تاريخ العملة في برنامج فلوس وبس 

تاريخ العملة في برنامج فلوس وبس
في بداية الدنيا ايام ماكان الانسان بدائي جدا كان بيستخدموا نظام المقايضة بدل الفلوس عشان يشتروا من بعض السلع يعني انا عاوزه بطاطس ومعايا تفاح فبدور على حد معاه بطاطس وعاوز تفاح ونبدل سوا
انت مثلا معاك بقره وانا معايا شوية خرفان فنبدل البقرة بشوية الخرفان وهكذا في اغلب السلع
لكن ظهرت بعض الصعوبات في نظام المقايضة لانك مش دايما بتلاقي اللي انت محتاجه مع حد محتاج اللي معاك فيرضى يبدل وهنا ظهر الوسطاء او السماسره فياخد من ده ويودي لده ويطلع بعمولته
ياه طلعت شغلانه قديمه جدا
ومع تطور الانسان بدأ الانسان في استخدام وسيط مش انسان فمثلا بعض المناطق على الساحل حولين المحيط الهندي استخدام الاصداف كوسيط للتجارة سنه 1200 قبل الميلاد (فيديو لعرافه ابين زين ابين واوشوش الودع)
اما في الصين بقى ظهر الابداع على حق عملوا نسخ صغيره من البرونز على شكل المنتج وبقيوا بيبادلوها مع بعض (فيديو لتبديل اسهم مع دروع في اشكال مصغره ولكن يجرح احدهم بسبب الشكل المصغر)
وطبعا محبوش خالص انه كل شويه حد يحصله حاجه بسبب العمله فقرروا عمل عمله موحده على شكل دائري عشان محدش يتعور
وبمناسبة ان الحلقة بتتكلم عن الفلوس فانت مش هتغرم اي حاجه لو عملت اشتراك في القناة ولايك وشير للحلقة عشان نقدر نكمل معاكم ونجيبلكم حكاوي عن الفلوس اكتر واكتر
وكانت اول عملة معدنية حقيقة من الذهب والفضة في 600 قبل الميلاد وعملتها الحكومه الليدية
وفضلت العملات المعدنيه متداولة سنين كتيره جدا وكانت من اول العملات الذهبيه اللي تم استخدامها على نطاق واسع في اوروبا كلها عام 1250 ميلاديا في فلورنسا وسموها فلورين وده طبعا شجع التجارة الدولية بشكل واسع
وفي سنه 1290 ميلاديا ادت رحلات المستكشف الايطالي ماركو بولو للصين ان جاب فكرة الاوراق النقدية لاوروبا
وفي سنه 1400 ميلادي
ابتدت تظهر مفاهيم اوضح لفكرة البنوك والقروض وكسب التجار الايطاليين ارباح كبيره جدا لما بدأوا يمولوا رحلات التجار من بلاد كتير
وفي سنه 1661 اتطبعت اول الاوارق النقدية في السويد وطبعا كانت مناسبه جدا جدا بدل ميضطروا يعتمدوا على المعادن الخام اللي مش بتبقى موجوده بسهولة
وفي سنه 1871 ميلادي حصلت طفرة كبيره جدا في الفلوس فظهرت شركة ويسترن يونيون وبدأت تحول الفلوس لكل حتة في العالم
وبكده يبقى قدرنا نوصلكم تاريخ الفلوس واصل فكرة الفلوس ايه وليه كان في احتياج لاختراع الفكره والتطور اللي مرت بيه واللي ناقص بس نحكيلكم اخر تطورات الفلوس في العصر الحديث وده محتاج حلقة لوحدها استنونا في حلقة مستقبل الفلوس
إعداد
أماني عايد
شريف القاضي
تقديم
أماني عايد
مساعد مصور
ماجد المصري
تصميم بوستر الحلقة
مايكل جرجس
تصوير ومونتاج
شريف القاضي
تم التصوير
بإستديو قناة وطني
بجريدة وطني
مساعد مدير قناة وطني
ماجد سمير
مدير قناة وطني
شريف القاضي
تحت رعاية
مؤسسة وطني
للطباعة والنشر
رئيس مجلس الإدارة
يوسف سيدهم
ساعد في الإخراج
دميانه عادل
مساعد مخرج
رينيه رأفت
إخراج
شريف القاضي