ايه اللي بيخوف النرجسي ويسكته ؟ .... كوثر سند 

امتى الخوف يسكت النرجسي
سؤال احدى متابعات :ماسبب صمت النرجسي المفاجيء، هل شيء رعبه واخافه؟
ايه اللي يخوف النرجسي؟
النرجسي وخصوصا الخفي بيخاف من ايه ؟ بيخاف ينكشف ،طيب ايه اللي حيكشفه؟ غالبا لسانه قبل تصرفاته ، عشان كدة تلاقيه طبعا لسانه حلو وكلامه منمق ومترتب ، كمان تلاقيه لو قاعد مع ناس اقل منه فكريا وعلميا تلاقيه منفتح وبيتكلم كتير جدا ويقول ويعيد ونص معلوماته غلط او أفكار مسمومة او مش منطقية،واحيانا يكون مهرج بسخافة ، الا اذا كان نرجسي عقلاني دة الوحيد اللي ممكن يكون كلامه موزون ،المهم النرجسي لما يقعد مع حد اعلى منه فكريا وعقليا تلاقيه صامت مش بيتفرد زي ما بيتفرد مع اللي اقل منه ، ليه لانه بيحمي نفسه من الاحراج وانه يكشف هشاشته وتفاهته ادام الناس ، امتى كمان النرجسي يصمت ومايتكلمش لو حس بعدم الأمان تلاقيه يسكت ويراقب ويلاحظ ، واذا حس انه مهدد تلاقيه بقى مؤدب ويلم نفسه ، واذا خاف يفقد السيطرة بيصمت لانه ممكن اللي ادامه يوصل للتطاول عليه وبكدة خلاص مش حيعرف يسيطر تاني ، النرجسي كمان بيخاف يدخل في مناقشات وعتاب مع حد ابدا لانه مش بيواجه بيخاف من المواجهة حتى لو هو مش غلطان انما بيخاف من المواجهة ،ليه ؟ لان المواجهة غالبا بتخرج اللي جواه وبتكشف النفس الحقيقية بتعريها ، هو بيخاف لما يواجه اللي بيواجهه يوجه له نقد وهو مش حيقبل أي نقد فبيكون رده عنيف جدا وبالتالي بينكشف وفي الحالة دي عشان يغطي نفسه الحقيرة تاني بيلجأ لانه يصالح اللي غلط فيه دة ،ودة طبعا حيكون مجهود عشان يصالح ويعتذر ويراضي فبيقصر ويمنع المواجهة ، لكن مع ضحيته غصب عنه بيواجه وبيعمل غضب نرجسي (مواجهة غير صحية) وطبعا بيضطر يصالح لكن في الحالة دي بياخد وقود إيجابي وبيستمتع بلذة الصلح كمان ،
كمان النرجسي لما بيكون خايف من ضحيته او حاسس انها بقت اقوى منه وبدأت تخرج برة سيطرته بيعمل ايه ؟ بتلاقيه طول الوقت بيراقبها عينه عليها وممكن تبص له فجأة تلاقيه باصص لها وغالبا مش بيلحق يغير وضعية عينيه عشان يداري نفسه لانه بيكون في قمة التركيز ، الشيء الغريب انه مش مستفيد أي حاجة من تركيز النظر بالشكل دة لانه مهما ركز مش حيقرأ افكارها لكن للأسف هو غبي ، هو كل اللي بيستفيده انه بيحفظها اككتر وبيحاول طبعا يقرأ لغة جسدها وبيحاول يطلع منها أي تفسير للتغيير المفاجيء اللي حصل لها وخصوصا لو هي اتغيرت من الضعف والخضوع للقوة وبدأت تتجاهله ، يعني تلاقيه يبص على وشها يحاول يفهم هي مبسوطة ولا حزينة وهي حقيقي بقت قوية ولا بتمثل زيه ، حالات كتير جدا بتحكي عن مراقبة النرجسي المركزة اللي بتحصل بعد ماتتعافى وتبدأ تتجاهله او تلاعبه ، كمان النرجسي الخفي بالاخص اذا عرف يدخل عليكي وانتي نايمة ممكن يقف يراقبك بغيظ وغل مش طبيعي ، في حوارر مع صديقي النرجسي لما سألته عن سبب مراقبة الزوجة وهي نايمة قال سببين مفيش غيرهم ، اما حبا فيها (ودة طبعا مش حقيقي) واما انه متغاظ منها ونفسه يخنقها بس طبعا هو لايقدر ولا ينفع يعمل كدة . وطبعا النرجسي مش حيؤذي حد الا اذا كان سيكوباتي عشان الناس متخافيش هو اضعف واجبن من انه يعمل أي حاجة بس هو من ضمن أحلام اليقظة عنده انه يقدر يستغنى عن ضحيته ويقدر يعيش من وقود ومن غير حد يعتمد عليه في تقدير نفسه واحساسه بنفسه وهو خياله المريض بيخيل له ان هي اللي مسببة ضعفه وهشاشته لانه زي ما قلنا بيشوفها انعكاس لنفسه الحقيرة وبيتخيل انها لو كانت قوية كان هو كمان حيكون قوي ، اللاواعي عند النرجسي بيقول له كدة بلا منطقية ،
جروب ادرس عدوك النرجسي
/ kawthersanad11
صفحتي الخاصة للتواصل معي
/ kawthersanad1.wordpress
رابط حلقة السيرة
• السيرة النبوية الشريفة...