ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawthersanad.net/
رقم واتساب ٠٠٢٠١١٥٠٥٨٦٠٥٢
اكبر غلطة تغلطيها مع النرجسي وتذلي نفسك بنفسك
لما تقولي للنرجسي انت غلطت في كذا وكذا أيا كانت الغلطة اللي بتقوليها له ويرد عليكي ،انتي انتهيتي خلاص مش عايزك وانتي تتحايلي عليه يتكلم معاكي ويقول لك هو زعلان منك ليه!!!!
طبعا لو انتي أصلا لسة بتواجهيه بغلطه فدة معناه انك لسة تحت تأثير ادمانه ولسة عندك امل يتناقش او يبرر غلطه بشكل منطقي او يحاول يحل معاكي المشكلة او حتى يعتذر ويقول لك مش حكررها تاني ، كل دة معناه انك مش فاهمة النرجسي ولو كنتي فاهماه فانتي لسة مدمناه ليه؟
لما بتواجهي النرجسي بغلطة وتزنقيه في كورنر مش حيعتذر ولا حيندم ولا حيقول لك حقك عليا الا في حالات نادرة ولأسباب خاصة اما العادي بتاع النرجسي هو انه يقلب عليكي الموقف بالكامل ويدخل لك من نقط ضعفك ويهاجم هجوم شرس بلا رحمة يعني لو عارفك بتخافي من الطلاق حيقول لك احنا كدة انتهينا وانتي ماتلزمينيش واحنا ماننفعش مع بعض وانا مبقتش عايزك ولو حتعيشي حتعيشي عشان اولادك وملكيش علاقة بيا وكل الكلام اللي كلكم عارفينه
ولو عارفك بتخافي من الفضايح حيقول لك انتي بتعاكسي الشباب وانتيب تبصي لفلان وانا حفضحك وانتي برضه مش لازماني .
غلطتك هنا في الأساس انك واجهتيه والغلطة الأكبر انك تخافي من كلامه وتطلبي منه انه يتكلم او يتناقش معاكي لانه في الحالة دي بيتمادى ويزود في الإساءة ويسمعك اللي ماتحبيش تسمعيه ، اذا غلطتي الغلطة الأولى ماتغلطيش التانية ابدا ، واجهتي وقال لك مش عايزك قولي له مع الف سلامة لم هدومك وروح عند مامتك واوعي تخرجي من بيتك ، لكن الحوار اللي بيحصل بينك وبينه انا عملت ايه عشان تقول لي مش عايزك انت الغلطان وكمان عامل زعلان طيب اقعد اتناقش معايا طيب قول لي انا عملت لك ايه اقعد قول لي انتي عملتي واحد اتنين ثلاثة وتنهاري وتبكي وتتحايلي ،انتي كدة خسرتي في الأول وفي الاخر وتعب أعصاب وحرقة دم وفي الاخر ياخد بعضه وينزل لاصحابه ويعيش حياته ويضحك ويهزر وانتي تقعدي تبكي وتنقهري ، طيب ليه من الأول ؟ ابدا ابدا ماتتناقشيش مع النرجسي لما يقول لك مش عايزك . ماينفعش حد يقول لك مش عايزك وانتي تحايليه وتقولي له مش عايزني ليه . مش عايزك يبقى مع السلامة ولا انت بترزق ولا انتيب تحيي وتميت ، يعني من جمال العيشة ولا من كتر الكرم ولا من حقوقك اللي بتاخديها بالمحايلة والذل دا اذا اخدتيها ، ليه بقى تذلي نفسك وتتحايلي على واحد بيقول لك مش عايزك وهو أصلا عيوب الدنيا كلها فيه وانتي بتراعي ربنا فيه وفي أولاده وعاملة اللي عليكي كله (على أساس انا بكلم الزوجة المظلومة المقهورة مش الزوجة النرجسية، عشان محدش يزعل بس ) ، ولما تواجهي بمصيبة يلبسها لك ويقول لك مش عايزك ، ليه تحايليه وليه تذلي نفسك لغير الله ، اذا انتي عارفة انك مش غلطانة ومتأكدة انك معملتيش حاجة تغضب ربنا يبقى لما يقول لك مش عايزك اوعي تتحايلي ببساطة قولي له اعمل اللي يريحك
طيب هو بيعمل كدة ليه؟ هو اتزنق والبني ادم لما بيتحط في وضع يحس فيه بالخطر بيهاجم بكل قوته بيهاجم دفاعا عن حياته دا البني ادم السوي ،النرجسي بيحس بالخطر دة لو حد عرف حقيقته فبيدافع عن نفسه بهجوم شرس لانه بيدافع عن حياته المزيفة وعن قناعه اللي مكنش عايزه يسقط دلوقتي وفي نفس الوقت هو عارف انه في مأزق وعشان يخرج منه يا اما يضطر يعتذر ويعترف بغلطه ودة موت بالنسبة له او انه يطلعك انتي الغلطانة فيرمي عليكي الاتهامات ويلهيكي في التهديد ويضربك في نقط ضعفك عشان يحول الكلام تماما عليكي وبدل ماهو اللي يعترف بغلطه ويعتذر انتي اللي بتلاقي نفسك بتبرري نفسك وبتبرري غلطات ماعملتيهاش أصلا . ماتقعيش أصلا في غلطة المواجهة وكبري دماغك لان ماينفعش تناقشي النرجسي أصلا
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية
6 сен 2024