لما هو الاطقم الغاليه بتقشر وبتبوظ حتى مع الحرص والمحافظه عليها وبيكون خطر جداا استعمالها بعد ما تقشر يبقى ليه نجبها من الاول ما نجيب الاستانلس والمونيا نظيف وخلاص انا متجوزه من 30 سنه ومعنديش الا طقم الالمونيا والله وعاش معى مع كل العزومات والمناسبات واستعمال يومى ليه كل الاختراعات دى وكله بيبص ويقارن وكل ده ضغط على اهل العروسه كبييير جدااا مع غلاء الاسعار وتنوع الاختراعات وتعدد الانواع كل يوم فيه جديد ولازم كله يتجاب والله حرام لازم نبطل العادات الغلط دى وكل واحد يجيب اللى هيحتاجه فعلا وبس خلينا نبداء بالتغيير ياجماعه وبلاش نمشى ورا القطيع وخلاص اللى موافق يعمل لايك
طبعا كلامك صحيح بس بنات اليومين دول بيبصو لبعض إلاّ من رحم ربي 🤚 انا بعرض في القناه الحاجات اللازمه يعني خير الامور الوسط علشان بردو بناتنا صحتهم على قدهم 😂😂مش لهم في الالمونيوم زي حالتنا وبردو مش نحسسهم انهم اقل من حد وبردو مش بنبص لحد👌بس منجبش الكميات المهوله اللي بنسمع عنها وشكرا لمشهدتك لقناتي زدني شرف والله
برده لازم تتطوري شوية الالومنيوم ضار جدا بالصحة وكل فترة دبري من مصروف البيت وهاتي حله استانلس فرداني وربنا يوسع علينا وعليكي وبالنسبة للعراءس كفاية طقم واحد قيم وصحي وبلاش النيش والبهرجة اللي فيه
ما شاء الله كلامك في محله انتي كدا بتنصحي ان نجيب كل اطقم الحلل دي كثير بردوا مع احترامي لكل ام بتجهز الاسعار دلوقتي نار ليه منجبش طقمين فقط ربنا يعين الناس علي الغلو وعلي الحياة الصعبة دي 🤲
اللهم صلي علي سيدنا محمد وعلي آله وصحبه أجمعين عدد ما في السموات والارض إلى يوم الدين والحمد لله والله اكبر ولا حول ولا قوة الا بالله العلي العظيم اللهم ارزقنا حسن الخاتمة اللهم امين يارب العالمين
نورتي القناه مقدرش احددلك تكلفه لان دي حسب الإمكانيات لو معاكي فلوس دلوقتي حاتي الاطقم الاساسيه للمطبخ وبعدين ادخلي على الفوط وحاجات النيش لو موجود نيش ام حاجه اهتمي بالاطقم النظيفه لان دي هي اساس المطبخ
حبيبتي حضرتك جميله ماشاءالله من فضلك أنا عندي ثلاثه بنات الكبيرة عندها 13 سنه وعايزه ابتدي اجهزه ممكن تنصحيني أجيب كام طاقم حلل وفي دلوقتي وهل دلوقت في عرائس بتجيب الاطقم الالمونيوم ولا لا من فضلك ردي علي ضروري أنا مش عرف ابتدي اجيب ايه شكرا لحضرتك جدااا
حبيبتي تسلميلي على زوقك وكلامك الجميل ربنا يبارك في بناتك ويفرحك بيهم اه يا حبيبتي هاتي طقم الالمونيوم مهم جدا ف الجهاز حتي لو عدد قليل بس هاتيه ايديه استنلس ولو بتسألي علي الاطقم المهمه كل اللي ف الفيديو مهم ،ولو حالتك الماديه عاليه ممكن تجيبي طقم سافلون كامل شامل الصواني والحلل والطاسات واهم طقم في الحاجات دي كلها تجيبي طقم استنلس نضيف ،لو فيه اي استفسار انا تحت امرك
@@OmSelim267 جزاك الله كل خير أنا بشكرك جدا يعني أول حاجة تنصحيني اجيبها هي حاجات المطبخ الأول ولا الطاقم المفروشات والفواط يارب يجعلوا في ميزان حسناتك يارب 🤲
@@جناامجنا-ط7ر بصي في حاجات في المفرشات مش بتيجي زيها ممكن مثلاً فوط نظيفه وتقيله هاتيها وعنيها مش بيحصل لها اي حاجه ولاكن بالعكس مش بتلاقي زيها خالص وبردو مش تجيبي الكميه كلها ممكن تركزي في حاجات للمطبخ تكون حاجات اساسيه متروح عليها انا مثلاً في حاجات جيباها لبنتي هي تقريباً اد بنتك والله خامات مش موجوده دلوقتي من فوط لكسات لكبايات كده يعني هاتي اللي تقدري عليه وفي الاخر لما تنقدي الحاجه حتقولي لنفسك انا جبت الحاجات دي أمتي والله الحاجه دلوقتي احسن مليون مره من الفلوس ده كلام أمي الله يرحمها ويغفر لها ولو حابه تعرفي حاجه ابعتيلي أنا تحت امرك
ايوا حضرتك انا عرفت إن النيوفلام في منه جيرانيت بس انا عن تجربه قبل ماينزل الجرانيت كنت مجربه السيراميك ومكنش ليا حظ فيه فكرهت النوعيه تماماً ممكن تقول اتعقدت منها حضرتك بتكلم علي استعمالي للحاجه ومرسي جدا لمدخلتك في قناتي المتواضعه واتمني تتابعني اتشرفت بحضرتك
سلام عليكم ورحمة الله وبركاته جزاك الله خيرا حبيبتى اولا ضرورى تلبسى جوانتى وفى نصيحة طقم الاستانليس القائم أحسن بكتير من البومبيه والاستانليس اكتر حاجة عملية على الاطلاق وتسلمى يا غالية
وعليكم السلام ورحمه الله وبركاته تسلمي يا قمر على كلامك بس والله عندي حساسيه شديده من الجوانتي بس احاول ألبسه فعلاً 👌 كلامك مظبوط في إن الحله العلبه أحلي بكتير من البومبيه بس ده كان طلب العروسه وشكرا لحضرتك ونورتي القناة
بصي يا حبيبتي جهاز العروسه ده حسب مقدرتك اللي تقدري عليه هاتيه مفيش اعداد معينه ممكن تجيبي طقم استنلس نضيف ده أساس 👌 وممكن تجيبي تقم تيفال اوجرانيت معاهربنا يرزقك بقولك انتي منين
والله يا قلبي انا من الشرقيه بس في اي مكان لازم حتلاقي محلات محترمه تقدري تشتري منه وبلاش تمشي علي رأي التاجر لانهم بيحولو يقنعو الزبون بالبضاعه اللي عندهم لازم تكوني عارفه إنتي عاوزه ايه علشان ميضحكش عليكي اتمني اكون فيدتك حبيبتي ولو عاوزه أي استفسار أنا تحت امرك واتمني تتبعيني في ڤيديوهات أكيد إن شاء الله تستفيدي منها
بصي بصراحه مشتغلتش فيه بس خليكي في بريفكت او زهران او لاينز او كوركوماز او زينوكس وأضعف حاجه وهي كويسه بردو وعلي قد الايد بونيرا كل الأصناف دي اشتغلت فيها يارب اكون عرفت افيدك حبيبتي
حبيبتي نورتيني بتعليقك بجد بصي يا عمري بنتك في سن بنتي تقريباً بلاش مفروشات خالص دلوقتي ممكن فوط انما عاوزه تبتدي هاتي الاطقم الأساسية للمطبخ زي الاستنلس ,الجرانيت ،الالمونيوم ،المفروشات اخر حاجه هي والملابس
ماشاء الله تبارك الله ربنا يبارك بنتك اد هاجر بنتي ربنا يعينك عليهم طبعا يا حبيبتي اتوكلي على الله استعيني بالله وابتدي بالاطقم بتاعه المطبخ علشان هي اهم حاجه وبتكون غاليه شويه هاتي الاستنلس الجرانيت او السافلون لو حبه حاتي الالمونيوم طقم بورسلين للرشاقه كده يعني وانا تحت امرك في اي استفسار
النيوكلاين مش بيتغش هتلاقيه مختوم عليه حفر على الحله من القاع التمن دلوقتي مش محدود كل ناجر بيبع بمزاجه علشان مفيش استقرار في الاسعار وهو نازل منه كذا موديل في من اللي انا عرضاه وفمنه غطاه بيركس وفي منه حلل عاديه يد منه فيه والغطا بالاكره لون الحله بس تقريبا في منه ب٥٠٠٠ واللي انا عرضاه ممكن ٧٥٠٠
بصي ياعمري مش أعرفه بصراحه بس إللي اقدر افيدك بيه اهم حاجه يكون محتوم عليه من القاع إنه 10/18 او304 لاني اكيد مش قدامي علشان افيدك ومش لازم يكون تركي علشان يكون نظيف في حاجات مصري ماشاء الله حلوه والتركي بردو ممتاز الف مبروووك يا قمر واتمني اكون فيدتك
دائما يا حبيبتي ربنا يذيدك من نعمه بصي يا قمر الجرانيت هاتي النيوكلاين او النيوفلام ده جرانيت وهديكي اختار تاني في الساڤلون ده حاجه تحفه دول احلي اطقم انما الاستنلس يا اما تجيبي كوركوماز او زهران الاتنين تحفه بجد في حاجه سعرها كويس وخامه حلوه اسمها بريفكت يارب اكون فيدتك😘😘😘😘 ربنا يفرحك بيها