ازاي تستغلي نقاط ضعف النرجسي ؟
حلقة النهاردة حلقة شريرة
شوفي حلقة اكبر نقطة ضعف عن النرجسي للأسف اتفهمت غلط وواضح اني اسأت اختيار العنوان بس انا فعلا حبيت ان الكل يعرف النقطة دي ويفهمها لاني لو كنت خليت العنوان علاج الابن النرجسي (٢) مكنتوش حتدخلوا ولا تسمعوا ولا كنتوا حتعرفوا ان دي نقطة ضعفه ، لكن انا اول مابدأت الحلقة قلت ان دي حلقة من حلقات العلاج وقلت كمان اني بتكلم عنك لو انتي حتعالجي وقلت ان العلاج للابن اكتر ، المهم الفيديو دة اتعمل عشان أقول لك ازاي تستغلي نقطة الضعف دي لمصلحتك مش للعلاج : شوفي احنا قلنا كتير ان اللي يخوف النرجسي منك انه يشوفك قوية ومعاكي فلوس يعني مستقلة ماديا عنه ودايما أقول لك لازم تشتغلي عشان تقوي نفسك ، طيب هو ليه بيعمل كدة ليه بيخاف لو بقيتي قوية وليه مش بيسيب معاكي أي فلوس وليه بيقعدك من شغلك ؟ وليه بيقطعك عن الناس وبيوقع بينك وبين اهلك ؟ كل دة عشان ماتسيبيهوش ابدا ،طب ليه هو أصلا خايف انك تسيبيه لانه عنده إحساس بعدم الأمان وانا قلت لكم قبل كدة ان بعض النرجسيين بيقولوا لزوجاتهم انا عارف ان محدش بيحبني ومفيش صديق بيستمر معايا ، واللي قال لها انا عارف اني ماستحقش اتحب ماهي كل دي جمل بتقول انا مش حاسس بالأمان ، طيب لما يكون النرجسي مستغل واصلا بيحاول يحسسك انتي كمان بعدم الأمان ودا غير انك لو انتي شخصية اعتمادية فانتي أصلا حاسة بعدم الأمان انتي كمان ، يبقي قبل ما نبدأ نتلاعب بيه لازم الأول تقتلي الخوف اللي جواكي من هجره لكي واللي بيولد عندك الإحساس بعدم الأمان ، وبعدين لو انتي تخلصتي تماما من الخوف دة حتقدري تكوني قوية وتقدري تفهمي انك مش حتموتي لو سابك ولا حتموتي لو اتجوز عليكي وان دة خوف وهمي في دماغك وان لو انتي اجتهدتي ربنا حيساعدك وهنا بس حتقدري تستغلي نقطة ضعفه دي ازاي انك لما يقول لك حسيبك قولي يلا حالا ، لما يضربك تطلبي الطلاق فورا ولما يسيء الادب تفهميه انك مينفعش تقبلي دة وان الحياة مستحيل تستقيم بالشكل دة ، اعملي زي ماكان بيعمل معاكي ، كان فيه حالة كان النرجسي طول الوقت في اول جوازها يقول لها انتي لاتصلحي ، انتي لاتصلحي كزوجة مفيش فايدة ، مفيش امل ، شوفي اللؤم هو مش بيقول لها حسيبك ،ولا بيجيب سيرة الطلاق لكن بيزرع جواها ان هي لاتستحق العيشة معاه وبعدين بدأ يصعد وكل ماتعترض على أي شيء او تطلب شيء مش على كيفه يقول لها لا واللي عندك اعمليه ، او حتعملي اللي انا عايزه ولو معملتيهوش انتي حرة ، يعني تهديد مقنع او متخفي بالترك ، كل دة هو بيلعب على نقطة احساسها بعدم الأمان وفي نفس الوقت كان بيديها جرعات حنان فتات الخبز ، عشان تعرف قيمته ، وهو دة اللي انا عايزاكي تعمليه لما يكون النرجسي خبيث ومن النوع دة ، مش كل النرجسيين يعني ، انتي بقى تعملي زيه يعني لما يطلب منك حاجة مش من حقه تقولي لا ودة اللي عندي، او اللي عندك اعمله ، انت مفيش امل تتغير ، انا تعبت من الحياة معاك ، اكيد حيرد عليكي رد مستفز وممكن يقول لك امشي عشان كدة قلت لك في اول الحلقة لازم تكوني عندك مصدر رزق عشان تقدري تستغلي النقطة دي كويس ، هو أصلا النرجسي جبان جدا داخليا لكن منقدرش نعمم دة عليهم كلهم لان بعضهم بيكون نرجسي سيكوباتي يعني قلبه ميت ، في الحالة دي متضمنيش ردود افعاله عشان كدة دايما بقول كل واحدة تطبق كلامي على حسب زوجها وهي اللي بتكون عارفة ردود افعاله شكلها ايه ، طيب ممكن تستغلي النقطة دي بلؤم اكتر ، ازاي يعني مثلا في وسط الكلام تفهميه انك مش راضية عن تصرف معين هو بيعمله وان التصرف دة محدش يتحمله وانك أحيانا تسألي نفسك انتي ازاي بتستحملي التصرف دة ، وممكن في قعدة ضحك وتهريج بينك وبينه تقولي له انا مش عارفة انا لسة عايشة معاك لحد دلوقتي ازاي ، انا خسارة في البلد دي ، انا أصلا مفيش حد زيي ، انت لو لفيت العالم مش حتلاقي زيي ، الكلام دة يتقال في لحظات الصفا لو زوجك نرجسي خبيث لان لحظات الصفا دي هو بيكون عايز منك حاجة فحيبلع أي حاجة تقوليها ومش حيعلق عليها وفي نفس الوقت حيفكر في اللي قلتي كويس لان النرجسي مش بيفوت الهوا لو سمع صوصوة عصفور حيحاول يفسر هو قاصد ايه ، فالكلام دة لما تقوليه هو حيفهم اللي وراه وحيبدأ يقلق ويخاف من مجرد احساسك بنفسك وخدي بالك ان ممكن بعد ماياخد منك اللي هو عايزه بفترة مش طويلة، حيقول لك جملة تحقير عشان يحاول يهدم احساسك بنفسك دة .
ارجوا انكم تكونوا فهمتوا ان الموضوع مفهوش تناقض ولا حاجة لكن كل الحكاية ان لكل مقام مقال وكل حالة ولها كلام ولو انتي بتعالجي حتقبلي حاجات كتير انا بقول لك في الحياة العادية اوعي تقبليها ، وبكرر تاني مينفعش تعالجي لوحدك من غير ماتكوني متابعة مع طبيب او اذا انتي دارسة علم نفس والاحسن انك ماتعالجيش غير اولادك وانا قلت كدة في اول حلقة في العلاج
بس على فكرة فيه حالة علقت على الفيديو وقالت ان زوجها نرجسي خفيف وانها كانت بتحسسه بالأمان عشان تاخد منه اللي هي عايزاه وكان بيجيب نتيجة وبصراحة دي فكرة هايلة برضه وممكن تجربها زوجات النرجسي خفيف النرجسية بس وبحذر لان فعلا الطبيعي انه لو حس انه ضامنك حيزيد في الاعتداء والاستغلال ويصعد في إساءة الادب
جروب ادرس عدوك النرجسي
/ kawthersanad11
صفحتي الخاصة للتواصل معي
/ kawthersanad1.wordpress
رابط حلقة السيرة
• السيرة النبوية الشريفة...
16 июл 2024
