مصطفي صوت واحساس وهدوء وكلمات واقعية جميلة لن ولم تكرر ايها الاسطورة لقد خلت تاريخ لا يشق له غبار علي مر الأزمان 🥰 رحمك الله تغشاك يا ود سيد أحمد ويعوضك الفردوس الأعلى من الجنة يارب العالمين 😢❤
وترجل فارس الكلمات عن صهوة جواده..ترجل المناضل واحد رموز الشعر السوداني..ترجل رفيق حميد ومحجوب ومصطفي .. الف رحمة ونور تنزل عليك يا قدال .. صحي الموت سلام ما يغشاك شر 💔
سمعتها 2011 وأنا جايي من الشمالية والدنيا ليل راكبين 4×4 كانت اول مرة والليلة سمعتها 16 \4 \2020 في دولة ليبيا الجماهيرية الف رحمة ونور تنزل عليك إن شاء الله
صدام صبري بسمعها من المملكة العربية السعودية الجبيل الجمعة 5/7/2024💔 التحية لكل رفقاء الدرب في أرض الوطن وفي أرض المهجر ولكل الطيور المهاجرة ❤ والف رحمة ونور تغشاك مصطفانا 💔
من اي كوكب انت تعجز الكلمات عن وصف أما أشعر به من سعادة وشحن اتزكرنا الجزيره الترع ابو عشرين وأبو سته والتفنن و التقا. سماح فوق بت مزارعيه الف رحمه ونور تنزل عليك أبو السيد
والله العظيم كنت بسمعها قريب دا يمكن 2014 و انا في الدهب بحس نفسي في الغربه و بتزكر المغرب و الحله بكون قاعد براي مع نفسي والله حاجه روعه في روعه. في الولد البتل ضرعتو 💪
سألتك بالذي ركز الارض معبد وسوء الناس عليها مقااااام كم انت فنان ي فنان ي ابو السيد اشجيتنا وامتعتنا بالحانك واغانيك المعبرة بمعني الكلمة رحمك الله وأسكنك أوسع جناتها
ابداع منقطع النظير رحمك الله رحمه واسعه ابو سامر .. منذ ان رحلت وغطا الزمن علي وجهك بغطاء الابديه . افتقدنا ذلك الفن الرائع ٨/١٠/٢٠٢١ ٣/٢/١٤٤٣ المملكه العربيه السعوديه
يا سلام الجميل ابو السيد ربنا يرحمك يا انيق المفردة و جميل اللحن ....يا انسان معنى و لفظ في الولد البتل ضرعاتو في العرضة و يطير صقرية حال جيشنا الهمام وهو يطهر ارض الوطن من دنس المرتزقة.... شليل ما بيروح ان شاء الله
مصطفي ود سيد أحمد رحمة الله عليك بحق وحقيقة قلت غنوات من داخل جمة حشي المغبون محمد أحمد الفدائ وعبدالرحيم الشهيد ونسأل الله أن يسلط على الأعداء زبانية الدنيا و الاآخرة وجوج مأجوج على شيوخ تلب شيوخ الكِضب وأحفادهم وتكون مزيكة الحواري مدورة من المروة سودان الى أسوان حداداً لدار فور وكردفان والشُلك المسلمين من زمان والتحية لود سُلفاب وباقى التراب ولكل من ضاق العزاب ،.،.،.،.،.، أسد والله يا احباب
تباً ياخي والله محظوظين الناس الحضرو الحفلة وأنحنا الله يعوضنا ساااااي لقد فقدنا الفن بفقداننا لهؤلاء الأساتذة الفنانون المبدعون لك الرحمة والمغفرة بقدر ما قدمت لهذا الوطن .
الف رحمة ونور عليك وربنا يتقبلك بواسع رحمته وأن يسكنه فسيح جناته ويلهم أهله وذويه الصبر والسلوان وانا لله وانا اليه راجعون السودان فقد قامة في الإبداع مصطفى والكلام انته
شليل ما راح شليل ارضنا يا جنيات. هذا الفنان بارع فى التلحين حتى أصعب الكلمات كما قال احد الظرفاء بأن لو وجد جريده يستطيع أن يقوم بتلحينها. نتمنى للشاعر الكبير محمد طه القدال الصحه والعافيه . اللهم ارحم مصطفى سيد أحمد هذا الإنسان بمعنى الكلمه خولوق ومهذاب واجعل قبره روضة من رياض الجنة ياكريم.
بقول غنوات بقول مصطفى لست ادرى كيف ابكيك ويا قدال في رفاقتك بشوف ماضيك وماذ اقول وكيف اعبر مصطفى سيداحمد الكلمه التحدى والنغمه التصدى عنوان الرجاله فى كل كلامو اكيد - فقد والله
بقول غنوات .. واقول غنوات في البلد البسير جنياتها لي قدام .. بقول غنوات وفى الولد البتل ضرعاتو في العرضة ويطير في الدارة صقرية .. ولو السمحة تلت إيد ومدت جيد يقوم شايلاه هاشمية يشيل شبالو وختفة ريد وفرحة عيد .. وريدة روح وحمرة عين وإيدية بقول غنوات .. بقول غنوات وفى الولد البشيل مدقاقو قولة خير على القمرة يقابل الجاية متحزم ويدارك الجاية متلزم كلام فاسك على أرضك يبقى عديلة يا بيضا ويبقى زفاف تزغرد ليه قمرية و قبال حول تغيم غيمة قبلية ترش الدارة والحدبة الصعيد الحلة يا فرحه بتطارد الصفقة في النسمة الصعيدية وياجهرة نهار الليلة بدرية رحيح جنياتنا في الحدبة الصعيد الحلة يا قمحاتنا هو لبلب ... يا سمحاتنا هو لبلب و يا اللوز الفتق في الوادي هو لبلب ويا البحر الطمح مدادى هو لبلب .. ويا حجواتنا يا دعواتنا هو لبلب سألتك بالذي ركز الأرض معبد وسوى الناس عليها مقام سألتك بي حجا الأمات ودعواتنا .. سألتك بي كبيداتن و دمعاتنا شليل وين راح .. يكون ضل الخريف فاتنا وشليل وين راح وزي برق السماك الجابها دغشية وزي زغرودة البطن الكبارية مرق من شامة القمرة مهيقت بي وداعة الله ومقدم بالعديل يبرا تعالوا ابشروا ياجنيات شليل ما راح .. شليل ما فات شليل عند المسورو حرق بقالو حصاد شليل فوق التقانت قام خدار وبلاد شليل مشوار.. شليل مسدار شليلنا أرضنا يا جنيات شليل قائم نصاصي الليل يتمتم ليلو وردية حرازنا شليل .. شليلنا دليب شليلنا دليل على البلدات بعد درب التبلدية شليل ما راح .. شليل ما فات مزارع بات على عشقين تراب بلدو وسماح فوق بت مزارعية .. . عاشق ابوالسيد
الله الله لك الرحمه والمغفره طيب الله ثراك ابوسامر سبحان الله مرت ٢٧سنه بينك وبيننا وبعدك فقدنا البوصله الموسيقيه وكلنا تركنا العزف بعدك ولن نزوق طعم اله الي خلفك وكل الاوكسترا اصبحت حزينه ياحليل زمان وين اليوم كنت تجمعنا كلنا ومافي خلاف بينا اليوم مافينا حد بتفقد اخوه تحياتي للفرقه الموسيقيه ١ ياسرعثمان قصاص علي الاورق ٢ دفع الله بشير على آله الطرنبيت ٣ النور ابراهيم اكورديون ٤ حسن يعقوب جيتار ٥ عبدالماجد مكي بيس جيتار ٦ كمال كومي طبله ٧ عبدالمنعم الفكي إيقاع وتحياتي للإخوان استزنا وكبرنا عازف الساكس فون محمدادم المنصوري والعازف محمد بلاش جيتار بيس جيتار معلم كلو و الاخ علا الدين علي اله البيس جيتار والرحمه والمغفره للأخ حسن بحري وتحياتي إليك الفي السودان وفي الدوحه
رحمك الله يا قامة ..... وتحية لصاحب الكلمات محمد طه القدال ...... ..... كتب الشاعر هذه الاغنية في منطقته حليوة في ولاية الجزيرة ......... حليوة ليلة المولد ......... ي سلاااااااااااااام
