القصة تاع أميرة غادي تعاونك باش تعاودي ترتبي أفكارك، توريلك من وين تبدي لأنو علابالي راه في راسك ميتين الف حاجة بصح ماعلابالكش شاديري !! ماتنسيش تخلي لايك للفيديو و تعليق باش تدعموني و نزيد نقلشكم بمحتوى كيما هاك 🙆🏻♀️💜
انا راني في شهر من لي لدا صيف نتبع قناتك بزاف فادتني و بفضلك و بفضل لله عز وجل راني نغير في حياتي احسن حمدلله وليت نحفظ قرآن بدلت محتوى بروفيل نتاعي في انستغرام حمدالله ❤ربي يوفقك انشاءلله تقدمي افضل ❤
بارك الله فيك اختي اولا الفضل يرجع الى الله ثم الى العبد لانقدم فضل العبد على الله فنقول( بفضل فلان وبفضل ربي ) ولا نساوي بين الله وعبده فنقول( بفضل الله وبفضل فلان ) خطأ ..
ايضا غيري صورة العرض الخاصة بك( بروفايل) لانها صورة لذات روح ولا يجوز تصوير ذوات الارواح( انسان حيوان) ولا نشرها .. وهذا بينته سنة رسول الله صلى الله عليه وسلم فقد قال:( كل مصور في النار) ( الصورة الرأس فإن قطع الراس فلا صورة ) يعني اذا لم يكن هنالك رأس لا تاخذ الصورة حكم التحريم غيريها الى صور طبيعة مثلا
حبيبتي تبعدي عن الاكتئاب نهار تولي الطريق ربي سبحانه توليلك الروح والله و الحياة تجارب والانسان فضولي والله عن تجربة انا كي كنت بعيدة على ربي دخلت في اكتئاب حاد ولكن بلشوية عملت روتين حياة جديدة ونحاول اني نستمر فيه ربي يوفقك اختي وننصك نصيحة تمنيت لو واحد نصحالي هي البعد عن المحرمات وتفاهات لأنو اي حاجة نشوفها تبعيها تنعكس على اخلاقك وحياتك❤
نصائح للعناية بالبشرة : أ إذا عندك مناطق سوداء في أي منطقة خاصة اليد ننصحكم بكريم(ميلانوفري)مفيد ورائع جدا عن تجربة وشوفوا طريقة الاستعمال في يوتيوب مرطب تصنعيه فالبيت ورائع:زبدة زيت زيتون وماء الورد خلطوهم مليح وستعملوهم لتسكين المناطق الأنثوية:كريم مرطب وخميرة الحلوى كثير منها وزيت الحلبة خلطيهم ودهنيهم على المنطقة ومتغسليش عادي ديري كل يوم وشوفي النتيجة (بعدي على لوجه ) طالبة فقط دعوة خير❤❤
راني كل يوم الصباح ندخل لاشان تاعك نشوف كش فيديو جديد 😊 مع أني متابعة جديدة بصح فيديوهاتك نحسهم جاو ليا بالتحديد سورتو فيديو اليوم ❤ ربي يوفقك عزيزتي❤❤
اللهم صلِّ وسلم وبارك على نبينا محمد والله اني من وقت ما تابعت صفحتك تغيرت نظرتي بزاااف و اكثر حاجة تعجبني فيك هي التربية و اخلاقك ❤ ما شاء الله ربي يفرحك و ينور حياتك كما فرحتينا و نورتينا
@@DadoDado-ux1bn ممكن نتي معندكش ارادة تبالك هك انا عن نفسي راني باديا نطبق في حاجات ذكرتهم بشوي بشوي و راني نشوف في تحسن في نفسيتي و حياتي سما التطبيق يبقى عليك انت و عزيمتك و ارادتك متستنايش ناس تجي تحكمك من يدك و تقولك طبقي لازم قلبك يكون حار باه توصلي هذي هيا الحياة و ربي يقدرنا و يوفقنا
@@DadoDado-ux1bn ربي يقدرك و يقويك يارب حاولي ابداي اول حاجة بنهوض لصلاة لفجر و ابقاي من لفجر و ليل رقدي بكري من بعد هذي الخطوة راح تحكمي روحك و تعرفي كيفاه تبداي تتغيري صح هو تخطيط صعيب
@@ManelDjeb أنا ومن عمري 20عام بصلي الفجر والان عمري 51 وكان هدفي اني أتزوج وانشأ أسرة تعيش سعيدة وأقتدي بنبي وحبيبي رسول الله صلى الله عليه و سلم دائما دوام ملك وللاسف لم يتحقق حلمي انقطع الطمث مرضت هل لي دخل في ذلك
اللهم صل على محمد وعلى آل محمد كما صليت على إبراهيم وعلى آل إبراهيم في العالمين إنك أنت الحميد المجيد. اللهم بارك على محمد وعلى آل محمد كما باركت على إبراهيم وعلى آل إبراهيم في العالمين إنك أنت الحميد المجيد.
سوسو اهدريلنا على كي تكوني حايرة واش ديري ولا واش تقراي، سورتو مع انعدام الشغف الي عندنا،، انا معاودة الباك مع العام هاذا مرتين، و ني شاكة بلي مافيهاش العام هاذا ثاني و مام اذا جبتو نجيبو تاع ،، ع الشعرة،، واذا جبتو نجيبو على جال والديا ولا مستقبلا نحتاج شهادة تاع الباك،، و فوق هاذا ماهيش مقنعتني قرايا تاع الجامعة ابدا،، خممت نتعلم القاطو و نحل بروجي مي انا لا علاقة مع الكوزينة و القاكو لازملك النفحة تاعو ابار سا مارحش تتقنيه، لخياطة ثاني خممت مي عندي بروبلام تاع تفصال قد ما حاولت ماما تفهمهولي ماحبش يدخل لراسي😂😂، خممت ندخل معهد في كاش حاجة مي معلاباليش واش مدير تالمو عيت كرهت لقرايا ماني قادرة ندير وااو،، حبيت ندير حوايج تاع كوافور 💅💇♀️ مالقري خاطيني لاعلاقة مع التجميل ماني انتيريسي نضال نماكيي و نتهلا في روحي ما عندي نفحة باه نتعلمو، مي كومام كنت دايراتو في راسي مي كي قالولي حرام ،، الواضلة و المستوصلة، و بلي كي تماكيي لكاش وحدة و تخرج بيه نتي تدي الاثم و منا،، وليت نحيتو من راسي،، خرجولي في الفايسبوك دورات طبية كيما مساعد جراح مساعد صيدلي حبير اسعافات اولية و من ذول لحوايج، و زعما شهادة معتمدة و بعد ما تقراي رح تكوني في تربص و من ذي لحكايات ، مي ثاني انا هربت من الشعب العلمية بيسك ماعنديش معاهم و مانيش قادرة نقرا اصلا نحس مخي حبس ما يقدر يستوعب ما يقدر يركز،، كاين دورات ولا معاهد تاع اعلام الالي مي الاعلام الالي مادة كنت نكرها تالمو مانفهم فيها والو و فوق هاذا مانديش فيها مليح، فيعني ما قدرتش نيماجيني روحي نقرا اعلام الي،، تقدري تقولي الحاجة الي تجي في راسي و نقول بالاك نديرها نلقا روحي نفشل و نقول لا، ولا والديا يهبطولي المورال، ولا تروحلي النفحة مره،، شغل ني حايرة وش ندير مي في نفس الوقت ماني قادرة ندير والو، ماعنديش ذاك الشغف الي يخليني نكون مندفعة ولا نحط هدف في راسي، و خاصة كي عدت رح نقرا بالدراهم مانيش حابة نحط دراهمي في بلاصة مع لخر نلقا روحي كيما دخلت كيما خرجت، و زيد والديا مزيرين،، يعني مام و اذا لقيت كاش حاجة نديرها كابابل والديا يرفضو الفكرة و يصعبوها عليا، مع حنا ممنوع تخرجي تخدمي بلا ديبلوم ، يقلك كي في دار ماكلة شاربة ماعندو ما يخصك ما عندك ما ديري بالدورو تاع برا مي في نفس الوقت اذا دومونديتي دراهم يحاسبوك و يقولولك علاه و اذا قتليهم يعصبوها عليك و و و ..،، مام الزواج مانيش واجدة باه نتزوج مورالمون مانيش واجدة، ماقدرتش نيماجيني روحي متزوجة، و فوق هاذا مانعرف ندير والو، قالتهاش جدة لخلى و الخربة😂😂،، مام كي نجي ندعي نثول لاعودش ربي يسهلها عليا انا غي نخلص نهز يديا عقلي يولي فارغ نجي نخمم في كاش حاجة ما نقدرش و فوق هاذا ما نعرفش، نولي نتخنق و نهز السجادة،، منين ذاك نحس روحي زيادة 😂😂لا هدف لا شغف لا نفحة لا والو، ماني شاطرة في الدار هاذا ميناج و هاذا طياب و هاذي ظرافة و هاذي قفازة باه نتزوج، ماعندي طاقة ندير والو، راني غير التعب، و شغل ضايعة معلاباليش وين راني ولا واش خصني ندير، كل يوم نوض نقول بالاك اليوم تبان، بالاك ليوم نلقا اجابة للاسئلة تاوعي مي والو، يوم واحد و قعد يتعاود،، ديريلنا حلقة تهدري فيها على حاجة هكذا ما تدريش بالاك تقدري تعاونينا حنا الي حالتنا هكذا، و نشالله ما نكونش وحدي برك😂😂، بيسك الا عدت وحدي نحس هكذا غير نروح ننقرض بيسك ما عندي حتى فايدة😂😂
اي حاجة تقولها عندها الحق منين تعبتها ودخلت لاصال وتبعتها واش كاينة تاكل و ليت ناكل اكل صحي ووليت ندير زيت زيتون مي المالكة وصح درت لخدود كما قالك في واحد الفيديو المهم افضل قناة وبربي نبدل كلش فيا
ميس سوسو من فضلك عندي سؤال ليك .. دك انا عندي فكرة تع محتوى قصير تع ريلزات و شورتس و هكا .. بصح اني محتارة اذا ننشرو فقناتي و لا فالانستا ..و اني حابة نحط فيهم بين زوج محتوى بصح مانيش حابة يكون مكرر .. مثلا اذا طبقت فكرة فالانستا مادابيا تكون مختلفة عاليوتيوب .. عندك اي اقتراحات ؟ 🥲 محتواي يشبهلك كن جيتي بلاصتي وش تديري
احبك في الله قناتك ما شاء الله مؤثرة حقيقية نتمنالك مزيد من النجاح والتوفيق انا عندي موهبة صنع الحلويات وتزيينها وكدلك لي ثارث ولكن ملقيتش كفاه نبدا نخدم على روحي تخرجت ومخدمتش وبحكم اني خدمت اسبوعين استخلاف منديش تع البطالة يعني بقالي امل نخدم الحلويات وملقيتش كفاه نبدا وانا تاني حقيقة ضعيفة في استعمال مواقع التواصل يعني عندي غير يوتيوب نتفرج فيه انصحوني رجاءا
انا مشكلتي انو نلتزم ايامات نلوي ندون يومياتي نقرى كتاب نتبع نظام صحي نبدا سبور مبنبعد تضيقلي خاطري ونكره ونطلق كلش ونولي لل0 والله عييت من هذي حاجة راني في عامين وانا هكذا نحكم ونعاود نطلق والله كرهت من روحي😥
انا ثان وليت نعاني من هذا المشكل و لكن لقيت عفايس يعانوا نوعا ما القاعدة الأولى تقولك اذا عندك عفسة ديريها في دقيقتين ولا اقل ديريها مباشرة و ما تخميش بزاف و تهني منها مثلا على سبيل المثال تشربي كاس ماء كل ما يرن المنبه ، تغسلي وجهك او اي جزء من روتينك مع بشرتك او شعرك ، تعمري القرعة بالماء و تلبسي حوايجك تع السبور ، هي برك دقيقتين بصح عقلك كي يشوفك بديتي و لبستي و وجدتي روحك يصعاب عليه يرجع للور بإذن الله 💗..! حاولي ايضا تكوني منطقية ، ماشي بالسيف تبداي بكتاب 300 صفحة ولا ديري سبور كل يوم لمدة ساعة ! القليل المستمر احسن بمليار مرة من الكثير المتقطع ، ابداي بالكتب القصيرة خلاص او حتى الملخصات تع الكتب راهم كاينين صفحات قنوات و حتى تطبيقات على هذا الشي ، و خيري محتوى يعجبك بأسلوب ممتع ساهل ما يغبنكش خلاص ، الرياضة ربع ساعة يومياً او حتى 10 دقائق في البداية كافية و وافية تربي بيها نظام حياة جديد خصوصا مع النصيحة الاولى ، ماشي شرط ثان تقراي لغة او تتعلمي البرمجة مثلا في ساعتين ، خمس دقائق يومياً كل يوم قبل النوم على اي تطبيق و تولي ما شاء الله اعتمدي على طريقة قائمة المهام ، و ننصحك تستعملي تطبيق "نوتس كيب قوقل" ، ديري بيه كلشي تدوين، ملاحظات ، قوائم المهام و تربطيه مع ايمايلك و حاجة ما تتودرلك ان شاء الله، وشنو نصيحتي ليك هي انو ما تعمريش قائمة مهامك حتى تطرطق 😂 ! ابداي بزوج مهام يجيك التطبيق تاعهم متوسط الصعوبة ولا حتى وحدة ، و كافحي باه ديريهم قبل نهاية اليوم و نحيهم من القائمة ، و في الاخير كافئي نفسك بأي حاجة تحبيها على الانجاز ( لأنو صح محاربة التسويف انجاز حقيقي ) ، و كملي هكذا كل يوم مع نفس المهام حتى خلاص توالفي و يولوا يجوك ساهلين و ما يتعبوكش اطلاقا ، هنا زيدي مهمة جديدة مع المهمتين المألوفتين (تسما يولوا 3 مهام ) ، بيسك المهمتين اللوالا يجوك ساهلين تبقالك غير الثالثة تكافحي معاها ، و هكذا دواليك حتى تولي منجزة ، و ما يهمكش الوقت اللي تستغرقيه حتى تتأقلمي مع القائمة الجديدة غير شوية بالشوية و ما تنسايش المكافأة و ايضا قُصر الزمن ( 10 دقائق او ربع ساعة للمهات كيما المطالعة كيما تفاهمنا) ممكن أيضا كي تكملي مع القائمة النهائية للروتين و توالفيها و تحبيها تزيدي تعقديها غير بالشوية في بلاصة ما تزيدي مهام جدد ، مثلا الرياضة الا كانت 10 دقائق خليها ربع ساعة ، كي توالفي خليها 20 دقيقة ، ممبعد روحي لكاش مهارة صعبيها غير بالشوية ، و غير بالعقل حتى تولي كل يوم نسخة افضل من الامس و نصيحة اخرى ، ما تعمريش راسك بالاعداد و خطيك من هذيك تع نقرا 4 كتب في الشهر و لازم نتعلم كاش لغة على الساعة 7 كل يوم الخ ، اقراي برك مهما كان العدد ، ما يهمناش الكمية قد ما تهمنا النوعية و تبني عادة جديدة ، و كذلك جدول التوقيت ما راكيش روبو! كل يوم و بركتو المهم تكملي المهمة عاجلا ام آجلا ربي يوفقك 💗
سلام عليكم شيرات معليش تمدولي نصائح ولا لي مرت بتجربة كيف تاعي، بون انا عندي مرض لي هو سحر وتاني عندي باك مي راها تالفتلي ڨاع شندير وعييت بزاف من مرض معليش تنصحوني