بستان الاشتراكية - حفل نادر في نادي ضباط القوات المسلحة بمناسبة تحويل مجرى نهر النيل يوم 18 يونيه 1964
غناء / عبد الحليم حافظ
كلمات / صلاح جاهين
الحان / محمد الموجي
توزيع / علي اسماعيل
من تسجيلات الاستاذ محمد شرع
مع تحياتي مفيد عوض
****************
كلمات الاغنية :
.افتح افتح افتح
اقفــل . . حــول . .
نقعــد نرتــاح ؟ . .
لأ ، ح نكمــــل ،
ده السد العالى ، شهل ..
- علـى راس بستـــان الاشتـراكيــة ،
واقفيـــن بنهنـــدز ع الميـــــه ،
أمـة أبطــال ، عُلمـــا ، وعمـــال ،
ومعـــانـــا جـــمــــــال :
بنغنــى غنـــوة فـرايحيـــــه ..
ننده كلنا ، ندهة فلاح لاخواته ، ساعة الرى .
حاكم ارضنا ملكنا كلنا م السـد العالى وجى .
ننــده كلنـا نــدهــة قويـــــة .
افتــــــح … افتــــــح … افتــــــح …
- افتح، على حوض الورد، ابو تمانين مليون شجرايه
الورد العربـى ، ورد السهـل ، وورد الصحرايـه ..
أهو كده ، وافتح صفحة ما تشبـع فيها الدنيـا قرايـه
يا فاتح فى الصخر ده للجيل ، ويا النيـل ، مجرايـه ..
افتح افتح … حول حول .. اقفل اقفل ...
- اقفل ع الحيـره السيـره وهـات شربـات للكل .
واقفل عينـك ، وافتحهـا ، تـلاقـى الشـوك بقى فل ..
وزهور ليمـون ، صابحـه ف يافا بتضحـك وتطـل .
تقول : افتح صندوق العيــد ، وادى الحلــوة مرايـه
علـى راس بستـــان الاشتـراكيــة ،
واقفيـــن بنهنـــدز ع الميـــــه ،
أمـة أبطــال ، عُلمـــا ، وعمـــال ،
ومعـــانـــا جـــمــــــال :
بنغنــى غنـــوة فـرايحيـــــه ..
" يا حلــم ، يا حلــم ، يابو الليــل ، يا متزوق .
ليلـك سهـرنــاه ، ونـورنـــاه .. بالمبـــدأ ،
فيه نـاس تقـول فى الصبـاح : حلمنـا والله خيـر .
واحنـا ، الصبــاح ييجى يلاقـى الحلــم متحقـق ..
- حــول … حول .. حول .. حول
حول ياريس حول .. حول ياريس حول
- حـول ، وافرش منديلك لاخضــر ، ع الرملــه ،
حولها جــداول ، ومعامــل ، وحيــاه كاملــه ،
حولنا ، وطـولنـا أملنــا بإيـدنـا العاملــــه ..
يامحول مجرى النيل حول على فوق للقمرايه
حول علـى فوق ، زى السـد ما طالـع على فـوق ،
الخيـر بيجيب الخيــر ، والفرحـه دى كانت شوق ..
الشعـب العربى رمـى قيـوده ، وخـرج م الطـوق ،
طالـع ، طالـع للقمـه ، وبيـزرع فيهـا الرايــه ،
نادوا ورايــا .. نادوا ورايــا .. نادوا ورايــا ..
علـى راس بستـــان الاشتـراكيــة ،
واقفيـــن بنهنـــدز ع الميـــــه ،
أمـة أبطــال ، عُلمـــا ، وعمـــال ،
ومعـــانـــا جـــمــــــال :
بنغنــى غنـــوة فـرايحيـــــه ..
نقعـد نرتــاح ؟ . .
لأ ، ح نكمـــل ! . .
ح نكمـــــل ! .
5 сен 2024
