الوداع - يس عبد العظيم - أغاني طنبور 

ﻗﺮﺑﻚ ﺣﺎﺭ ﻭﺑﻌﺪ ﺣﺎﺭ ﺫﺍﺗﻚ ﻧﻮﺭ ﻭﺣﺒﻚ ﻧﺎﺭ
ﺑﺲ ﻗﻮﻝ ﻟﻲ ﻣﺘﻴﻦ ﺷﻔﻨﺎﻙ ﻣﺘﻴﻦ ﻓﻲ ﺍﻟﺤﻲ ﺑﻘﻴﺘﻠﻨﺎ ﺟﺎﺭ
ﻣﺘﻴﻦ ﺍﻹﻟﻔﺔ ﺗﻤﺖ ﺑﻴﻨﺎ ﻟﻤﺎ ﺍﻹﻟﻔﺔ ﺗﺒﻘﺎ ﺣﺴﺎﺭ
ﻟﻴﻪ ﺩﺍﻳﺮ ﺗﺴﻴﺒﻨﻲ ﺗﻔﻮﺕ ﻟﺴﻊ ﻣﺎ ﺍﻧﺘﻬﻰ ﺍﻟﻤﺸﻮﺍﺭ
ﺍﺧﺎﻑ ﺍﻧﻮ ﺍﻟﺰﻣﻦ ﻳﻨﺴﻴﻚ ﺫﻛﺮﺍﻱ ﻭﺍﻟﺰﻣﻦ ﻏﺪﺍﺭ
ﻭﻻ تطمني ﺑﻲ ﻟﻘﻴﺎﻙ ﺗﻘﻮﻟﻲ ﺍﻟﺰﻣﺎﻥ ﺩﻭﺍﺭ
ﻻ ﺗﻮﺻﻴﻨﻲ اﻛﺘﻢ ﺍﻟﺮﻳﺪﺓ ﻣﺎ ﺑﻘﺪﺭ ﻋﻠﻰ ﺍﻻﺳﺮﺍﺭ
ﺧﻠﻲ ﺍﻟﻔﻲ ﻋﻠﻮﻡ ﺍﻟﻐﻴﺐ ﺍﻧﺎ أسه ﻓﻲ ﺍﻟﻔﺮﺍﻕ ﻣﺤﺘﺎﺭ
ﻭﺭﺍﻛﻲ ﺃﻟﻘﻰ ﺍﻟﺼﺒﺮ ﻣﻦ ﻭﻳﻦ ﻭﻛﺖ ﺻﺒﺮﻱ القليل ينهار
ﺑﻌﺪ ﺍﻟﻔﺎﺕ ﺩﻩ ﻛﻠﻮ ﺗﺴﻴﺒﻨﻲ ﻓﻲ ﺍﻟﺪﺭﺏ ﺍﻟﻨﻬﺎﻳﺘﻮ ﺩﻣﺎﺭ
ﻻ ﻛﻠﻤﺎﺕ ﺗﻄﻤﻦ ﻗﻠﺒﻲ ﺍﻭ ﺻﻮﺭتاً ﺗﻜﻮﻥ ﻟﻲ ﺗﺬﻛﺎﺭ
ﻭللّا ﺧﻼﺹ موﺩﺭ ﺭﻳﺪﻱ ﻓﺎﻛﺮ ﺣﺒﻲ ﻟﻴﻚ ﻫﻈﺎﺭ
ﺻﺪﻕ ﻭاللّا ﻣﺎ ﺗﺼﺪﻕ ﺩﻩ ﺇﺣﺴﺎﺳﻲ ﺍلبصيغو ﺃﺷﻌﺎﺭ
ﺃﻣﺸﻲ ﻫﻨﺎﻙ ﺃﻫﺪﻯ ﻭﻧﻮﻡ ﻭسيبني ﺍﺳﻬﺮ ﻣﻊ ﺍﻟﺴﻬﺎﺭ
ﻋﺸﺎﻥ ﻓﻲ ﻋﻴﻮﻧﻚ ﺃﻋﺒﺪ ﺭﺑﻲ ﻭﺍﺗﻠﻮ ﺍﺳﻤﻚ ﻣﻊ ﺍﻟﺰﻛﺎﺭ
ﻭﺇﻥ ﻫﺎﺟﺖ ﻋﻠﻰ ﺯﻛﺮﺍﻙ ﺑﺘﺮﺟﻰ ﺍﻟﻨﺴﻴﻢ ﺍﻟﻤﺎﺭ
ﺇﻥ ﻛﺎﻥ ﻓﻴﻬﻮ أجد سلواي ﺍﻭ ﻣﻨﻚ ﻳﺠﻴﺐ ﺍﺧﺒﺎﺭ
ﻭﺩﺍﻋﺎ ﻭﺍﻹﻟﻪ ﻳﺮﻋﺎﻙ ﺍﻣﺎ ﺍﻧﺎ ﺣﺎﻟﻲ ﻳﺎ ﺳﺘﺎﺭ
ﻣﺎ ﺑﻘﺪﺭ ﺍﻗﻮﻝ ﺃﺭﺟﺎﻙ ﻣﺨﻴﺮ ﻭﺍهب ﺍﻷﻋﻤﺎﺭ
ﻭﻻ ﺑﻘﺪﺭ ﺍﻟﻮﻣﻮ ﺯﻣﺎﻧﻲ ﺍﻗﻮﻟﻴﻜﻲ ﺍﻟﺰﻣﺎﻥ ﺑﻲ ﺟﺎﺭ
ﻣﺎ ﺩﺍﻡ ﺍﻟﺴﺒﺐ ﺑﻲ ﺇﻳﺪﻱ ﻛﻴﻔﻦ ﺃﻟﻌﻦ ﺍﻷﻗﺪﺍﺭ
*****
يس عبد العظيم - أغاني طنبور - أغاني شعبيه سودانيه