اتفق معك سواء جمس او شفر كلها ممتازه ومريحه للسفر بلاها بحاجتين الاولى المراتب الخلفية للقطع الطويلة بالذات والثانية عدم وجود دفلوك منفصل او نظام منافس في الاماكن الوعرة
@@user-gi6fm2ow4q سافرت مع قرايب من جدة للمدينه راكب أنا وشخص ثاني فالمرتبة الثالثه لتاهو مديل ٢٠١٨ ووزني ١٠٤ وطولي ١٧٨ وخويي تقريباً نفس الوزن والطول وإندهشنا من الراحة والتبريد الممتازين ويكفي إنه فالسفر ولا يهمني فالمناطق الوعرة لأن لها مواترها..
الانارة المفروض يايجي معه زرار لتخفيض المستوى اثناء التحميل او يكون تلقائي ،، بالنسبة للي قدامك يستاهل لانه مشغل كشافات الضباب ، انا اي واحد مشغل الكشافات اعلق بالعالي لانه يعتبر مئذيني.
ما اعتقد ان التحميل ياثر على المقصات بتبقى على نفس المستوى لان عند التحميل اللي ينزل بدي السيارة فقط.. والسبرنج يساهم في هذا اما المقصات ثابته وترتفع لو ارتفع الاطار.. في مطب
ماشاء الله .. الله يبارك لك .. بس لاحظت القديم افضل بصرف البنزين بالخط .. امشي من الجبيل الى الرياض وباقي فيه نص بالضبط .. ولكن اعتقد الشركة ذكرت انه بالمدينة الجديد افضل
المكينه وحده ما تغيرت ونفس الصرفيه مع اني اتوقع الموديل الجديد شكله انسيابي اكثر من الاول وهذا يحسب له ما تقدر تقيس مدى صرفية البنزين لان كل واحد له طريقة بالسواقه
@@fairytail4102 تمام لاكن عندك فديو له ولا شفته في خط سفر وصورته لاكن ممكن نقول الدينالي اذا كان باعلى مستوى ينزل بعد سرعه 100 اما الفئات الاخرى نظام تعليقها مساعدات عاديه
مبروك عليك السيارة الله يعطيك خيرها ويكفيك شرها. بصراحة بدون أي تجربة تكفي النظرة الأولى لخلفية السيارة والمقصات النازلة الصانع أخطأ خطأ فادح وإذا ما رجعوا النظام اللي قبل ماراح يمشي سوقه والله أعلم، أنا شخصيا معجب بكل شي فيه إلا العيب المذكور ولو كنت الآن بشتري دورت واحد من الموديل اللي قبل، وشكراً.
ماشاءالله الله يبارك لك ، ايش نوعية البنزين ؟؟ وهل اذا اخضر حسيت فيه تقطيع بسيط؟؟ لانه عندي الاسكاليد اذا اغير للأحمر تروح التفتفه البسيطه عند الغيارات الاولى . فحصته على الخط من حالة الوقوف مافيه شي
ماشالله الله يعطيك خيره القديم صرفيته اقل من هذا من تجربه اتكلم عن مديل 2010 تاهو قبل 10 سنوات من مديل هذا يمشيني التانكي 680 الى 700 واخر مره قبل اسبوع كانت من الرين محطه برودان الى داخل ابها 661 كيلو ولعت المبه ونفس حجم التانكي 98 لتر الجديد جميل لكن انصدمت من صرفيته اللي تعتبر اكثر من القديم او مقارب له ..
لوتكرمت استفسار عن نظام مانع الانصدام كيف يعمل يعني لو السيارة اللي قدامك وقفت هل بيوقف التاهو نهائي تلقائي او فقط يعطيك تنبيه وهل فيه مثبت سرعة تفاعلي اوعادي
جينرال موتورز اتخذت سياسة جديدة وهو تحديث فيس لفت كل 3 سنوات وبدأت هذه السياسة بتحديث بيك اب سلفرادو وسييرا الي نزل الجيل الجديد 2019 وعملو له فيس لفت 2022 كمان في التاهو 2021 بيعملو له فيس لفت في عام 2024 ويشمل هذه التحديث تعديل في المقصات واضافة شاشة ديجتال للعدادت واضافة بروجكترات بالاضافة تحديث لتصميم الواجهة الامامية والخلفية
يا غالي عندي سؤال الله يسعدك انا عندي تاهو 2021 ولكن مشكلتي في الانوار قويه و تعمي الي في الشارع وما عرفت كيف اوطي النور الله يسعدك اذا تعرف علمني الله يسعدك
السلام عليكم اخي الغالي انا افكر اشتري لي واحد يايوكن او تاهو من الاخر هل تنصح فيه يعني يستاهل ولالا ؟ انا اهم شي العزل والراحه ابغا احسن اني جالس فالبيت 😂
عزالله انها افضل موتر في فئته من ذا الناحية تمسك خط عادي كنك جالس على كنب الصالة معنا واحد 2016 تاهو وكان معنا يوكن 2011 XL الكبير اذ عندك عائلة كبيره انصحك تاخذ الكبير الي هو يا سوبربان ولا يوكن XL تشيل الركاب وتشيل العفش وانت مرتاح
صرفيته تعتبر سيئة عندي يوكن 2017 قير 6 نمر من الرياض الى ابها 1100 كيلو بتانكي واحد واقل من ربع تانكي بشوي ، الجمس فيه 6 اشخاص الاغراض فل للسقف ومنزل المرتبة الثالثة ومفلل الشنطة للسقف عفش والصرفية كانت رائعة والممشى مثبت 150 بينما قريبي معه لاند بتانكي وربع عشان يوصل مع فرق اللترات بين الاثنين الجمس 97 لتر واللاند 140 لتر وفرق الراحة والعزل والثبات اكيد
المقصات متعبه في مناطق صخريه فقط وماعليها خوف مقصات من الفولاذ يعني انسى تتكسر أو يصيرلها شي اما النفود سلملي عليه قوي جدا لا استيشن ولا نيسان يجاريه جديد أو قديم
وش ذا من قدام كأنه سنون وحده فوق ووحده تحت الشكل ماش ماش مو حلو بعدين الي يقولون تصلح للبر وكبيره ومرتفعه كذب واضحه من الشكل لو اطلع فوق رصيف حك شوي بس انا عن رأيي اقول مو حلو
