انا ك مغربي و ادمنت على هاذي القصة و سببها صديقي بالغربة سوداني و فعلا والله روعه و تخليك تتلاشى مع الزمن الجميل و ماضيك المر أو الحلو و تحياتي للشعب السوداني الشقيق من مغربي مغترب
أجمل وأطيب ناس اهلي وناسي السودان عشت معاكم وكنت ساكن الحلفاية والجريف شرق درست في كلية الجريف شرق التقنية اخوكم من العراق والله كل الطيبة و الأخلاق في السودان
انا مصرى لكن الاساد المبدع البرفوسيييييييييييييييييييييييير فنان من كوكب اخر ........وعم عبد الحيم فى كل حتة فى الوطن العربى المنتمى لافرقياااااااااااااااااااااا شكرا لتنزيلك هذا الابدااااااااااااع
mohammed interpack مصطفي سيد احمد مدرسه متفردة لم تحظي بنظرة تأمل ومظلوم في الاعلام العربي واتمني أن ينالها عبر اليوتيوب شاكرين مقدرين متابعتك للفن السوداني الذي يثري في وجدان الإنسان السوداني ليعزف لحن أخلاقي تعايشي مشكور إبن النيل لسماع الموسيقي السحرية يا زمن رجعني لبلدي ملعون أبوك ياغربة
ترك السودانيون بصماتهم في كل شيء لكنهم أبدعوا في الغناء والألحان في شكل يفوق خيال البشر، كلمات محمد الحسن سالم حميد تلامس قصص القهر وحكايات أزمنة الصعاب، لواري الخلا وحمار الكارو الشعبية، بائعات الدكوة وفارشي الطماطم، أسواق العصر وعراريق الرجال، توب الخالات ستات الشاي، قوارب النيل المتجهة نحو القرى الطينية .. يمكن أن تشعر كل هذا من خلال صوت مصطفى سيد أحمد وطرب عوده الدافئ الحنين. سلام على أحبتي وشعبي
كان والدي يستمع لها من كاسيت عام ١٩٩٨ وكنت صغيراً آنذاك. الآن كبرت وسافرت بعيداً عن وطني تغربت حتى لا يكون والدي نسخة آخرى من عم عبدالرحيم ، كم افتقد ذلك الوالد الحنون الذي لم يبخل علي يوماً بشيء كان كريماً مِعطاء سخي تعجبني سرعة يده للوصول لجيبه اللهم احفظ والدي ووالدتي حتى أعود واعيش بين احضانهم مجدداً. مدينة شيكاغو_ولاية إلينوي_ الولايات المتحدة الامريكية. الساعة الثانية صباحاً بتاريخ 2023/02/08
كان زمااااااان عندنا فنانين بمعنى الكلمة.. ربنا يعينكم الجيل الجديد .من جيل 2000. الى 2023..،والي الأجيال القادمة.. معاكم جدكم سعيد.ابوا سعد ود تندلتي.كردفان.
عم عبدالرحيم كلمات الشاعر محمد الحسن سالم حميد غناءمصطفي سيداحمد فتاح يا عليم رزاق يا كريم صلى على عجل همهم همهما حصن للعباد وهوزز سبحتو ودنقر للتراب هم فوق هم هما صنقع للسما وكان في الجو في غيم وكم نجمات بعاد .. وكان الدنيا صيف لا قالتو كيف اصبحت كيف .. لا لمست حنان .. لا لمست وداد .. لا رمشة طريف من قلب وفي زي ايام زمان ايام الدفي كانت ماها في كانت في المراح .. شدتلو الحمار تحلب في الغنم .. لــي شاي الصباحوالطير ما نضم .. ما رسل نغم .. عم عبد الرحيم اتوكل نزل في المشرع لقى زملان الشقا الجا من الجريف .. الجا من الجبل .. عل الناس بخير .. صبح هاظرهم نقنق ناقرهم وغاظوه ونعل وعم عبد الرحيم ما بخبر زعل كل الناس هنا ما بتخبر زعل تزعل من منو وتزعل في شنو كل الناس حنان .. كل الناس صحاب .. كل الناس اهل .. والماهم قراب قربهم العمل الطاق اليطق عشت ابو الزمل بالحال العليك بالفال بالامل عم عبد الرحيم .. كت فتاح في يوم على ايدك تنوم على كيفك تقوم لا دفتر حضور لا حصة فطور تقرع بالقمر تزرع بالنجوم لكن الزمن دوار لابدوم عم عبد الرحيم ماشي على الشغل في الباب القديم انعارض تكل تنشايح جراح ياما كيف الغسل الدنيا ام صلاح تبدأ من التكل من حجة صباح في حق الملاح في اللبس الجديد . في القسط القديم .. وبيناتن عش في الفرج البعيد .. امونة الصباح .. قالتو النعال والطرقن هرن .. ما قالتو جيب .. شيلن يالحبيب قشهن النقلتي والترزي القريب بس يا ام الحسن طقهن ما بفيد وانطقن زمن وان طق الزمن لازمك توب جديد بي أي تمن ... قصبا للظروف والحال الحرن عشان يوم الرحول ما تنكسفي يوم... لو جاراتنا جن مارقات لي صفاح .. او بيريك نجاح .. دا الواجب اذن .. وايه الدنيا غير .. لمت ناس في خير او ساعة حزن عم عبد الرحيم ياحر ماك حر ياريت التمر ياريت لو يشيلكل تلات شهر ولا ايام زمان كانت ما تمر كان ما جاك هوان ما لاقاك ضر كان لا ضقت ضيق .. لا انغرغر الصبر لا شابيت غريق لا طوح فقر .. وكان ما كان وكان اكسيك در .. حكومات تجي وحكومات تغور تحكم بالحجي بالدجل الكجور مرة العسكري كسار الجبور يوم قسم النبي تحكمك القبور تعرف ياصبي مرة تلف تدور ولا تقول بري او تحرق بخور هم يالفنجري يالجرف الصبور كل السقتو ما باقي على التمور وارضك راقدة بور.. لا تيراب وصل .. لا بابور يدور .. والماهية اف عيشة هاك وكف في هذا الزمن تف يا دنيا تف يالعبد الشقي ما اتعودت شكي لكن الكفاف فوقك منتكي والسوق فيك يسوق حالاً ما بتسر الا كمان في ناس فايتاك بالصبر ساكنين بالايجار ... لا طين لا تمر واحدين بالايجار ما لاقين جحر سلعتهم الضراع والعرق اليخر عمال المدن .. كلات المواني .. الغبش التعاني .. بحارة السفن .. حشاشة القصوب .. الجالبة الحبال .. الفطن الفرن .. الشغلانتو نار والجو كيف سخن .. فرق شتى بين ... ناساً عيشا دين ... مجرورة وتجر تقدح بالاجر ومرة بلا اجر عيشهم كمهو وديشهم هان قدر وناساً حالا زين .. مصنع مصنعين طين في طين وين ما مرابا مر بارد همها لا بعرق جبين ولا وشا يصر عين والله عين .. كلها كمها وعزها هان قدر دي الجنة ام نعيم دي الجنة ام قصر يا عبد الرحيم الا ورا القبر لا تسرح كتر فتاح يا عليم وان كان الفقر يا عبد الرحيم اشبه بالكفر حكومات تجي وحكومات تغور تحكم بالحجي بالدجل الكجور مرة العسكري كسار الجبور يوم قسم النبي تحكمك القبور تعرف ياصبي مرة تلف تدور ولا تقول بري او تحرق بخور هم يالفنجري يالجرف الصبور كل السقتو ما باقي على التمور وارضك راقدة بور.. لا تيراب وصل .. لا بابور يدور .. نقرض للحمار ... نقريضة الحمار لا تنسي النعال الطر الخضار اللبس الجديد .. تسريح السفر .. للماشي الصعيد ماشي الديش نفر والبال اشتغل ... والبال اشتغل للابا ما يعيد الحول ما اشتغ والبال اشتعل ... السكة الحديد ياعمو القطر ياعم عبد الرحيم قدامك قطر وسال الدم مطر وطارت دمعتين ونشايح وتر ياطاحن الخبر ما بين القضا ومرحاقة القدر الشدة ام دموع والدمع انهدر ايدهم في التراب .. والعين في القطر عارفين الحصل عارفين في حذر الخبر اليقين دوخ وانتشر اطفال القرى وعمال الحضر ادوهو الطيور ودنو البحر انصاعد سحاب وندافق مطر عم عبد الرحيم في الشارع عصر .. للدار اليسار متفادي الكجر .. عربية الكجر .. دورية الكجر .. جفلت الحمار وطوح زي حجر .. وعم عبد الرحيم اتلافا القطر .. فتاح يا عليم سال الدم مطر .. جرتق بالتراب منشور بكتاب روشتة وجواب ماهية شهر اورنيكين سهر جنب لبدة حمار مقطوعين ضهر عم عبد الرحيم يا كمين بشر صح الموت سلام ما يقشاك شر
ليكم التحية يا شباب ،، بتاريخ اليوم 13-11-2018 الساعة 10:38 ليلا بكيت بكاء شديد لما سمعته بدايه العود بس والله بكاء بحرقه وجعير ع الوطن المنهوب وشوقنا للبلد و للأهل والأحباب و الواحد بتذكر جمال الحياة قبل أن تتم سرقه السودان و الذكريات ، حسبي الله ونعم الوكيل ، أملنا في ربنا كبير ينصلح حال البلاد لو ما لينا اكيد للأجيال القادمة.
رحمه الله استاذنا ابوالسيد هذه الاغنيه تحمل كثير من الذكريات في ولايتي الحبيبه غرب دارفور 2013 شهر ٦ في جبل امير مع أمسيات عند مغيب الشمس (الا كمان في ناس فايتاك بالصبر )ان أعجبك هذا اترك لنا اعجابا
بسمع فيها وانا موجود في دولة قطر ويتذكر الاحداث التي حلت في السودان من حرب ودمار وموت وهجر مواطنيين منازلهم حاجه تقطع القلب وتدمي العين نسأل الله الفرج القريب علي كل ربوع السودان
بسمعها الان 2022 وانا في الصين وقلبي واجعني علي بلدي الله يرحمك ويغفر ليك يارب استاذ مصطفي سيد احمد لسه نحنا مازلنا في دوامات حكوماتنا التي لا تنتهي 😔😔
كنت مره في السودان فكان صاحبي اللي معي ما يسمعها الا اذا بعدنا عن الناس او اذا حان وقت الليل فسألته لماذا لاتسمعها الا في هذي الاوقات قال لي هذي الاغنيه تحكي واقع اغلب الشعب السوداني وانها ممنوعه من يومها حبيت الاغنيه ذي تحياتي للشعب السوداني الامين اخوكم من السعوديه
شاهي جمر 77 ألله احييك أغاني الأمس تهز الوجدان واغاني اليوم تهز السيقان هذا الفنان القامة رحل عن دنيانا وتبقي البصمه موجوده فنان بقامة وطن أتمني كل كلمات الراحل تباع في الصيدليات لأنها دواء للروح
نحن الان فى العام ٢٠٢٣ وما زلنا بذات الحب والوله يا ايها الخالد فينا دوما وابدا .. الا رحم الله الخالدين جميعا ، العم عبد الرحيم ، محمد الحسن سالم حميد ، الازلى ابو السيد ..
اغنية ستظل مسموعة ومرددة على مر الأزمان. لان عم عبد الرحيم هو مثال لكل اب سوداني والعناء والأمل وسوء الحال أمور لازالت حاصلة لكل طبقات المجتمع السوداني
تجسدت في قلبي وعقلي حينما اسمعها دموعي تهدر بلا استئذان زماني قد فارق الحياة المصحوبه بالبساطة والعفه والحب الشريف والضمير الإنساني الجميل والبساطة في الرزق وحلاوة الأهل والأصدقاء . اول ما سمعت عم عبد الرحيم . كنت عامل اعمل برزق اليوم وكانت الكلمات في المعني الحقيقي والمقصود بالنسبة لي ولكل سوداني . سبحان الله اول ما اسمعها اتذكر كل الشغل اللاشتغلته مصحوب بالأمل والتفاؤل . وفي نفس الوقت فيه الاسا والحزن . حينما كان معلم البنان عمي فارق الحياة الله يرحمه ويسكنه فسيح جناته . لا اقدر اقول الا الدنيا والآخرة لله وحده نعيش ونتالم ونفرح ونحزن . وكل الأمر لله وحده. الله يرحمك يا مصطفى سيد احمد ويسكنه فسيح جناته ويلهم أهله واهل السودان الصبر والسلوان . اسطوره لا تتكرر في الحياة مرتين .
عم عبد الرحيم محمد الحسن حميد -****- فتاح يا عليم رزاق يا كريم صلى على عجل همهم همهمة حصن للعباد وهوزز سبحتو ودنقر للتراب هم فوق هم همـة صنقع للسما وكان فى الجو فى غيم وكم نجمات بعاد وكان الدنيا صيف لا قالتو كيف كيف اصبحت كيف لا لمسة حنان لا لمسة وداد لا رمشة طريف من قلبا وفى زى ايام زمان ايام الدفى *********** كانت ماهـا فى كانت فى المراح شدتـلـو الحمار تحلب فى الغنم لى شاى الصباح والطير ما نضم ما رسل نغم عم عبد الرحيم اتوكل نزل فى المشرع لقا زملان الشقا الجا من الجريف الجا من الجبل عل الناس بخير صبح هاظرم نقنق ناقرم غاظوه نعل وعم عبد الرحيم ما بخبر زعل كل الناس هنا ما بتخبر زعل تزعل من منو وتزعل فى شنو كل الناس حنان كل الناس صحاب كل الناس اهل والماهم قراب قربم العمل الطاق اليطق عشت ابو الزمل بالحالة العليك بالفال بالامل ********** عم عبد الرحيم كت فتاح فى يوم فى ايدك تنوم على كيفك تقوم لا دفتر حضور لا حصة فطور تقرع بالقمر تزرع بالنجوم لكن الزمن دوار آ بدوم عم عبد الرحيم ماشى على الشغل فى البال القديم اتعارض تكل تنشايح جراح .. يا كيف الغسل ؟ الدنيا ام صلاح تبدأ من التكل من حج الصباح فى حق الملاح فى اللبس الجديد فى القسط القديم وبيناتن عشم فى الفرج البعيد *********** امونة الصباح قالتلو النعال والطرقة انهرن ما قالتلو جيب ما قالتلو جيب شيلن يا الحبيب غشهن النقلتى والترزى القريب بس يا ام الحسن طقهن آبفيد !! طقهن آبزيد !! انطقن زمن وان طق الزمن لازمك توب جديد وبى اية تمن غصبًا للظروف والحال الحرن شان يا ام الرحوم ما تنكسفى يوم لو جاراتنا جن مارقات لى صفاح او بيريك نجاح ده الواجب اذن وايه الدنيا غير لمة ناس فى خير او ساعة حزن ************** عم عبد الرحيم يا حر ماكا حر ياريت التمر يا ريت لو يشيل كل تلات اشهر والله ايام زمان كانت ما تمر كان ما جاك هوان ما لاقاكى ضر كان لا ضقت ضيق لا اتغرغر فقر لا شابيت غريق لا طلوح صبر وكان ما كان وكان كان اكسيكى در ******* حيكومات تجى وحيكومات تغور تحكم بالحجى بالدجل الكجور ومرة العسكرى كسار الجبور يوم باسم النبى تحكمك القبور تعرف يا صبى مرة تلف تدور ولا تقول برى او تحرق بخور هم يا الفنجرى يا الجرف الصبور كل السقتو ما باقى على التمور وارضك راقدة بور لا تيراب وصل لا بابور يدور والماهية اف عيشة هاك وكف فى هذا الزمن تب يا دنيا تب فى هذ الزمن تف يا دنيا تف يا العبد الشقى ما اتعود شكى لكن الكفاف فوقك منتكى والسوق فيك ياسوق حالا ما تسر الا كمان فى ناس فايتاك بالصبر ساكنين بالايجار لا طين لا تمر واحدين بالايجار ما لا قين جحر سلعتم الضراع والعرق اليخر عمال المدن كلات الموانى الغبش التعانى بحارة السفن حشاشة القصوب لقاطة القطن الجالب الحبال الفطن الفرن الشغلانتو نار والجو كيف سخن فرقاً شتى بين ناس عيشا دين مجرورة وتجر تقدح بالاجر ومرة بلا اجر عيشهم كمهو ديل شوف كمهم وديل شوف هان قدر ********* وناسا حالا زين مصنع مصنعين طين فى طينو وين ؟ ما مرابو مر بارد همها لا بعرق جبين لا وشا يصر عين والله عين كلها كمها عزها هان قدر دى الجنة ام نعيم الجنة ام قصر يا عبد الرحيم الا ورا القبر يلكد فى الحمار لا تسرح كتر وان كان الفقر يا عبد الرحيم اشبه بالكفر *********** حكومات تجى وحكومات تغور تحكم بالحجى بالدجل الكجور ومرة العسكرى كسار الجبور يوم باسم النبى تحكمك القبور تعرف يا صبى مرة تلف تدور ولا تقول برى او تحرق بخور هم يا الفنجرى يا الجرف الصبور كل السقتو ما باقى على التمور وارضك راقدة بور لا تيراب وصل لا بابور يدور ********* نقرط للحمار نقريط الحمار لا تنسى النعال الطرقة ، الخدار اللبس الجديد تسريح السفر للماشى الصعيد ماشى الديش نفر والبــال اشتغل والبال اشتعل ب الابا مايعيد الحول ما اشتغل الغبن الشديد السابة ورحل الضيق المحل الفرج القريب الجا وما وصل زى الحال دة يوم لا كان لا حصل والبال اشتغـل ************* السكة الحديد يا عم القطر يا عبد الرحيم قدامك قطر وسال الدم مطر وطارت دمعتين وانشايح وتر يا طاحن الخبر ما بين القضا ومرحاكة القدر الشهدو الدموم و الدمع الهدر ايدهم فى التراب والعين فى القطر عارفين الحصل عارفين فى حذر الخبر اليقين بوخ وانتشر اطفال القرى وعمال الحضر ادوهو الطيور ودنو البحر انصاع السحاب وادفق مطر عم عبد الرحيم فى الشارع عصر لى تالا اليسار متفادى الكجر عربية الكجر دوية الكجر جفلت الحمار وطوح زى حجر وعم عبد الرحيم اتلافا القطر فتاح يا عليم سال الدم مطر جرتق بالتراب منشور بكتاب روشتة وجواب ماهية شهر مفتاحا قراب اورنيقين سهر جم لبدة حمار مقطوعين ضهر عم عبد الرحيم يا كم من بشر عم عبد الرحيم يا كم من بشر صحى الموت سلام ما يغشاك شر صح فى الموت سلام ما يغشاك شر
انا من نفس منطقة حميد الله يرحمه و في كلام انو قريبنا من بعيد ولذلك القصيدة تجسد فعلا زول المنطقة وعيشتهم وحالهم- المرحوم مصطفي اجاده توصيلها - والله رغم غربتي الطويلة ابكي عند سماعها واهرب من سماعها كثيرا
عم عبدالرحيم صحي الموت سلام وما يغشاك شر 19/2/2020 اي زول يسمع الأغنية بعد التاريخ ده صلي ع النبي ولايك بس عشان نحصر الناس العمرها ضايع ولحقتو بالإبداع ده
ذكرى لكل جيل قادم ترحموا على شهداء 2019/6/3 مجزرة القيادة العامة يوم ٢٩ رمضان فل يشهد التاريخ للعار الذي لحق مليشيات الدعم السريع الجنجويد و قوات الشعب المسلحة في ذلك اليوم سقط ٣٥ شهيد شريف من أجل السودان 😭🇸🇩 وصمة عار و موت شرف للوطن
عم عبدالرحيم اغنية تسرقك من واقعك و تنقلك لواقع خيالي ، اتذكر 2008 لا استطيع النوم الا بعد سماعها ، و ليالي الداخليه الجامعية و الاستماع لها ف منتصف الليل ابو السيد ف القلب ❤️
رحم الله القامة الفنية والانسانية العملاق أبو السيد عم عبد الرحيم ليس موجودا في السودان و حسب بل حتى هنا في تشاد في نفوس الغلابة و الكادحين من الشعب التشادي... تحية للعملاقين من قلب تشاد ابو السيد وسالم حميد رحمهما الله تعالى...
ههههههههههههههه ههههههههههههههه كيف صوت ملائكي ههههههههههههههه اول مره اسمع بصوت ملائكي ههههههههههههههه احسن تقول ملاكم كان تكون أقرب شوية ههههههههههههههه ههههههههههههههه على العموم فنان اكتر من رائع جدا لحد الادهاش
حاليا بسمع ف الاغنية دي والحرب شغااالة.... 😢😢😢 وبتزكر كل تفاصيل بلدنا السمحة ومعاناة الشعب السوداني الكل يوم بعاني بسبب جور الحكام وتسلطهم..... نسأل الله ان يضرب الظالمين بالظالمين ويخرجنا منهم سالمين
الان في عام ٢٠٢٤ وما زلنا يا ابوالسيد بنسمع فيها ولسه دموعنا بتنزل كانو بنسمعه أول مرة كلما أسمعها اشعر أنك توصفني وان المقصود هو والدي ربنا يمتعه الصحه والعافيه كنا اطفال لعم عم عبدالرحيم ونحن صغار لذلك هاجرنا الأهل والوطن من أجل إصلاح الحال ولو بالقليل😢 يا صاحب الحزن النبيل المجد لك والرحمه والمغفرة لك🙏
اجمل اغنيه سودانيه بل اكثر من اغنيه كلمات صوت موسيقي تضرب في الاعماق تحس بالقناعه والبساطه والحزن وصف دقيق للحال واغلي واصدق دموع هي التي تنزل عند سماع هذه الاغنيه رحمك الله مصطفي لكم التحيه ابناء بلدي الغالي في كل بقاع العالم ربنا يجمعنا في ترابنا الغالي
1/5/2023 وكأن الاغنيه كُتبت لأجل هذا التاريخ، وبلادنا تمر بمنعطف أخطر مما يكون.. قصف بالمدافع الطائرات الحربية،... عسكر وجنجويد.... عم عبدالرحيم يجسد واقعنا... إن قدر الله لنا الحياة ساعود لهذا التعليق في يوم النصر 💔 اللهم احفظ بلادنا من كل شر
بسمع الأغنية دي كل صباح وانا في الدوام عم عبد الرحيم كن فلاح في يوم ع ايدك تنوم ع كيفك تقوم لا دفتر حضور ولا حصة فطور تزرع بالقمر تقرع بالنجوم لاكن الزمن دوار م بيدوم 💔 الف رحمة ونور تنزل عليك ي مصطافانا 9/10/2023
الله يرحمك أستاذ مصطفى فنان يحمل كل معاني الفن قمة التواضع والأخلاق النبيلة انسان يحمل كل معاني الإنسانية كان يتألم للسودان أكثر من ألم مرضو رحمة الله عليك يافنان كامل الأوصاف
أحكى ليكم عن مصطفى (1) يوم التلاتا 6 يونيو 1989 مشينا أنا و Asim Karoum لى بيتو فى الديم عشان اقول ليه يجى يعمل لى حفلة زواجى يوم 8 بعد يومين، عرفت انو عنده عمو إتوفى فى العرضه. طوالى قمنا مشينا العرضه لعمل الواجب وقعدنا معاهو لحدت العصر. فجأه قال لينا تعالوا ندخل جوه. دخلنا وقعدنا فى الصالون على الارض فوق مخدات الكراسي، مصطفى بدا يدندن بي المقطع الاول لى عم عبدالرحيم وقال لينا أسأل الله ان يدينى العمر عشان اقدر أكمل الشغل بتاع حميد (عليهم الرحمه ) :- أها يا طارق انتا ناوى تعرس متين :-والله يا ابو السيد انا مشيت ليك البيت للموضوع دا لكن طبعا الوقت ما مناسب انا زواجى بعد بكره نادى الضباط :- تمام امشى الديم كلم طارق يجمع الفرقه :- تمام يللا سلام يوم الخميس ٨ شهر سته سنة ٨٩ من الساعه سبعه ونص نزل هوا ومطر ما اظن اتكرر لى يوم الليله دا كلو من ورا الحلل الاكلناها فى الهند زمن الدراسه لو كنت بعلم الغيب أكان اشترى دستة صحون، ما علينا المهم زى الساعه حداشر الهوا زى نص وقف كدا وانا لبسونى توب (أى والله توب فوق البدله) عشان اقدر اطلع الشارع، المهم مشيت شلت العروس Nada Nemir من الكوفير شارع 15 واتوجهنا لنادى الضباط على فكره نادى الضباط كان بينهى الحفلات الساعه 11 قبل ما تكون قانون بعد انقلاب الكيزان وصلنا النادى زى الساعه 12 والمطر والهوا وقف وجانى Mohamed Elmahdi Abdelwahab قال لى اسمع ياخ سلم على المعازيم وقول ليهم نجى بكره فى بيتنا نعمل حفله صغيره ونكلم مصطفى يجي يغنى لينا بالعود وأثناء ما نحن بنرتب فى الموضوع دا، إذا به النادى ينور والباب يفتح والحرس يقول لينا اتفضلوا ادخلو.... 😳 😳 😳 مصطفى دخل من الباب الغربي هو والفرقه ومشى للضابط المناوب وقال ليهو دا عرس اخوى الضابط كسر التعليمات وشغل الجنريتر وفتح النادى بعد الساعه 12 فى اول انقلاب عسكرى على السلطه المدنيه الزمن داك وعملنا الحفله و والله لو لا صلاح حاج سعيد وقف الحفله بعد الفجر ما طلع ما كان مصطفى حيوقف الغنا بس غايتو انا و Noureldayem Abdelwahab Alfuwair عارفين السر تعديل عرفت بعدها انو مصطفى كان اول الواصلين النادى الساعه 7 بعد رفع العزاء مباشرةً و قبل المطر ولما ما لقا الناس والمطره صبت رجع وجا تانى بعد المطره وقفت
انا بسمع الأغنية عم عبدالرحيم من عمري ١٦ حتي اليوم كان اغني الوحيد بقويني من كتر التفكير 😢 عيشته في سودان اصعب طفوله شغل من عمر ٨ سنه لكن فضل ربي الان في كندا و لسه عم عبدالرحيم اغنيتي المفضل ❤2024/7/27
البسمعها في ٢٠٢٣ لايييك صنقع للسماء وهوزز سبحتو ودنقر للتراب😥💔 نسأل الله لهم الرحمة والمغفرة المبدعين الذين لن ولم يتكررو ابو السيد وحميد لسان حال الغلابة
فتّاح يا عليم رزّاق يا كريم صلى على عجل همهم همهمة حصّن للعباد .. وهوزز سبحتو دنقر للتراب .. هم فوق هم هما صنقع لى السما وكان فى الجو فى غيم وكم نجمات بُعاد وكان الدنيى صيف لا قالتلوا كيف .. كيف أصبحت .. كيف لا لمسة وداد لا لمسة حنان لا رمشة طِريف من قلباً وفى زى أيام زمان .. أيام الدِفِى كانت ماها فِى .. كانت فى المراح شدَّتلو الحمار .. تحلب الغنم لى شاى الصباح والطير ما نضم .. ما رسـّل نغم عم عبدالرحيم إتوكـّل نزل .. فى المُشرَع لِقَى زُملان الشقا الجا من الجريف .. الجا من الجبل علْ الناس بخير صبّح هاظرُمْ .. نقْنقْ ناقَرُمْ غاظوهو .. ونعَل وعم عبدالرحيم ما بخَبِر زعل كل الناس هنا ما بتخبِر زعل تزعل فى شِنو .. وتزعل من منو.. كل الناس هِنا .. كل الناس صِحَابْ .. كل الناس أهَل والماهُم قُرَاب .. قرّبـُمْ العمل الطاق اليَطُقْ .. عشتْ .. آ .. أبوالزَمَل بى الحال العليك .. بى الفال .. بى الأمل عم عبدالرحيم .. كُتْ فلاح فى يوم فى إيدك تنوم .. على كيفك تقوم لا دفتر حضور .. لا حصة فطور تزرع بالقمر .. تقرع بى النجوم لكن الزمن .. دوّار .. آ .. بِدُوم عم عبدالرحيم .. ماشى على الشغل فى البال القديم .. من عار التُكل تنشايح جِراح .. كيف الغُسُل الدِنيِى أم صلاح تبدا من التُكُل من حِجـّة صباح .. فى حق المُلاح فى الغُبُن الجديد .. فى القسط القديم وبيناتِن عشم .. فى الفرج القريب أمونة الصباح .. قالتْلُو النـِّعال والطِرقى .. إنَهَرَنْ ما قالتْلُو جِيب .. شيلِن يا الحبيب غشّهِن النُقُلْتـِى والترزى القريب بس يا ام الحسن .. طقّهِن .. آ .. بِفيد .. طقّهِن .. آ .. بزيد إنطقّن زمن وإن طقّ الزمن .. لازمِك توب جديد بى أيـّاً تمَن غصباً لى الظروف .. والحال الحَرَنْ شان يا أم الرحوم .. ما تنكسفى يوم لو جاراتن جَنْ .. مارقات لى صُفاح أو بيريك نجاح ده الواجب .. إذن وأيه الدِنيِى غير .. لمّة ناس فى خير أو ساعة حُزُن عبد الرحيم يا حُر ماكا حُر يا ريت التمر .. ياريت لو يشيل كلِّ تَلاتْ .. أشـُرْ ولاّ أيام زمان كانت ما تمُر كان ماجاك هوان .. ما لاقاكى ضـُر كان لا ضِيق يضيق لا أنغرغَرْ صبر ولا شابيت غريق .. ولا طلوَحْ فقُر كان ماكان .. وكان أكيسى دُر حيكومات تجى وحيكومات تغور بتحكم بى الحِجِى .. بى الدجل الكِجُور مرّة العسكرى .. كسـّار الجِبُور ويوم بإسم النبى .. تحكمك القبور هِم يا الفنجرى .. يا الجرف الصبور كل السقتو ما باقى على التِمور وأرضك راقدِى بور لا تيراب وصل .. لا بابور يدور والماهية أُفْ عيشة هاك .. وكُف فى هذا الزمن .. تـُف يادنيا .. تـُف يا العَبِد الشقى ما أتعوّدْ شكى لكن الكفاف فوقك .. منتكى حالك ما بتسـُر إِلِّى كمان فى ناس فايتاك بى الصبُر ساكنين بى الإيجار .. لا طين .. لا تمُر وواحدين بى الإيجار .. ما لاقين جُحُر سِلعـتُمْ الضُراع .. والعرق اليخُر عمال المدن كلاّت الموانى الغُبُش التعانى بحّارة السُفُن حشّاشة القصوب لقاطّة القطن الجالبة الحبال الفِطن الفُرُن الشغلانتو نار والجو كيف سُخُن عيشُنْ كمّهو .. وديشُن هان قَدُر وناساً حالا زين مصنع .. مصنعين طين فى طين .. ووين ما مرابا مُر.. بارد همها لا يعرق جبين .. ولا وشاً يصُر عين والله .. عين كلها كمها .. وهمها هان قدُر فى الجنة أم نعيم .. فى الجنة أم قُصُر يا عبد الرحيم إلِّىِ ورا القبُر ويلكد فى النعال فتاح يا عليم وإن كان الفقر يا عبدالرحيم أشبه بى الكُفُر ونقرط لى الحمار نقريط الحمار .. لاتنسى النِعال الطِرقِى الخدار اللِّبِس الجديد تسريح السفر .. لى الماشى الصّعيد ماشى الدّيش .. نَفَر والبال إشتغَل بى الأبى ما يعِيد .. الحول ما أشتغل الغُبُن الشديد .. السابا ورحَل الضيق .. المحَل والفرج القريب الجا .. وما وصَل زى الحال ده يوم .. لا كان .. لا حصَل والبال إشتعَل السكة الحديد .. يا عمو القَطَر يا عبدالرحيم قِدّامك قطر ........... وسال الدم .. مطر وطارت دمعتين .. وإنشايح وتر يا طاحن الخبر ما بين القضا .. ومَرْحاكة القدر الشِّهدوا الدموم .. والدمع الهَدَر إيدُمْ فى التُراب .. والعين فى القطر عارفين الحصل عارفين فى حذر الخبر اليقين .. بوّخ .. وإنتشر أطفال القرى .. وعمال الحضَر أدوهو الطيور .. ودَّوا البحر إنصاعت سحاب وإنْدافَقْ مطر عم عبد الرحيم .. فى الشارع عَصر لى تالا اليسار متفادى الكَجر .. دورية الكجر جفّلت الحُمار .. وطلوَح زى حجر وعم عبد الرحيم .. إتلافا القطر فتاح يا عليم .. سال الدم مطر جرتق لى التُراب منشور بى كتاب روشتّة .. وجواب مفتاح أب قُراب .. أورنيقين سَهَر جنب لِبدة حُمار مقطوعين ضَهر ... عم عبد الرحيم ..يا كمِّين بشر صحِّى الموت سلام ما يغشاك شر ..
لا حولا ولاقوة ااي احساس هذا الذي يجبرك ان تنزرف الدمع دوون إرادتك😭😭😭 والله لو قلبك حجر الكلمات دي تهزك ومصطفي يتكل وكأنما يجسد الواقع الذي نحن فيه الان ..رحمة الله تغشاكم القامة محمد سالم والعملاق الفنان المرهف مصطفي سيد احمد