اتفق في معك في بعض الامور لكن لكل شي حل مقارنه بالسعر ٦٧ الف شريتها مستخسر فيها تلبيسه بيج او تضليل عازل بعدين الحراره ما واجهتني الى الان مشاكل حراره اللهم لك الحمد والشكر بالنسبه للقطع قارنها بمثيلاتها الاصلي وبتشوف انك في نعمه ما بقولك فلكسواجن بقولك اشتر قطع مكسيما او التيما اصلي اذا ما مسكت راسك معي صني البوجي الواخد وكاله ب٥٠ ريال يعني طقم ب٢٠٠ والكويل جلطه ما قلت لك مكسيما ولا التيما + اسعار قطع السيارات مرتفعه جميعها وخصوصا البودي ولا اعلم سبب الارتفاع لكن السياره باختصار على سعرها ومواصفاتها وجودتها اشوف انها طيبه جدا
التكييف فيه عيب توجييهه على الوجه ماهو ذاك الزود لكنه يجمل مو الي تقول رايح فيها بعدين اول ما تشغل فالصيف خله على الاوتو والثرموستات ١٩ او ١٨ ينفض لك الاوتو السياره لين تبرد ثم يهدى من نفسه توماتيك + ترا وضعية الايكو عن تجربه تضعف التكييف خلها على كومفرت وامورك طيبه ترا الايكو كذبه والله ماهي تخفف صرفيه ولاهم يحزنون
وفي كل الاحوال اذا ما حطيت لك عازل اصلي من لومار ولا ثري ام ولا سولار ترا التكييف بيكون ماش بكل السيارات لان اشعة الشمس تصلخ الاماكن الي ما يوصلها المكيف لكن اذا حطيت عازل انا اضمن لك يزين التكييف بنسبة ٣٠ الى ٤٠ بالميه
اذكر قد استأجرت رينو فلوانس ٢٠١٥ موتر جبارر من ناحية اعتمادية وتكييف ومتانه ما تحس انو موتر في فئة الالنترا والكورلا تحسها فئة كامري سوناتا يعني راسي ما شاء الله بس كان عتبي على العزم كان ضعيف لكن لا يقلل منها ابدا واحتمال عشانها شركة تأجير ممكن قد جاها شي لكن بالاجمالي موتر لا يعلى عليه سعر وجوده واعتمادية الان جاء بدال الفلوانس ميقان ممتازه جداا جداا داخليتها نفس داخلية التاليسمان
الله يجزاك خير على ذكر الله الموتر ابدا مو راعي صناعيات وجودة صناعته متينه بشكل غير متوقع خليط الماني فرنسي ياباني كوري قطع الغيار الخارجي غالي والحل لها التأمين الشامل رخيص بحكم السياره ما عليها حوادث كثيرر لقلة عددها واذا كان سجلك نظيف بعد اما الاستهلاكيه نفسها نفس الكامري والاكورد والسوناتا
والله الموتر جباررر جداا كمواصفات وجوده افضل من السوناتا شكل خارجي وداخلي على حسب الذوق ومن ناحية صناعيات ما عاد فيه موتر حق صناعيات الا اذا فيه عيب مصنعي او قبعت به وجهيه انا اشوف التاليسمان افضل بمرااحل بس الزيوت غير (فل سنتاتيك) عشان التيربو
اي انصح ليه لا بس تاكد من اي جهةة ضاربتها الشمس لان الداش بورد الي فوق الدركسون لازم تتاكد منه بعضها من قوة الشمس تنفخ الديكور شف الداش بورد النظيف وتوكل على الله
انشهد انك قابلت لك صيده مفجوره و ملعون خيرها ،، عندي لك كامري اذا رحت عليها لك اللي تبي ،،، كامري 2011 نشيطه تجيب طبلونها و تنزل تحت ال 240 ماشاءالله تبارك الله
والله ياخوك اتوقع يضرها لانها تيربو وفرق السعر ترا مو ذاك الي يسوا نصيحه خلك على الاحمر ما ودي افتيك بشي اجهله لاني مستمر على الاحمر ولا تخليه يفضى مره
