#بتحكي_في_إيه 

❤️❤️❤️

يسلملي قلبك و ذوقك ❤️❤️

أه سعيدة

أسفة جدا معنديش أي مشاهد للكابل ده لاني متابعتش المسلسل تبعهم

اسم المسلسل ( الغراب ) و باللغة التركية kuzgun

أه الجزء الثاني ، كل الاحداث بعد ما ديلا أطلقت النار علي نفسها بتكون في الجزء الثاني

@@SheryTurkishArt شكرا

عفوا حبيبتي ❤️

لا ده جزء الاول

لا حضرتك السؤال علي مشهد بداية الغنوة و ده مشهد من الموسم الثاني بعد ما ديلا حاولت الانتحار و طبعا باقي الغنوة فيها من الموسم الاول و الثاني ... أنا مصممة الڤيديوهات علي قناتي .

يسلملي قلبك ❤️ ديلا انتحرت لأسباب كتير كلها بتدور حول كوزجون ... ✨اولا الظلام ابتدي داخل روح ديلا من وقت ما ابوها و هي طفلة خلاها تحط ل ابو كوزجون في غرفته مبلغ كبير يؤكد تعاطي ابو كوزجون رشوة و دي كانت للأسف لعبة من ابو ديلا لتوريط صديق عمره في قضية لإرضاء عصابة من المجرمين هيبان بعد كده في نهاية الحلقات أن رئيس عصابة المجرمين دول هو جد كوزجون و أنه كان قاصد باللعبة دي أن ابنة إللي اتمرد عليه و ترك العصابة و اصبح شرطي شريف و محترم يرجع تاني يحتاج ل قوة أبوه المجرم . ✨ ديلا مفهمتش اللعبة دي غير لما كبرت شوية و فضل جواها عقدة ذنب خصوصا انها دورت علي كوزجون في كل مكان و لم تجده و كلما كبرت ديلا كبر جواها حبها و شوقها ل كوزجون لحد ما اتقابلوا و هنا هنلاقي الظلام الثاني ل روحها في إنكار كوزجون ل حبها و كمان رغبته في الانتقام من ابوها اللي هيه بتحبه بشكل كبير ... ✨ السبب الثالث لظلام روح ديلا هو أنهم همه الاتنين ابوها و كوزجون قطعوها بينهم في محاولتها المستمرة ل حماية كل واحد فيهم من الثاني علي حساب نفسها ... حاولت تحافظ علي ابوها و حبيبها و وقت ما ابوها مات و تصورت أن كوزجون هو اللي رتب موت ابوها بالشغل الغبي ده حست أد إيه كوزجون روحه أصبحت مظلمة و مش شايف حد جنب انتقامه ، الراجل الوحيد اللي حبته في حياتها قتل ابوها و برغم كدة مقدرتش تكرهه و لا حتي تنتقم منه بأنها تسلمه للشرطة كفرد من العصابه الكبيرة اللي الشرطة بتجمع أفرادها ... ✨ مقدرتش تتخلي عن حبها ليه برغم كل شيئ لكن كان اهون عليها تتخلي عن روحها و هي متأكدة أن ده هيرحمها من عذابها في حب قاتل ابوها و في نفس الوقت هيبقي اكبر انتقام من كوزجون لأنها برغم كل شيئ كانت عارفة أنه بيحبها . ✨ بالنسبة للموسم الثاني فهي فعلا كانت هتتجوز غيره عشان بتحبه و عايزة تحميه من دخول السجن لأن الراجل اللي أنقذها لما انتحرت ده كان معاه دليل أن كوزجون قتل جده بالصوت و الصورة و معاه سلاح الجريمة كمان و هو ده الراجل اللي كانت هتتجوزه ✨ديلا فعلا كل شيئ عملته كان الدافع ليه حبها الكبير ل كوزجون اللي فضل سبب عذابها من و هي صغيرة و لحد آخر حلقة لحد ما الأمور وضحت و قدرت تسامح نفسها و تسامحه و تنقذه كمان .

​​@@SheryTurkishArt شكراً لحضرتك عالرد و فعلاً كانت باينة غيرة ديلا الكبيرة من أخت فيرمان اللي كانت بتحب كوزجون. بس في سؤالين عندي: السؤال الأول، في الفيديو ديلا هربت من خطوبتها و راحت مع كوزجون و قالت له في الأول كلام حلو و بعدين قلبت عليه و فكرته باللي عمله فيها و قالت له إنها مش عايزاه، هي كانت هنا غضبانة و مجروحة منه فعملت كده ولا كانت بتبعده عن طريق فيرمان و عايزاه يسيب طريق الإجرام و يبطل يمسك سلاح عشان خايفة عليه؟ السؤال الثاني، في الجزء الأول لما كوزجون أجبرها إنها تتجوزه بدل ما بيهرام يقتلهم قالت له إنها تفضل الموت علي الجواز منه بس بعد كده قبلت إنها تتجوزه بعد ما إتفقت مع محققة الشرطة علي كده و قالت لكوزجون إنها إتجوزته عشان تبقي نهايته علي إيديها بس بعدها زارت أبوها في السجن و قالت له إنها ما اتجوزتش كوزجون غصب و لكن إتجوزته عشان بتحبه و عشان تنهي العداء اللي بين العائلتين و قالت برضه لأخوها و لبورا إنها إتجوزته عشان بتحبه، هي صادقة في أنهي كلام فيهم؟ هي إتجوزته عشان تسلمه للشرطة ولا عشان فعلاً بتحبه؟ بصراحة دوافع ديلا لخبطتني 😀 بس ممكن عشان ما شفتش المسلسل كامل.

عفوا حبيبتي ، علي راحتك أهلا بيكي ديما ، هو فعلا لغبطتك عشان مشوفتيش المسلسل كامل ... ✨بالنسبة للسؤال الاول مشهد بداية الڤيديو ... ديلا مهربتش مع كوزجون ، اللي حصل أن كوزجون فضل يدور عليها طول سنة كاملة لحد ما لقاها و هو اللي أصر عليها عشان تخرج معاه من بيت فيرمان ، و ديلا لما راحوا الكوخ و حضنتة و قالتله وحشتني كان صادقة جدا لكن افتكرت أن وجودها مع كوزجون معناه أنه هيتحبس ف راحت قلبت الاسطوانة عشان يفقد الأمل فيها و عشان تقضي علي حبه ليها خرجت أمامه مع فيرمان و ركبت معاه .... كله لنفس السبب حمايه كوزجون ... لكن ده ميمنعش أبدا إنها كمان منسيتش قسوته معاها و لا نسيت اسباب انتحارها لكن بردو حبها لكوزجون اقوي و اكبر ✨بالنسبة للسؤال الثاني ، في الموسم الاول لما كوزجون اتسبب في حبس ابوها و فضل طول الوقت ينكر حبها و يجرحها بكلامه فعلا قررت تساعد الشرطة عشان تحبسه و تنقذ ابوها لكن بردو مقدرتش لنفس السبب اللي خلاها تكره حياتها و تنتحر أن حبها ل كوزجون اكبر من غضبها منه ، مقدرتش تكرهه ف كرهت نفسها من كتر ما بتحبه ... المشهد إللي قالتله فيه ( انت ستتمني أن أحبك و لو قليلا و لكني سأفضل الموت علي أن أحبك ) كانت وقتها حقيقية جدا و موجوعة جدا جدا لدرجة أنها تتخلي عن حياتها فعلا . و المشهد إللي حلمت فيه ديلا أن كوزجون في غرفتها في الموسم الثاني لما كانت في بيت فيرمان ، كلام كوزجون ليها في الحلم ده هو كلام عقلها الباطن ، في الحلم قالت ل كوزجون ( أنا لا أريدك ) و رد عليها في الحلم ( قلبك يريدني ، و ينبض لي بالرغم منك ، بالرغم من اخطائي و ندمي ) لاحظي هنا رد كوزجون ده اللي بيدور في عقلها الباطن ، حبها لكوزجون برغم كل شيئ و رغبتها في حمايته مرة من ابوها و مرة من الشرطة و اخر مرة من فيرمان ... دي بلاي ليست تصميماتي ل ديلا و كوزجون : ru-vid.com/group/PLHgRvVwCCl2ffIDNiXOxXQMYQgaDGWxl1&si=LI2UcWESqq5A9jnk

​​@@SheryTurkishArt شكراً جداً علي ردك و كده الصورة وضحت أكتر و اللي فهمته إنها في الجزء الأول لما زارت أبوها في السجن و قالت له إنها إتجوزت كوزجون عن حب مش غصب زي ما قالت برضه لبورا و لعيلتها كانت فعلاً بتتكلم بجد و إنها بتحبه حقيقي. زي ما قرأت المسلسل شكله مختلف عن باقي المسلسلات التركية و إن شاء الله أكمله و أكيد هتفرج علي ال playlist لتصميماتك. بالتوفيق ليكي.

مشاهدة ممتعة ❤️

أنا برحب بكل الآراء و رأيك يحترم أكيد بس حضرتك بتقوليه في المكان الغلط لأن القناة هنا كلها تصميماتي المكونة من اغاني مع مشاهد تعبر عن أفكاري و احساسي بكلمات و لحن الغنوة ، فأنا أعطي الحياة للغنوة ب قصة و ابطال حسب احساسي ليخرج في النهاية هذا العمل الذي يعشقه الكثيرين و يؤثر فيهم بشكل كبير ... قد تكونين من الأشخاص الذين لا يفهمون هذا النوع من الفن و هذا ليس عيبا ، نحن بطبيعتنا مختلفين ... لذلك يمكنك رؤية المشاهد العادية للمسلسل بشكل طبيعي علي قناة المسلسل الموجودة هنا علي اليوتيوب ... مشاهدة ممتعة .