رقم حجز الاستشارات والكورسات : ٠٠٢٠١١٥٠٥٨٦٠٥٢نماذج انتقام ربنا من النرجسي الخبيث
حالة بتحكي عن ابوها كان اد ايه جبار وظالم لامها وذاللها ولا بيعطيها أي حق من حقوقها عارفين نظام سي السيد هو كان هذا النظام يعمل في البيت الوحش المرعب ويأمر المعروف وينهي عن المنكر ويروح يمسك الصاجات للرقاصة في اخر الليل وكانت الزوجة مغلوبة على امرها محرومة من حقوقها بالكامل ولا يمكن انها تقدر أصلا تعترض ومرضت الزوجة مرض خبيث وتوفاها الله من بدري وهي صغيرة وبدون ماتدرك طبعا ان زوجها نرجسي ولا حتى تدرك انه كان بيؤذيها كانت الست امينة بالظبط وتدافع عنه لبانتها وتحببهم فيه ، وفضل الاب زي ماهو وطبعا استبدلها ببناتها وظل التعذيب مستمر والبنات كبروا في الذل والمهانة وكانت الحالة اللي بتحكي هي كبش الفدا اللي اخدت الذل كله وفي الاخر تزوجت نرجسي، وفي النهاية البنات قرروا يزوجوه عشان يخف الحمل عنهم وسبحان الله هو اللي اختار زوجة اصغر من اصغر بنت في بناته واصر عليها وبناته حاولوا يفهموه انها مش مناسبة وهو صمم وكان وقتها في الستين تقريبا والحالة بتحكي ان الزوجة دي حاليا بتبرأ له بس يقوم يجري زي الطفل الخايف من امه وبتقول انها ذالاه ذل أسوأ بمراحل من اللي كان بيذله لامهم وقاطعاه من بناته كلهم وحارماه من احفاده وممنوع أي حد يزوره في بيته وهو كمان ممنوع يزور حد وممنوع يخرج من غيرها واخدت كل املاكه عدا الشقق اللي كاتبها للبنات اللي عايشين فيها وطبعا كل دة عرفوه لان الحالة اللي بتحكي القصة اتطلقت من نرجسي ورجعت تعيش في بيت العيلة وسكنت فوق ابوها وزوجته وبتسمع صوت زوجته وهي بتشتمه وتبهدله وهو لايتنفس . الانتقام من ربنا هنا شافته البنت اللي عاشت دور مصدر الوقود الرئيسي لابوها لمدة عشرين سنة تقريبا .
- حالة تانية بتحكي انها عاشت خمسة وثلاثين سنة مع نرجسي خفي خبيث وبتقول انها ماعرفتش انه نرجسي وانه اذى السنين دي كلها كان عن قصد غير بعد خمسة وثلاثين سنة عايشة في ذل مش فاهمة أصلا ليه مش فاهمة هي ليه حاسة بالذل يعني عايشة حاسة انها محبوسة في حين انها مش محبوسة خالص هو سايبها تروح مطرح ماهي عايزة لكن لما بتخرج بيلاحقها بالتليفون كل نص ساعة ويخانقها ويكرهها في الخروج فتتحبس ،فلوس بيديها لكن يسم بدنها تروح لاهلها لكن بعد ماترجع ينكد عليها صاحباته نفس الشيء لحد ماهي حبست نفسها من غير ماتحس واقف لها ع الواحدة والنفس أي حاجة في أي موضوع يغلطها فيه هي عايشة مذلولة ومحسسها انها مذنبة طول الوقت وكل دة مش واضح ولا مفهوم لها هي مش فاهمة غير انها عايشة مذلولة ،المهم لما ربنا نور لها وفهمت النرجسية وعرفت انه خفي خبيث بعد العمر دة كله وبدأت تشوف مشاكل أولادها النفسية وتفوق وتفهم اللي كان بيحصل معاها وكانت عمرها فوق الخمسين وأولادها كبروا واتخرجو واللي منهم اتجوز واللي خطب لقت نفسها مش حينفع تسيبه لكن قررت تعالج نفسها وتفهم اكتر وتقف على رجلها وتعافت فعلا وقدرت تقول له لا لانها اخدت خطوات مش خطوة وربنا ساعدها ونصرها ووراها بعينها ذله لها بالرغم من انه زي ماهو ماتغيرش ولا قل خبثه ولا عدل سلوكه الا انه خاف منها ربنا القى الرعب في قلبه منها ، وبعد فترة بدأت صحته تتدهور بحكم السن وبدأ يضعف اكتر ويحتاج لها اكتر ووصل لانه اصبح على كرسي متحرك نتيجة جلطات في المخ وتقل لسانه واصبح عاجز عن كل شيء في الحياة بعد ماكان مالي الدنيا كبر وجبروت وظلم وخيانات وقهر لها ولاولاده وفي النهاية مات لوحده مع الخادم بتاعه لانه رفض يعيش معاها لانه ماقدرش يتحمل يشوفها بتنجح وبتتشهر
26 авг 2024