ
ﻭﺍﻧﺎ ﻓﻲ ﺍﻟﺪﺭﻳﺐ ﺍﻟﻔﺖ ﺑﻴﻬﻮ
ﺍﻟﻢ ﺍﺛﺮ ﻗﺪﻣﻚ ﻭﺍﺻﺮ
ﺍﺭﺟﻲ ﺍﻟﻤﺴﺎﻓﺮﻳﻦ ﻭﺍﻧﺸﺪﻥ
ﻫﻮﻱ ﻓﻲ ﺍﻟﻤﺪﻥ ﻣﺎ ﺷﻔﺘﻮ
ﺯﻭﻝ ﺷﺎﻳﻞ ﺑﺸﺎﺷﺎﺕ ﺍﻟﻔﺠﺮ
ﻣﺰﺝ ﺍﻟﺼﺒﺎﺣﺎﺕ ﺑﺎﻟﻤﻐﻴﺐ
ﻭﻟﻮﻥ ﺧﺪﻭﺩﻭ ﻣﻦ ﺍﻟﻌﺼﺮ
ﻭﺍﻩ ﻳﺎ ﺑﻴﻮﺕ
ﻻ ﺩﻕ ﺑﺎﺏ ﻻ ﻓﺎﺕ ﺣﻴﻄﻨﺎ
ﺍﻟﻌﻨﻜﺒﻮﺕ
ﻭﺍﻧﺎ ﻟﺴﺔ ﺭﺍﻗﺪ ﻓﻲ ﺍﻟﺮﺻﻴﻒ
ﺭﺍﺟﻴﻚ ﺗﻘﻴﻒ ﻗﺪﺍﻣﻲ ﻗﺒﺎﻝ
ﻣﺎ ﺍﻣﻮﺕ
ﺍﻟﺪﻧﻴﺎ ﻣﻦ ﺑﻌﺪﻙ ﻳﺒﺎﺱ
ﺍﻧﺸﺮﺓ ﻓﻲ ﺍﻟﻮﺩﻳﺎﻥ ﺳﻜﻮﺕ
ﻳﺎ ﺍﻟﻠﻪ ﻳﻮﻡ ﻛﺪﻱ ﺑﺎﻟﻨﻬﺎﺭ ﻓﺮﺡ
ﺍﻟﻤﻮﺍﺳﻢ ﻧﻔﺮﻋﻮ
ﺻﻮﺕ ﺍﻟﻘﻄﺎﺭﺍﺕ ﻣﻦ ﺑﻌﻴﺪ
ﻓﻮﻕ ﺍﻟﻔﻠﻨﻜﺎﺕ ﻧﺴﻤﻌﻮ
ﺍﺷﻮﺍﻗﻨﺎ ﻭﺍﻟﻨﺎﺱ ﺍﻟﺰﻣﺎﻥ
ﻭﻛﻞ ﺍﻟﻤﺴﺎﻓﺮﻳﻦ ﻳﺮﺟﻌﻮ
ﺍﻟﻤﺢ ﺣﺒﻴﺒﻲ ﻣﻦ ﺑﻌﻴﺪ ﻳﻬﺠﻢ
ﻗﻠﻴﺒﻲ ﻭﻳﻘﻄﻌﻮ
ﺣﺰﻥ ﺍﻟﺴﻨﻴﻦ ﺍﻟﻔﻴﻨﺎ ﺳﺎﺩ ﺍﻧﺎ
ﻭﺍﻧﺖ ﺳﻮﺍ ﺳﻮﺍ ﻧﻘﻠﻌﻮ
22 сен 2024